10 нчы октябрь 16 сәгатьтә Казан «IT-парк»нда «Gamanoid Cybersport Festival l» Бөтенроссия киберфестиваленең төбәк финалы узачак. Бу хакта ТР Яшьләр эшләре һәм спорт министрлыгының рәсми сайтында хәбәр ителә.
Фестиваль зур экранда трансляция белән шоу-матчлардан гыйбарәт. Спортчыларга «Dota 2», «League of legends», «Hearthstone», «CS: GO» һәм «FIFA 15» кебек 5 уен дисциплинасында үз көчен һәм осталыгын сынап карау тәкъдим ителә. Мәйданчыкта барган хәлләрне online-режимда Twich та gamanoid каналы һәм YouTube та күзәтергә мөмкин булачак. Турнирда катнашу бушлай. Төбәк финалы җиңүчеләре быел көзен Мәскәүдә фестивальнең гранд-финалында үз шәһәрен тәкъдим итү хокукын алачак.
сылтама:
http://tat.tatar-inform.ru/news/2015/10/08/114378/
Комментарий юк