Бөгелмәдә спорт объектлары яңартуга мохтаҗ

“Көчле Татарстан – бердәм Россия” проекты районның 6 авылында һәм Бөгелмә шәһәрендә халык гозерен җыеп йөрде

 (Казан, 10 сентябрь, “Татар-информ”). “Көчле Татарстан – бердәм Россия” проекты кысаларында республикада берьюлы 6 мобиль төркем эшләде. Бер ай эчендә алар 370тән артык торак пунктта булган һәм 2700дән артык халык гозерен җыйган. "Бердәм Россия" партиясенең мобиль кабул итү бүлеге Бөгелмә муниципаль районында 1 ай эчендә Вязовка, Акбаш, Кодаш, Яңа Сумароково, Подгорный авыл җирлекләрендә булды. 9 сентябрь көнне исә мобиль автобус Бөгелмә шәһәрендә һәм Кече Бөгелмә авылындагы халыкны кабул итте, диелә “Бөгелмә авазы” газетасында.

Техника йорты каршында урнашкан мобиль кабулиятенең өстәле артында бөгелмәлеләр махсус ясалган бланкны тутырып, үз зарлары, проблемалары турында әйтә алды.

“Муса Җәлил урамының 53 нче йортында яшим. Йортыбыз бик таушалган, шуңа карамастан, аны һаман да капиталь ремонт программасына кертмиләр. Менә биредә мөрәҗәгать итеп карыйм инде. Бәлки республика программасына кереп булыр. Йортыбыз 1955 елда төзелгән. Түбәсе таушалган, фасады искергән, ә канализациядән килгән шакшы ис турында әйтеп торасы да юк. Ярдәм итәрләр инде дигән өметем бар”, - ди бланк тутырып утырган Евдокия Макарова.

Ул күтәреп чыккан проблеманы РФ Дәүләт Думасына депутат булып сайланырга әзерләнгән кандидатларга җиткерәчәкләр. Бу турыда Әлмәт сайлау округы координаторы Евгений Устин хәбәр: “Без халыкның сораулары буенча анализ ясаячакбыз һәм төп проблемалар турындагы хәбәрне урында ук ноутбук ярдәмендә мобиль кабул итү бүлеге сайтына салып, теркәп барабыз. Шул рәвешле, халыкка ярдәм кулы сузабыз инде. Безнең кабул итү бүлегенә теләге булган һәркем мөрәҗәгать итә ала. Бер ай эчендә республиканың көньяк-көнчыгышын урап чыктык”, - диде.

Авылда халык активрак. Алар балаларга уен, спорт мәйданчыкларын төзүне, мәдәният йортларын, балалар бакчаларын, мәктәпләрне ремонтлауны сорый, торак-коммуналь хуҗалыгы проблемаларын күтәреп чыга, дип сүзне дәвам итә Бөгелмә бүлегенең кабул итү пункты җитәкчесе Әлфия Тимаева.

Бөгелмә үзенең спорттагы казанышлары белән горурлана

Шәһәрдәге “Юность” балалар һәм үсмерләр спорт клубында 40 елдан артык вакыт эчендә Россиянең 13 спорт мастерын, 50дән артык спорт мастерына кандидат тәрбияләгән. Хәзер аның базасында 600дән артык спортчы шөгыльләнә, биредә 9 бүлек, 5 спорт залы, бассейн гамәлдә. Ләкин бүлмәләрнең кайсылары төзекләндерүгә мохтаҗ. Бөгелмә мэры Линар Закиров аңлатканча, хәзерге вакытта объектны проектлау һәм экспертиза уздыру буенча эшләр төгәлләнгән. “Сүз дә юк, шуның кадәр күп акча таләп иткән мөһим мәсьәләне хәл итүдә федерация һәм республика структуралары, шулай ук Дәүләт Думасындагы үзебезнең депутатларның ярдәме кирәк”, - ди ул.

Шулай ук чаңгы базасы да төзекләндерүне таләп итә. Әлеге спорт-сәламәтләндерү комплексына чаңгы-роллер трассасы, гимнастика шәһәрчеге, футбол кыры керә. Һава шартлары биредә республикада кышкы спорт сезонын беренче булып ачу һәм иң соңгы булып ябу мөмкинлеге бирә. 30 ел эчендә биредә 3 меңнән артык чаңгычы спортчы әзерләнгән. Татарстанның әйдәп баручы спортчыларын илкүләм һәм халыкара ярышларга әзерләү өчен, базаны үзгәртеп кору кирәк. Бөгелмәнең үзендә шул хакта сүз булды.

Бөгелмәдән соң мобиль төркем Баулы һәм Ютазы җирлекләренә юл алды. "Единая Россия" партиясенең мобиль кабул итү бүлеге республикада 16 сентябрьгә кадәр эшләячәк. Төркемнең максаты бер: һәр авыл, һәр шәһәр кешесен ишетергә һәм, аларның проблемаларын чишү юлларын табып, халык инициативасын югары баскычта торучыларга җиткерергә.


чыганак - http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14779
    1
    83
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11120
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5431
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    4898
    3
    40
Реклама
Соңгы комментарийлар
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
  • 30 гыйнвар 2023 - 17:52
    Без имени
    Бэхетегезгэ куз тимэсен, матурларым.
    Икесе — бербөтен (видео)
  • 30 гыйнвар 2023 - 17:03
    Без имени
    "Әмма мәхәббәтсез тормыш – бәхетсез гомер бит. Килешәсезме? " - хак сузләр. Дорес эшләгәннәр, мин дә, бәлки, шундый ук карарга килер идем. Аста язылганча бернинди азгынлык та, бозыклык та тугел бу. Нигә яратмаган кеше белән яшәп узенне хәм башкаларны азапларга? Гомерне 2-3 мәртәбэ яшәми берәу дә, яшьлектә хата ясаганнар икән (яки момкинлекләре булмаган), хатаны анлап тозэтудә бернинди дә гаеп юк. Курыкмый адым ясаган очен Афәрин дип кенә әйтәсе килә!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 08:52
    Без имени
    Комментарий белән килешәм,яшиселәр бар әле.Тормыш җайланып китә алырмы?
     «Мин аны  сыйныфташлар очрашуыннан алып кайттым...» 
  • 27 гыйнвар 2023 - 11:48
    Без имени
    Эллэ кем булып кыланган хатыннарга ирлэрэ тузэлэр -тузэлэр дэ күңеллэре кайткач шартлатып сындыралар.Андый ирлэрне иплэп кенэ игьтибарлы,назлы хатыннар элэктереп ала хэм тормышын койли.
    Бәхетле булам дисәң
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр