Ижау кызы Италия тамашачысын таң калдырды

Диларә Гаделшина Ижауда туып үскән, башлангыч һәм урта музыкаль белем алып, Мәскәү дәүләт институтында музыка, театр сәнгате, операда җырлау сәнгате факультетында укуын дәвам итә.

Диларә Гаделшина Италия вәкилләре тарафыннан Мәскәүдә оештырылган Халыкара Chorus Inside International фестивалендә испан, инглиз телләрендә җырлар башкара. Жюри әгъзалары Диларәне Италиядә узачак икенче турга чакыра.

Италия башкаласы Рим шәһәренең тарихи үзәге – Пантеонда чыгыш ясавына Диларә әле һаман да ышанып бетми. «Гади Ижау кызы шундый тарихи бинада җырласын әле», дип гаҗәпләнә ул.
Италиядә барып чыгыш ясау өчен Диларәгә озын юл үтәргә туры килгән. Ул Ижауда танылган җырчылар Фәния һәм Мәхәммәтнур Гадальшиннар гаиләсендә туып үскән. Әти-әнисе – икесе дә җырчы, Мөхәммәтнур Гадальшин төрле конкурсларда җиңүче. Фәния ханым күп еллар Татарстанда яшәгән, Татарстанның дәүләт җыр һәм бию ансамблендә җырлаган. Диларә күңеленә кечкенәдән татар моңы сеңгән дисәк, бер дә арттыру булмас. «Кечкенәдән безнең белән концертларга йөреп үсте, хәтта әле бишектә чагында ук калдырыр кешебез юк иде, мин аны репетицияләргә дә үзем белән йөрттем», дип сөйләде Диларәнең әнисе, «Шатлык» ансамбле җитәкчесе Фәния ханым.

Республикада, Россиянең татарлар яшәгән төрле төбәкләренә җыр бәйгеләренә дә ашкынып йөргән кызчык. Ул бәйгеләрдә катнашу өчен борынгы татар моңнарын өйрәнгән. «Мин татар җырларын башкарганда залдагы апа-абыйларның күз яшьләрен күрәм. Халкыбызның борынгы көйләрен яратып өйрәнәм», ди Диләрә.

Диларә Удмуртиядә узган һәр бәйгедә катнашты. Рәшит Ваһапов бәйгесендә ул халкыбызның «Гөлҗамал» җырын башкарып, жюри әгъзаларын таң калдырды — Гран-прига ия булды.
Бүген Диларә Мәскәүдә мәдәният институтында укуын дәвам итә. Быелгы язда бергә укучы дусты белән Италиядән музыка белгече җитәкчелек иткән Халыкара Chorus Inside International җыр фестивалендә катнашырга батырчылык итә. Анда ул эстрада башкаручылар номинациясендә испан телендә җыр башкара. «Гран-при Вишневская исемендәге көллият коллективына бирелде, әмма эстрада номинациясендә чыгыш ясаучылар арасында мин иң күп балл җыючы булдым. Италиядән белгеч, фестивальнең жюри әгъзасы, Бразилиядән килгән гитарист миңа аягүрә басып кул чаптылар», дип уртаклашты Диларә.

Диларә җиде телдә җырлар башкара. Фестивальдә татар, итальян, инглиз телләрендә җырлар башкарып, тыңлаучыларны таң калдырып кайтты.
Җырларның сүзләрен ул бик тиз отып ала икән. Бик хисләнеп башкара да. Фестивальнең жюри әгъзалары яшь милләттәшебезнең хисле башкаруын күреп, Италиянең Кьети шәһәрендә узачак турга чакыра да инде.

Башта конкурс Кьети шәһәренең Мульчино опера теарында уза. Аннан соң җырчыларны Римга алып киләләр, алар Пантеонда чыгыш ясый. Диларә Гаделшина инглиз телендә бер җыр һәм итальян телендә бер ария башкара. «Мин бик дулкынландым. Сәхнәгә чыгып, микрофон алуга, үз-үземне кулга алдым, чыгышым уңышлы булды», дип уртаклашты Диларә.

Италия тамашачысына Диларә инглиз, итальян, испан телләрендә генә җырлар тәкъдим итеп чикләнми, үзенең туган телендә дә татар «Озату» халык җыры белән дә «сыйлый». «Оештыручылар безгә үз телләребездә җырларга тәкъдим итте. Мин Русиядән – димәк, рус телендә җырларга тиеш идем. Мин татар кызы бит – туган телемдә җыр башкарасым килде. Озак та уйлап тормадым – «Озату» җыры белән халык алдына чыктым. Тамашачы бик яхшы кабул итте», диде Диларә.

Италиядә узган фестивальдә катнашу Диларәнең уй-фикерләренә үзгәрешләр дә керткән. Ул кечкенәдән җырлап йөрсә дә, хәзер инде бу шөгыленең бушка булмавын аңлаган. Үзенең туган шәһәре Ижауда иҗат кичәсен уздырырга ниятли. Әлегә ул мөмкинлеге булганда әнисе Фәния ханым җитәкчелек иткән «Шатлык» ансамбленең концертларында катнашырга тырыша. Шундый бер кичәдә җирле авторлар Ибраһим Биектаулы һәм Раиф Баһаутдинов язган «Әниемә» җырын башкарган иде. Үз репертуарына аларның тагын берничә җырын алырга ниятли.

Көчле, матур тавышлы яшь милләттәшебез Диларә тырыш, үз эшен яратып, бирелеп башкаручы кызларның берсе. «Аның хыяллары тормышка ашуын, зур сәхнәләрдән чыгыш ясавын көтәм», дип тора әнисе дә.

сылтама: http://tatar-congress.org/yanalyklar/izhau-kyzy-italiyade-tatarcha-zhyrlap-tamashachyny-tan-kaldyrdy/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14208
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9228
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10566
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5097
    3
    47
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр