Логотип
Яңалыклар

«Бөек Болгар – 2015» фестиваленә рәхим итегез.

14-16 август көннәрендә Болгарда бик зур фестиваль узачак. «Бөек Болгар» тарихи реконструкция дип аталган бу чара быел икенче тапкыр уздырыла. Беренчесе былтыр узган иде. Тарихи реконструкцияләр дигәне – 14-15 гасырлар мохитен тудырып, шул чордагы тормыш рәвеше белән яшәп карау, шул чор ризыкларыннан авыз итү, шул чорга хас кул эшләренә өйрәнү һәм башка шундый кызыклы чараларны күздә тота. Фестивальнең төп бизәге – урта гасырлардагыча чын тарихи алыш. Бу алышта Россиянең 30 төбәгеннән һәм чит илләрдән дә килгән 200 сугышчы катнашачак. Татарстан Республикасы командасында 24 спортчы. Алар бар да Алтын Урда гасырына хас сугыш киемнәреннән булачак, ә сугыш кораллары – чып-чын кылычлар, айбалталар. Кунакларга сәхнәләштергән уен түгел, ә чып-чын алыш күрсәтеләчәк. Монна тыш кызыклы мастер-класслар, сувенирлар күргәзмәсе, концерт, балалар мәйданы, балчык чүлмәкләрдә пешерелгән шул чорның ашлары, төнге алыш – фестивальнең программасы бик бай.

Кунакларга шушы өч көндә яшәп торыр өчен чатыр шәһәрчеге, душ, җылы су һәм башка уңайлыклар булачак. 30 дан артык кафе эшләяәчәк Чатыр шәһәрчегендә бер тәүлек өчен бер кешегә 300 сум түләргә кирәк булачак. Чатырлар 2 һәм 3 урынлы. Алар йозакка бикләнә. Үз чатырлары белән килүчеләргә дә махсус урын бирелә. Урын өчен өч көнгә 400 сум түлисе.

Инда фестивальгә бару хакында: 14 август көнне Казаннан сәгать иртәнге 10 да үзәк автовокзалдан автобус кузгалачак, төнге 11 дә шушы ук автобус белән кире кайтырга да була. Ике якка билет хакы 550 сум.

Барлык мәгълүматны https://vk.com/velikij_bulgar_2015 сылтамасы аша кереп белә аласыз.

Следите за самым важным и интересным в Telegram-каналеТатмедиа

Комментарий юк

Хәзер укыйлар