Имтихан нәтиҗәләре билгеле: саннар ни сөйли?


Солтан ИСХАКОВ фотолары

XI сыйныфларның күпчелеге өчен «тапшыра алырмынмы-юкмы» дип ел буе куркытып торган имтиханнар инде артта калды.  Һәр укучы, булдыра алганча,  уку дәверендә үзләштергәннәрен күрсәтте һәм лаеклы балларын алды. Мәктәпләр чыгарылыш кичәләре гөрләтеп, 11 ел буе тәрбияләп үстергән кошчыкларын олы тормышка очырды. Хәзер инде кичәге мәктәп укучыларына, бүгенге абитуриентларга үз мөмкинлекләреңне чамалап, документларны теләгән уку йортына илтеп тапшырасы гына калды.


Имтиханнарның төп дулкыны ахырына якынлашты. Бу көннәрдә БДИны вакытында тапшыра алмаган  яки төп фәннәрнең берсеннән «2»ле эләктергән укучылар «бәхетен сынады». Төп мәҗбүри предметлар буенча нәтиҗәләр инде билгеле. Укучы үз теләге беләгән сайлаган фәннәрнең күпчелеге буенча да баллар игълан ителде. Берәүләр югары нәтиҗәләргә сөенеп инде тыныч сулап куйды. Икенчеләре уртача балларга да канәгать иде. Минималь балларны туплый алмаучылар да бар бит – менә алар, гомумән, аттестатсыз калырга мөмкин.

15 июнь көнне рус теле һәм база дәрәҗәдәге математика нәтиҗәләре билгеле булды. Профиль дәрәҗәдәге математика билгеләрен 21 июньгә кадәр көтеп борчылырга туры килде. Чөнки беренче икесе буенча әллә ни кайгыручы булмады. Профиль дәрәҗәдәге математика буенча сынау бирүчеләр исә имтиханнан соң ук чаң суга башлады. Биремнәр мәктәп программасы дәрәҗәсеннән күпкә авыррак һәм БДИга әзерлек вакытында кулланылган интернет-биремнәренә бөтенләй туры килми, дип шаулашты укучылар.

Быел рус теленнән 16 меңнән артык укучы имтихан тапшырды. Шунысы куандыра: әлеге фән буенча 100 балл туплаучылар арткан. Узган ел мондыйлар 57 кеше булса, быел 87 укучы рус телен камил дәрәҗәдә белә дип табылган.  80нән артыграк балл җыючылар да күбәйгән – 2015 елда 4071 кеше югары баллга язса, быел 5497 кеше «5»ле алган.

Кызганычка, 4 укучы минималь чикне уза алмаган – быел ул 24 балл иде. Тагын 45 кеше рус теленнән имтиханны исәпкә алган югары уку йортына керә алмаячак – алар моның өчен кирәкле 36 баллны тупламаган.  

Ә менә математиканы укучылар быел икенче тапкыр ике дәрәҗәгә бүлеп тапшырды. Мәгълүм булганча, база дәрәҗәдәге сынауда биремнәр шактый җиңел һәм белем биш баллы система буенча гына исәпләнә. Аттестат алу өчен имтиханны «3»легә бирү дә җитә. Әмма бу сынауның нәтиҗәләре профильле вузга керергә мөмкинлек бирми.



База дәрәҗәдәге математиканы республикабызда 10675 кеше тапшырды. «5»легә - 4958 (46,44 процент), «4»легә – 4441 (41,6 процент), «3»легә 1177 (11,03 процент) укучы язган. «2»ле алучылар да быел шактый күп – 135 кеше (1,26 процент). Узган елда андыйлар 105 кеше (1,18 процент) булган. Әмма бу шуның кадәр укучы аттестатсыз калачак дигән сүз түгел. Кайберәүләр, әйтик, база дәрәҗәдәге математика белән бергә профиль дәрәҗәдәгесен дә тапшырды. Бәлки анысыннан минималь чикне уза алганнардыр. Дөрес, моңа ышануы кыен. Шулай да рус телен уңышлы тапшырган булса, аларның шулай ук математикадан үзләрен яңадан сынау мөмкинлеге бар.

Профильле математиканы укучылар 6 июнь көнне тапшырган иде, нәтиҗәләрне укучыларга 21 июньгә кадәр көтеп борчылырга туры килде. Республикабызда бу төр сынауны барлыгы 11 157 кеше үтте. Алар барысы да - техник профильле, математикадан имтихан исәпкә алынган, югары уку йортларына керергә өмет итүчеләр. Биремнәр ике өлешкә бүленгән иде. Укучыларга 19 биремне үтәү өчен 3 сәгать 55 минут  вакыт бирелде.  Математиканы камил белүчеләр күп түгел – республикабызда шундый 13 укучы бар икәнлеге ачыкланды, алар 100 балл җыйган. 593 укучы 80 баллдан югарырак нәтиҗә күрсәтте. Аттестат алу өчен быел 100 баллдан 27не җыю да җитә иде. Әмма, көтелгәнчә, күпләр әлеге фәннән минималь чикне уза алмады. 883 укучыга имтиханны яңадан тапшырып карау мөмкинлеге бирелде.

Якын көннәрдә барлык фәннәрдән дә имтихан нәтиҗәләре билгеле булачак. Республикабыз югары уку йортлары иң яхшы абитуриентлар өчен көрәшне башлап җибәрде инде. 20 июнь көнне вузларга кабул итү кампаниясе старт алды.

http://intertat.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8129
    1
    111
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6801
    1
    103
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5221
    4
    76
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7701
    2
    47
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4368
    6
    47
Реклама
Соңгы комментарийлар
  • 2 март 2021 - 22:12
    Без имени
    Гомер ул бер генэ, Килми ул гел генэ. Син анын, кадерен бел генэ.! Марат С.Н.
    Карындашым – көндәшем 
  • 2 март 2021 - 20:39
    Без имени
    Деградациянең аргы ягы.Ир күрдем дип балаларыңны ничек эт көненә төшерергә мөмкин.
    ​ Кире кайтарып булса...
  • 2 март 2021 - 21:14
    Без имени
    И бала китапларга язар лык.нилэр кылдынн?!? БИК яшьсен,...
    Ришат Төхвәтуллин турында китап чыгачак
  • 2 март 2021 - 12:28
    Без имени
    Икесенең дә беренче никахлары булган ир белән хатын гына кавыша диләр шул ахирәт дөньясында.
    Вәгъдә йөзеге
  • 2 март 2021 - 15:10
    Без имени
    Әйе, шөкер, Рәисә исән-сау. Карап торырга бер дә көчлегә охшамаган ул... Әмма тормышта аңа бик күп сынаулар узарга туры килә... Уза ул аларны... Лаеклы уза... Сабыр, көчле, тәвәккәл ул бүген дә...
    Буран эчләрендә буран
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...