9 июльдән 27 августка кадәр һәр пәнҗешәмбе джаз музыкасына мөкиббәннәрне сөендереп торган «Jazz в усадьбе Сандецкого» IX Халыкара импровизацион музыка фестивале программасын танылган виртуоз-гитарачы Павел Чемаковский дәвам итә.
23 июльдә, музыкант һәм аның квартеты Казанда «На пути к свету» альбомын тәкъдим итәргә җыена. Оптимистик рухтагы авторлык программасында джаз, соул һәм фанк табигый рәвештә кушылып китәләр, диелә ТР Мәдәният министрлыгы матбугат хезмәте хәбәрендә.
Чемаковский, шул рәвешле, 2013 елда CD форматында чыккан «На пути к свету»дип аталган шәхси альбомын Казанда тамашачы хозурына тапшыра. Концерт 19.00 сәгатьтә башлана, ТР Сынлы сәнгать дәүләт музее паркы исә 18.30 сәгатьтән ачык булачак.
Сылтама:
http://tat.tatar-inform.ru/news/2015/07/22/111499/
Комментарий юк