III Бөтендөнья татар хатын-кызлары форумы дәвам итә

III Бөтендөнья татар хатын-кызлары форумы үзенең эшен дәвам итте.
Делегатлар бүген Г. Камал исемендәге татар дәүләт академия театрына форумның пленар утырышына җыелдылар. Утырыш башланыр алдыннан театр фойесында халык осталары һәм һөнәрчеләре җитештергән товарлар күргәзмәсе эшләде. Алар арасында «Сөембикә» журналының май саны тышлыгын бизәгән Альбина Әбсәләмова җитәкләгән «Оренбург шәлчеләре» предприятиесе дә бар иде. Җәйгә аяк басып килүебезгә карамастан, Оренбургның мамык шәлләре белән кызыксынучылар шактый булды – шәлчеләр яныннан кеше өзелмәде.

  Пленар утырыш Татарстан Республикасы Дәүләт Советы рәисе Фәрит Мөхәммәтшинның чыгышы белән башланды.

Чыгышы вакытында ул: «Узган ел шушы залда үзенең йөз еллыгын бәйрәм иткән «Сөембикә» журналына барыбыз исеменнән рәхмәт әйтик. Татар хатын-кызларын барлап, туплап торуда, аларның уңышларын күрсәтүдә, яктыртуда журналның өлеше бик зур», – дигән сүзләрне әйтте. Бу сүзләргә гөрләтеп кул чабучылар – залда утыручылар арасында, чыннан да, «Сөембикә» битләре аша татар дөньясына танылган күренекле ханымнар шактый иде бүген.  Утырышның президиумында утырган Парламент Рәисе урынбасары Римма Ратникова, «Татарстан хатын-кызлары» оешмасы җитәкчесе Зилә Вәлиева, Казандагы 2 нче татар гимназиясе директоры Камәрия Хәмидуллина, Башкортстанда «Нәүрүз чибәре» бәйгесен оештыручы Зәлия Ахунова, Сәйдә абыстай Аппакова, Урумчи (Кытай) шәһәренең татар теле укытучысы Зөлфия Чапаева...

Төштән соң пленар утырышның дәвамы Татарстан Республикасы Фәннәр академиясендә узды. Чыгыш ясаучылар арасында «Сөембикә» журналының баш мөхәррире Ләйсән Юнысова да бар иде. Ул форумга килүчеләрне журналның яңа сайты, аның мөмкинлекләре, «Сөембикә»гә язылуның электрон юллары белән таныштырды.

Форумны тәмамлар алдыннан Бөтендөнья татар конгрессы Башкарма комитеты рәисе Ринат Закиров бүләкләр тапшырды. Конгрессның «Татар милләтенә күрсәткән олы хезмәтләре өчен» медаленә лаек булучылар арасында «Сөембикә» журналының директор урынбасары Рәмзия Кашапова да бар. Рәмзия – «Бергә – гомергә», «Авыл кызы» проектларның авторы, оештыручысы. Милли кием дизайнерлары конкурсын гамәлгә ашыручыларның берсе. Без хезмәттәшебезне бу бүләк белән чын күңелдән котлыйбыз!   

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4634
    11
    116
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13265
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2877
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11485
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13904
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда