Казанда Шәһәр көнендә Олег Газманов һәм Стас Костюшкин чыгыш ясаячак

Шәһәр көне бәйрәм программасы чаралары билгеле булды

Республика һәм шәһәр көнендә казанлылар һәм кунакларны популяр артистлар Олег Газманов һәм Стас Костюшкин бәйрәм белән котлаячаклар. Бу хакта Татарстан башкаласы мэриясенең аппарат киңәшмәсендә башкарма комитетның беренче урынбасары Дамир Фәттахов җиткерде.

Бу көнне бәйрәм чаралары Казан ратушасында башланып китәчәк. Анда шәһәр һәм республика бүләкләрен тапшыру һәм шәһәрнең Мактау китабына кертелү булачак, диде Д.Фәттахов.

“Иртәнге сәгать тугызда Меңъеллык мәйданында автомотошоу старт алачак. Хедлайнерларның берсе казанлыларга билгеле британ автокаскадеры Терри Грант булачак. Шулай ук грузовик дрифтлары “Ефәк юл” («Шелковый путь») - «ГАЗ Рейд Спорт» ярыш командасы ралли-рейды резидентын башкарачак”, –дип билгеләп үтте башкарма комитетның беренче урынбасары.

Элеккеге традиция буенча Г.Камал театры бинасы мәйданында “Уйна, гармун” бәйрәме уза.

Төп концерт мәйданы булып “Казан” гаилә үзәге мәйданы торачак. Биредә сәгать унда Казан гарнизоны оркестры катнашында хәрби-патриотик программа башланып китәчәк. Ул сәнгать осталары концерты белән дәвам итәчәк. Ә кичке сәгать алтыда “Казан” янында  бәйрәм  кунакларыСтас Костюшкин һәм Олег Газманов чыгыш ясый.

“Без Олег Газманов чыгышы барлык кешене дә канәгатьләндерер, дип уйлыйбыз. Аның патриотик җырлары шәһәр көненә бик тә туры килә”, - дип аңлатты Дамир Фәттахов.

30 августта барлык шәһәр мәйданнарында да диярлек бәйрәм чаралары оештырылачак. Ә Шәһәр көнен каршылау алдыннан, 25 августтан башлап, һәр ишегалдында диярлек үз бәйрәм прогаммалары старт алачак. “Бәйрәм алды атнасы 25 августтан старт ала. Һәр ишегалды чарасы үзенчә кызыклы булачак”, - дип билгеләп үтте докладчы.

30 августка планлаштырылган әлеге прогамма Казан шәһәре мэриясе рәсми сайтында биреләчәк. Шәһәр көнен бәйрәм итү Татарстан башкаласы бюджетына 10 млн га төшәчәк.
сылтама: http://tat.tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...