Juna төркеменең яңа клибы чыкты


Һади Такташ сүзләренә иҗат ителгән "Урман кызы" җырын төркем индифолк стилендә башкара.

Әлеге клипны музыкаль төркем 2016 елның август аенда Боровое Матюшино бистәсендәге дачада төшергән.
“Беренче миниальбомыбыз өчен Һади Такташның әсәрен сайлап алуыбыз “БикаФЕст” республика конкурсында катнашу белән бәйле, шуңа без татарча җыр эзләдек. Ул вакытта вокалчы Ания белән бу әсәрнең классик эшкәртелүен ишеттек. Ләкин без аны башкача эшкәртеп, заманчалаштырырга теләдек”, – дип сөйләде Juna төркеменең бэк-вокалчысы, укулел, металлофонда уйнаучы Александра Мостафина.

Аның әйтүенчә, клипта Такташ образын башкача тәкъдим итәргә теләгәннәр. Әгәр поэмада урман кызы кеше буларак сурәтләнсә, клипта ул мифологик образ булып күрсәтелә. Төшерү процессында көймәләрдә төшкәннәр, шулай ук квадрокоптердан да төшергәннәр.

Juna төркеме Россия шәһәрләре буйлап гастрольгә чыга. Мәскәүдә, Чебоксарда булырга өлгергәннәр. Тиздән Омскига барырга җыеналар. Әлеге төркемнең аудиториясе – 18-30 яшьлекләр.

Шушы көннәрдә интернет челтәрендә музыкаль төркемнең ике яңа җыры да пәйда булды. “Иртә”, “Галәмнәр” дигән җырлары Габдулла Тукай һәм яшь шагыйрә Йолдыз Миңнуллина шигырьләренә иҗат ителгән.

Беренче миниальбом өчен – Такташ, икенчесе өчен Тукай һәм Миңнуллина шигырьләре алынган. “Тукайның әсәрләреннән бик озак сайладык. Ә Йолдыз Миңнуллина белән аерым сөйләшү булды. Яшь шагыйрә белән без инде күптәннән аралашабыз, аның чыгышларын да тыңлаганбыз бар. Тукайны сайлавыбыз да юкка түгел, чөнки бөек татар шагыйренең шигырен аласы килде. 

Juna төркеме катнашучылары күбесе – руслар. Ләкин бу аларга татар телендә иҗат итәргә комачауламый. “Музыкаль төркемебез катнашучыларының күбесе Татарстаннан түгел, Россия төбәкләреннән. Junaда бары тик вокалчы һәм гитарачы гына татарча сөйләшә белә. Безгә татар телендә җырлау бик ошый. Казанда бу аеруча бик актуаль. Җитмәсә, мондый стильдә (индифолк стиле – авт.) башка беркем дә эшләми. Татар телендә җырлау бик авыр түгел, әмма акцент сизелә. Шул ук вакытта безне башка халыклар бик яратып кабул итә. Алар хәтта татар телендә шулай җырлар башкаруына шакката”, – ди Juna төркеменең бэк-вокалчысы Александра Мостафина.

Төркемнең катнашучылары татар теленә өйрәнә башлаган. Александра үзе башта бу телне бөтенләй белми. Әмма, төркемгә килеп кергәч, хәзер сөйләм телен аңлый башлаган. 

 

сылтама: http://tatar-inform.tatar/news/2017/02/03/134299/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»