“Казан” гаилә үзәгендә күзәтү мәйданчыгы ачыла

Бирегә килүчеләр 32 метр югарылыктан Казан күренешләрен күзәтә һәм истәлеккә фотога төшә ала

29 апрельдә Татарстан башкаласының “Казан” гаилә үзәгендә күзәтү мәйданчыгы ачыла. Бирегә килүчеләр 32 метр югарылыктан Казан күренешләрен күзәтә һәм истәлеккә фотога төшә алачак. Мәйданчыкка эш көннәрендә, дүшәмбедән кала, сәгать көндезге 10нан кичке 7гә кадәр, ялларда 12дән кичке 7гә кадәр менергә була, керү бәясе - 50 сум.

Шулай ук 22 май көнне йога буенча чаралар башланып китә һәм һәр якшәмбе көнендә уздырылачак, дип хәбәр итә Казанның ГХАТ идарәсе мэрия сайты аша.