Казан зоопаркының булачак йөзе: миллилек җиңгән

Казан Ратушасында башкалабыз зоопаркының булачак стилен сайладылар. Бәйгедә Россиянең 18 шәһәреннән 76 команда катнашкан – бик күп кызыклы проектлар тәкъдим ителгән. Әмма жюри әгъзалары Казан командасы уйланмаларын иң шәбе дип тапкан. “Максат” компаниясенең “Искиткеч!” дип аталган проекты миллилеге белән игътибарны җәлеп иткән.

210 еллык юбилеен каршыларга әзерләнгән зооботаника бакчасын төптән үзгәртү нияте берничә ел элек белдерелде. Территориясен киңәйтү, аны аерым зоналарга бүлү һәм аңа гына хас стиль булдыру – шул рәвешле бүген шактый күңелсез булып күренгән  Казан зоопаркына яңа сулыш өрү планлаштырыла. Әлеге объектның булачак йөзен уйлап табуга махсус бәйге дә игълан ителгән иде – илнең иң танылган дизайнерлары бөтен фантизияләрен эшкә җикте.

 

 

Әмма кызыклы идеяләр бик күп булса да, җитди көндәшлектә Казан командасы өстен булып чыккан. Махсус призга лаек булган Мәскәүнең Wow House компаниясе исә алардан бераз гына калышкан. Шуңа да Казан зооботаника бакчасының ахыр стилен әлеге ике студиягә бергәләп эшләп бетерергә кушылды. Җиңүче 800 мең сумлык бонуска ия булачак, ә махсус приз алган Мәскәү командасына 700 мең бюджеттан тыш акчалар бүлеп бирү ниятләнә.

«Искиткеч» проектында  милли орнаментларчагылыш таба, логотип, навигация системасы якты төсләрдә эшләнгән һәм бәйрәм кәефе тудыра. Логотипның нигезе итеп ак барс алынган һәм түбәтәй, казан, татар орнаменты һәм зооботаника бакчасы үсемлекләре кебек символлар берләштерелгән. Зоопаркның һәм өлеше үз төсенә ия булачак. Ә күрсәткечләрдәге язулар төрле почмактан караганда төрле телләрдә «сөйлиячәк».   

Моннан тыш махсус мобиль кушымта да уйлап табарга уйлыйлар. Бу кушымтада һәр хайван үзе турында сөйлиячәк. Зоопарк буенча йөргәндә кесә телефоныңа аю яки юлбарыс шалтыратуы бик ихтимал.

http://intertat.ru/tt

 

 

-  Барысы да идеаль түгел. Әле стильне эшләп бетерергә туры киләчәк. Әмма жюри бертавыштан диярлек башка эшләрдән Казанга туры килеп торуы һәм бәйрәм мохите тудыруы белән аерылып тора. Шулай да без икенче урын яулаган команданы да эшкә җәлеп итеп, аларның киңлек бүленеше буенча идеяләрен кулланырга чакырабыз, - дип белдерде Татарстан Президенты ярдәмчесе Наталья Фишман.

 

Казан мэры бәйгедә катнашучыларга рәхмәтен белдереп, иҗади ярышның Бөтен Россия дизайнерлык командаларын берләштерүен билгеләде.

 

- Безнең проектлар яхшырганннан-яхшыра бара, катнашучыларның фикерләве гаҗәпләндерә, шуңа да иң яхшы проектны сайлау җиңел булмады. Әгәр дә  конкурсантлар тәкъдим иткәннәрнең барысын да тормышка ашырып бетереп булса, безнең зооботаника бакчасы яңарачак – казанлылар һәм кунакларыбыз өчен җылы, матур, күңелле, кунакчыл урынга әвереләчәк, - диде Илсур Метшин.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 20 июнь 2021 - 07:03
    Без имени
    Дауамын языгыз
    Сигез сумлык үтүк
  • 18 июнь 2021 - 22:51
    Без имени
    Төкерә хәзер сиңа Әсмабикә!
    Әсмәбикәм, гафу ит!
  • 19 июнь 2021 - 04:36
    Без имени
    Эйе. Молодец Физвлия апа.
    Әсмәбикәм, гафу ит!
  • 19 июнь 2021 - 07:00
    Без имени
    Бик килешәм
    Ике куллы һәм дүрт куллы
  • 19 июнь 2021 - 09:10
    Без имени
    Ирегез чүп түгә, почта ящигын карый, аның өстенә ашарга пешерүдә дә катнаша икән, тагын сез ни көтәсез аңардан?!Эшлидер бит?! Иртән жыенып документ-телефоннарын онытмыйча чыгып китә алсалар бик рәхмәтле булырсың ирләргә, аларны табигать шулай яраткандыр күрәсең.
    Ике куллы һәм дүрт куллы
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан