“Ефәк юлы-2016”: Кытайга – Казан аша

Көнчыгыш Азияне Урта диңгез буе белән тоташтыра торган, Кытайдан ефәк алып чыгу өчен кулланылганга күрә Бөек Ефәк юлы дип аталган кәрван юлына безнең гасырга кадәр үк нигез салынган булса да, “Ефәк юлы” Халыкара ралли-рейд марафонының быелгысының исеме җисеменә туры килер, мөгаен. Сүз дә юк, узышчылар ефәк артыннан бармый, ә менә Кытай белән ике арадагы дуслык күпере ныгырга охшап тора.


Казаннан башлансын да...

“Ефәк юлы” Татарстанны читләп үтсен, имеш. Алай була алмый: 8 июльдә Мәскәүнең Кызыл мәйданында старт биреләчәк “Ефәк юлы” узышларының быелгы маршруты Татарстан җирлеге аша уза: 9 июльдә юлсыз җиргә юл яручы 95 җиңел машина (внедорожник) һәм 25 йөк автомобиле Казанга килеп җитәчәк. 10 июльдә спортчылар Чаллыга китә, 11 июльдә узыш Казахстан биләмәләрендә үтә. 16 июльдә раллида катнашучылар Кытайга барып җитәчәк, ә 24 июльдә раллига Кытай җирлегендә – Пекинда нокта куелачак.



Узышларның Татарстан аша узуына сәерсенергә кирәкми. Тарихка күз салсак, 2009 елда беренче тапкыр уздырылган ралли-рейд нәкъ менә Казанда старт алган иде. Быелгы ярыш тагын да кызыклырак маршрут, киңәйтелгән география һәм күпсанлы катнашучылар белән үткәреләчәк. Россия, Казахстан һәм Кытай юллары буенча узышта 25 илдән йөздән артык транспорт катнашуы көтелә. Узыш маршруты 15 этаптан һәм 10735 чакрымнан торачак. Узыш маршрутының 4,5 мең чакрымы – махсус участоклар. Спортчыларга бары тик бер генә көн ял биреләчәк.

- Шәһәр халкы хафаланмасын: Казан шәһәре буйлап узышлар уздырылмый, – дип ачыклык кертә “Ефәк юлы” проекты медиа-директоры  Эрик Хәйруллин. – Автомобильләр колоннасы Казан үзәге буйлап тизлек режимын саклап кына хәрәкәт итәчәк. Кичен 2 чакрым арага беренче спорт махсус участогы буйлап узышларны күреп булачак.

...Казан өчен менә шунысы чын тамаша булачак та инде. Казансу яры буенда өеп ясалган махсус трассада – “Казан” гаилә үзәгеннән алып “Татнефть-Арена” арасында, узыш машиналарының тизлеге сәгатенә 200 чакрымга җитәргә мөмкин, диелә. Гомумән, С.Хәким урамы – Ф.Әмирхан проспекты – Вишневский урамы – К.Маркс урамы – Кремль урамы – Ленин дамбасы – “Татнефть-арена” маршруты буйлап узышчылар ике сәгатьләп вакыт сарыф итәчәк әле.

10 июльдә спортчылар Чаллыга – узыштагы иң көчле йөк машиналары “КАМАЗ”ларның туган җиренә юл тота.

Биш узышта – дүрт җиңү

Ралли узышчылары кәрваны Россиянең 15 шәһәре, Казахстан һәм Кытай җирлекләре аша уза. Быел, гомер булмаганны, Россиягә җиңүне Кытай спортчылары китерергә мөмкин. Хәер, барысын да тәртипкә салып сөйлик әле.

2009 елда башлангыч алган “Ефәк юлы” узышларының 2013 һәм 2014 елларда уздырылмавын беләбез. Менә шул 5 узышның дүртесендә йөк машиналары арасында “КАМАЗ-мастер” егетләре – Фирдәвес Кәбиров, Эдуард Николаев, Айрат Мәрдиев һәм Дмитрий Сотников экипажы җиңү яулаган. Арага бер тапкыр – 2011 елда “Татра” белән Чехия вәкиле Алеш Лопрайс кергән.



Быел да үзебезнекеләр өчен җан атачакбыз. Стартка “КАМАЗ-мастер”ның 6 экипажы чыга. Алар – беренче тапкыр сыналучы капотлы “КамАЗ”да җилдерүче Эдуард Николаев, моңа кадәр күреп ияләнгән пилотлар Айрат Мәрдиев, Андрей Каргинов, Дмитрий Сотников һәм Антон Шибалов. Алтынчысы кем, дисезме?! Анысында – кытайлар!.. Әйе, әйе – “КАМАЗ-мастер” командасы тәүге тапкыр халыкара экипаж вәкилләре белән чыгыш ясый. Пилот Хоу Хуннин һәм штурман Шэнь Синьга Россия механигы Андрей Мокеев ярдәм итәчәк. Әлеге экипаж Россия һәм Кытайның хезмәттәшлеге, дуслыгы буларак оешкан.

Кыскасы, узышта кытайлар җиңү яуласа да, үзебезнекеләр кебек сәламлиселәр алда әле.

“Татарстан шулай таныла”

“Ефәк юлы”нда “КАМАЗ-мастер” командасының катнашуы Татарстанны танытачак. Бу хакта ТР яшьләр эшләре һәм спорт министрының беренче урынбасары Хәлил Шәйхетдинов та ассызыклап үтә.

- Татарстан командасының “Ефәк юлы” раллиенда катнашуы республика өчен гаять мөһим, – ди Хәлил Шәйхетдинов. – Бу – Татарстан өчен туризм базарында этәргеч. “КамАЗ” машиналарының ныклыгын тагын бер кат тикшерү өчен дә яхшы. Мондый проектлар аша Татарстан таныла гына. Ә узышчылар өчен “Дакар” алдыннан бер өйрәнү булып тора.

“Дакар” димәктән, команданың анда катнашуы гына шик астына куелды бит әле. “КАМАЗ-мастер” җитәкчесе Владимир Чагин команданың җитди финанс мәшәкатьләре кичерүен җиткерде. Акча булмау сәбәпле Чаллы узышчылары “Дакар-2017” ралли-марафонына да әзерләнә алмый икән. “Хәзерге вакытта көч-хәл белән “Ефәк юл” ярышларына акча таптык, – дигән Чагин. – “Дакар”га әзерләнерлек акча юк”.

“КАМАЗ-мастер”ның әлеге проблемасы төп инвесторы, мәгълүм бер банк үз мәшәкатьләренә чумып, командага ярдәм итми башлагач килеп туды. Команда ярдәм сорап Россия җитәкчелегенә дә хат язган инде. Ә “Ефәк юлы”на килгәндә, Чаллы узышчылары анысына җитди әзерлек белән килә. “Мәскәү һәм Пекинны тоташтырган маршрут кызыклы булырга охшап тора, – дигән “Ефәк юлы” проекты директоры, “КАМАЗ-мастер” командасы җитәкчесе Владимир Чагин. – Июльдә гаять кызу көннәр хакимлек иткәндә Кытайның комлы юлында чын мәгънәсендә, аеруча, кызу көрәш булырга охшаган”.

...Шулай булырга тиеш тә: “Ефәк юлы”ның фаразланган 200 миллион телевидение тамашачысы бүгеннән үк шундый узыш көтә.
 



Владимир Чагин, “Ефәк юлы” проекты җитәкчесе:

– Катнашучылар исемлеге тәкъдим ителде – күп санлы узышчыларны туплаган чараның шаһиты булабыз. Барлык спортчылар да Россия, Казахстан һәм Кытайда күп вакыт уздырачак, тамашачылар белән аралашачак һәм бу дуслык кәрваны ике кыйтга буйлап уза!”

Виталий Мутко, Россия спорт министры, “Ефәк юлы” Халыкара раллиеның Россия этабына әзерлек һәм уздыру буенча оештыру комитеты башлыгы:


– Спорт кешеләрне берләштерергә тиеш. Ә “Ефәк юлы” Халыкара раллие бу уңайдан мөһим роль уйный. Кытай ягының проектка карата кызыксынуын күрдек. Моның мәдәни, сәяси һәм гуманитар элемтәләрне ныгытуын, халыкны якынайтуын аңладык. Шуңа да бу чарага ярдәм ителә. Иң мөһиме: проект дөньякүләм танылган спортчыларда кызыксыну уятты.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8421
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7343
    1
    108
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5446
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4555
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7971
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...