Быел Татарстанның 45 муниципаль берәмлегендә авыл клублары төзү күздә тотыла

Мәдәни билгеләнештәге 43 объект исә капиталь төзекләндереләчәк

 

Быел Татарстанның 45 муниципаль берәмлегендә 45 авыл клубы төзү каралган. Бу максатларга бюджеттан 287, 43 млн сум акча бүлеп бирелгән. Мәдәни билгеләнештәге 43 объектны капиталь төзекләндерүгә – 337,4 млн сум.

Бүген “Татар-информ” мәгълүмат агентлыгы үткәргән матбугат конференциясендә ТР төзелеш, архитектура һәм торак-коммуналь хуҗалык министры урынбасары Алмаз Әхмәтшин шул хакта хәбәр итте. Аның сүзләренчә, әлеге 45 объект җәмгысе 3,1 мең урынга исәпләнгән. Быел программа узган елдагыдан бераз аерыла. ТР мәдәният министрлыгы тарафыннан кече торак пунктларны клублы итү бурычы куелган – 45 объектның 40ы 50шәр урынга исәпләнгән. Программа тормышка ашырыла башлаганнан алып, республикада мондый кечкенә клублар бөтенләй төзелмәгән. Бу торак пунктларда яшәүчеләр саны 200 кешедән артмый. Моннан тыш, быел Арча районында 100 урынлы 1 клуб салыначак. Яңа Чишмә һәм Нурлат районнарында 200әр урынга исәпләнгән объектлар төзү күздә тотыла. Программа “Авыл клублары” дип аталса да, аңа бистәләргә, микрорайоннарында торак секторларга бай Казан һәм Яр Чаллы шәһәрләре дә кертелгән. Быел Казанның Нагорный бистәсендә һәм Яр Чаллының “Сувар” торак комплексында 300әр урынлык объектлар төзеләчәк. Былтыр исә бу программа буенча Татарстан башкаласындагы “Полимер” мәдәният йорты капиталь төзекләндерелгән булган.

ТР төзелеш, архитектура һәм торак-коммуналь хуҗалык министры урынбасары “Авыл клублары” программасы 2011 ел ахырында формалашып, 2012 елдан гамәлгә ашырыла башлавын искәртеп, шушы вакыт эчендә Татарстанда 40 меңләп урынга исәпләнгән 186 авыл клубы файдаланылышка тапшырылды, дип билгеләп үтте. Бу объектларны төзүгә 2,3 млрд сум күләмендә акча сарыф ителгән. Шунысын билгеләп узарга кирәк: Арча, Лаеш районнарында кайбер авыл клублары инвесторлар катнашында салынган: төзелеш чыгымнарының яртысын дәүләт, калган яртысын инвесторлар каплаган. Моннан тыш, былтыр 28 мәдәният объекты капиталь төзекләндерелгән. Өстәвенә, 2015 елда беренче тапкыр РФ Мәдәният министрлыгы һәм ТР Министрлар Кабинеты арасында имзаланган килешү буенча республиканың Азнакай һәм Буа шәһәрләрендә заманча мәдәни үсеш үзәкләре калкып чыккан. Финанслауның гомуми күләме 200 млн сум тәшкил иткән, шулардан яртысы федераль бюджеттан, яртысы Татарстан казнасыннан бүлеп бирелгән.

“Әлбәттә, федераль программалар буенча төзелгән клублар мәйданы ягыннан зуррак. Иркен, заманча бу объектлар Яңа ел алдыннан файдаланылышка тапшырылды”, – диде Алмаз Әхмәтшин. Аның сүзләренчә, объектларны 1 сезон эчендә, иртә яздан башлап көз башына кадәр, төзеп бетерергә тырышалар. “Төзелеш эшләрен кышка калдырсаң, объектны ягып җылытырга кирәк, бу шактый зур күләмдә өстәмә чыгымнар таләп итә. Дәүләт программалары буенча, шул исәптән торак, социаль-мәдәни билгеләнештәге объектларны төзү бәясе мөмкин кадәр чикләнгән. Шуңа без өстәмә түләүләрдән качарга тырышабыз”, – дип тәгаенләде министр урынбасары Татарстанда барлык төзелеш эшләренең төп өлешенең җәен башкарылуына кат-кат басым ясап. Ул “Авыл клублары” программасының 5 елга исәпләнеп, быел аны гамәлгә ашыруның соңгы елы булуын искәртте, аның дәвам иттереләчәгенә өмет баглады. Киләчәктә программа, нигездә, капиталь төзекләндерүгә юнәлтелер дип көтелә. Ник дигәндә, республиканың барлык зур торак пунктларында да диярлек авыл клублары инде төзелгән. Шул ук вакытта совет чорында салынган клубларны, мәдәният йортларын рәткә китерү ихтыяҗы көннән-көн арта. Бер авылда яңа клуб төзелеп, күрше авылда булган клубның ташландык хәлдә торуы дөрес түгел. Бу уңайдан Татарстан җитәкчелеге һәм Мәдәният министрылыгы элек төзелгән клубларны тиешенчә рәткә китерүне дә максат итеп куя. Шул ук вакытта республика төзүчеләре киләчәктә яңа объектлар төзеләчәгенә дә ышаныч белән карый.

Бүген авылларда клублар салына, әмма аларда бәйрәм-чаралар сирәк үткәрелә, объектлар тулы көченә файдаланылмый дигән сүзләр ишетергә туры килә. Бу мәсьәлә уңаеннан Алмаз Әхмәтшин авыл клубларының күп функцияле иттереп төзелүенә, анда концертлар, бәйрәмнәрдән тыш, урындыкларны башка урынга күчереп, спорт чаралары, төрле бәйгеләр үткәреп, өстәл теннисы, шахмат, шашка һәм башка уеннар уйнап булына игътибарны юнәлтеп: “Клубның буш торуында аны эшләтү өчен штатка алынган җаваплы кеше генә гаепле. Ул вазифаларын тиешле дәрәҗәдә башкармый икән, аны алыштырырга кирәк, чөнки бу объектларның барысы да халык өчен төзелә”, – дип катгый фикерен әйтте. 
сылтама: tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8047
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7324
    2
    73
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4199
    1
    39
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3540
    1
    38
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3421
    0
    24
Реклама
Соңгы комментарийлар
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
  • 24 май 2022 - 23:21
    Без имени
    Узен язасын гел ирём бн кинэшлэшэм дип, узен Кэйна Сузен тынлыйсын, монда анлашылмый, ыганыч баксов сина
    Кайнанам мине карак дип уйлый бугай
  • 24 май 2022 - 20:41
    Без имени
    Барлык кызларны да бер калыпка салмагыз әле. Егетләрнең кузләре шундый җилбәзәк кызларга төшә дә, аннан соң барлык кызларны гаепли башлыйлар. Шәhәрдән кайткан кызны озатмаса, авылда уңган, акыллы кызлар беткәндер. Озаткан егеткә сантый дип әйтерлек кыз бик төпле тугел икәне билгеле инде. Дөрес, кызларның да сайлау хокукы бар. Тик акыллы кыз моны мөмкин кадәр упкәләтмичәрәк эшли
    Яраткан кызым миңа «Сантый» кушаматы такты
  • 24 май 2022 - 18:05
    Без имени
    Молодец! Уч итеп, тырышып кеше булган. Кемдер уч итеп эчэргэ сабышып, юлдан язык иде
    Яраткан кызым миңа «Сантый» кушаматы такты
  • 24 май 2022 - 10:32
    Без имени
    Бэясен белмим эни, апа, эби булэк итте диегез.Шл вакытта кайнанагыз яна кулмэкне чыгым тугел, керем итеп кабул итэр бэлкем.
    Кайнанам мине карак дип уйлый бугай
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда