Фәрит Мөхәммәтшин бала хокуклары буенча вәкилгә: Начар эшлисез!

2015 елда Татарстанда балигъ булмаган балаларга карата кылынган җинаятьләр саны 40 процентка арткан. Көчләүләр белән бәйле җинаятьләрнең исә, гомумән дә, 70 процентка күбәйгәнлеге билгеле. Бу – соңгы биш ел эчендәге иң начар күрсәткеч.
Бу турыда Дәүләт Советы депутатларына Татарстанның бала хокуклары буенча вәкаләтле вәкил Гүзәл Удачина хәбәр итте. Аның 2015 елдагы эшчәнлеген республиканың Дәүләт Советы рәисе Фәрит Мөхәммәтшин тәнкыйть утына тотты.

Үз-үзенә кул салган балалар кимегән
Бу аңлашыла да: Гүзәл Удачинаның чыгышы җан өшеткеч саннарга нигезләнгән иде. Ул китергән мәгълүматларга караганда, 2015 елда Бала хокуклары буенча вәкил исеменә барлыгы 1664 мөрәҗәгать килеп ирешкән. Бу – 2014 ел нәтиҗәләре белән чагыштырганда 35,2 процентка күбрәк. Әлеге шикаятьләрнең 57 проценты язмача килеп ирешсә, 43 проценты телдән әйтелгән.

2015 елда балалар белән бәйле бердәнбер сөенечле күрсәткеч - үлгән балалар саны 2014 ел белән чагыштырганда шактый кимегән. Узган ел 513 шундый очрак теркәлсә, 2014 елда бу күрсәткеч 78 балага күбрәк булган.

- Балаларның 429ы авыру нәтиҗәсендә үлде. Ә менә үз-үзенә кул салучылар саны шактый кимеде, - дип ассызыклады Гүзәл Удачина.

Билгеле булганча, бала хокуклары буенча вәкаләтле вәкил балаларны җинаятьчеләрдән, начар мөнәсәбәттән саклауга аеруча зур игътибар бирә. Кызганыч, әлеге күрсәткечләр буенча ел нәтиҗәләре бер дә сөендерерлек түгел.

Җинаятьләр нигә арткан?
2015 елда балигъ булмаган балаларга карата кылынган җинаятьләр саны 40 процентка (!) арткан һәм 1968 очрак тәшкил иткән. Көчләүләр белән бәйле фаҗигаләрнең исә, гомумән дә, 70 процентка (!) артканлыгы билгеле. 2015 елда әлеге төрдәге 1100 җинаять очрагы теркәлгән. Бу – соңгы 5 ел эчендәге иң югары күрсәткеч.

- Көчләү белән бәйле җинаятьләрнең яртысы гаилә әгъзалары тарафыннан кылынган җинаятьләр, - дип белдерде Гүзәл Удачина.

Тагын бер проблема – республикада бала табу яшендәге хатын-кызлар саны кимү. “Бу – 1992-1999нчы еллардагы тискәре демография нәтиҗәсе”, - дип аңлатты вәкил. Өстәвенә, 2015 елда аборт ясатучылар саны да арткан икән. Узган ел бу күрсәткеч туган балалар санының 35 процентын тәшкил иткән.

Фәрит Мөхәммәтшин бала хокуклары вәкиленең 2015 елгы эшчәнлегеннән канәгать булмавы турында белдерде. “Бик начар эшлисез. Мондый күрсәткечләр шаккаттыра”, - диде парламент башлыгы.

сылтама: http://tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14074
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9097
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10443
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5007
    3
    45
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр