Эш башлаучы фермерларга

Журналистлар белән очрашуда ТР авыл хуҗалыгы һәм азык-төлек министры урынбасары Ришат Хәбипов яңа эш башлаучы фермерларга ярдәм күрсәтү программалары хакында сөйләде. 

Бу программа 2012 елдан бирле уңышлы эшләп килә. Шул вакыттан бирле яшь фермерларга дәүләт ярдәме ике тапкыр артты. Һәм министр урынбасары әйткәнчә, 250 миллион сумга җитте. 

Әйе, субсидия күләме үзгәрде, – диде спикер. – Кемнәрнең эшен башлап җибәрү өчен документлары туры килә, шуларга 250 миллион сумга кадәр акча бүлеп бирелә. Грант алу өчен бәйгенең беренче туры төгәлләнде. Хәзер икенче тур башланды. Ул 9 сентябрьгә чаклы дәвам итәчәк. Әле генә без, финанс мөмкинлекләрне тагын бер кат барлап, грантка 100 миллион сум акча өстәдек. Инде хәзер аның күләме 850 миллион сумга җитте (ул өч программага бүленә). Шулай итеп, гаилә фермалары, кооперативлар һәм эшен башлап җибәрүчеләргә шактый зур мөмкинлекләр ачыла. Эшне башлап җибәрүче яшь фермерларга грант суммасының күләме 1,5 миллион сумга кадәр; мөгезле эре терлек белән шөгыльләнүчеләргә – 10 миллион сумга чаклы; кош, сарык үстерүчеләргә – 7 миллион сумга кадәр... Кооперативларга исә 35 миллион сумга кадәр бүлеп бирелергә мөмкин. Беренче этапта грант алу өчен 122 фермер катнашты. Шуларның 83 е отты һәм аларга 186 миллион сум акча бүлеп бирелде. 

                  Бәйгедә катнашучы 50 фермерның 36 сы, 13 кооперативның 8 е отты. Үз эшләрен башлап җибәрүчеләргә нинди таләпләр куела соң? Беренчедән, ул фермер буларак, Дәүләт салым инспекциясендә теркәлергә тиеш. Анда бөтен кирәкле мәгълүматлар күрсәтелә. (Теркәлгәннән соң 24 айдан да артык вакыт үтмәскә тиеш.) Аннан килеп, фермер буласы кешенең махсус белеме булырга, ул моңарчы өендә терлек асраган һәм, әлбәттә инде, аның бизнес планы булырга тиеш. Кыскасы, ул үз эшен башларга өлгереп җитәргә тиеш! Алар өчен ел саен ике мәртәбә махсус укулар оештырыла икән. Яшь фермерларны иң борчыганы – җир проблемасы. Алар җирнең булмавыннан, йә булмаса эшкәртелмәгән булуыннан зарлана. Иң мөһиме: булачак фермерның эшне башлап җибәрү өчен азмы-күпме акчасы (әйтик, 10 миллион сумга төшә торган хуҗалыкның 6 миллионын дәүләт түли, 4 миллионын – хуҗа үзе) Министрлык, шулай ук, 5 процентка чаклы ташламалы кредит бирү өстендә дә эшли икән. 

                  Шул ук вакытта шәхси хуҗалыкларга да ярдәм күрсәтелә. Мисалга, мөгезле эре терлек сатып алучыларга – 15 мең сум; аны чит төбәктән кайтаручыларга – 30 мең күләмендә субсидия бирелә. Бу юнәлештә уңышлы эшләүчеләр дип Кукмара, Балык Бистәсе, Буа районнары аталды. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9053
    10
    106
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9124
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4861
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6091
    2
    26
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    2832
    0
    24
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан