Логотип
Яңалыклар

Аяксыз һәм кулсыз туган мотиватор Ник Вуйчич Казанга килә

30 май көнне Казанның "Татнефть-арена" сараенда узачак танылган мотиватор, оратор, меценат, язучы һәм җырчы, аяксыз һәм кулсыз туган Ник Вуйчичның чыгышы аның Россия һәм БДБ шәһәрләре буенча турнесын тәмамлый. Бүген бу хакта "Татар-информ" агентлыгында узган матбугат конференциясендә Россия һәм БДБда Ник Вуйчичның продюсеры Максим Сумарков хәбәр итте.

Спикер сүзләренчә, 3- май көнне Казанда Вуйчичның Россия һәм БДБ илләре буенча туры ябыла һәм мотиватор кимендә бер елга тәнәфес ясарга җыена. Казанга кадәр ул Украина, Беларусь һәм Россиянең дүрт шәһәрендә чыгыш ясап өлгергән. Татарстан башкаласын тур шәһәрләренең берсе итеп сайлауны аңлатып, Сумарков: "Казан бик актив шалтыратты һәм язды. Без халыкның активлыгына карадык", - дип җавап бирде.

Продюсер сүзләренчә, Казанда Вуйчич чыгышына билетлар әле калган. Әмма билетлар тамаша булырлык күләмдә сатылган инде. Мотиваторның чыгыш карарга Чаллы, Әлмәт, Түбән Кама, шулай ук Самара һәм Уфадан да кунакләр киләчәк.

Мохтаҗ инвалидлар өчен бушлай билетларга мең квота бирелә. Моннан тыш, физик мөмкинлекләре чикләнгән кешеләргә Вуйчич чыгышына 30 процентлы ташлама бирелә. Инвалидлар өчен бөтен шартлар булдырылачак: алар барысы да шоуны партердан караячак.

Ораторның таләпләре турында сөйләгәндә, Сумароков аның аерым таләпләре булмауны әйтте. "Ник - таләпчән түгел. Ул бары газсыз су эчә. Тагын бинага керү юллары уңайлы, пандуслар булу зарур. Алдагы тур вакытында Ник үзенең заманча коляскасын тамашачыларның берсенә бүләк итте һәм искесенә күчеп утырды", - диде ул. Аның сүзләренчә, "Уңайлы мохит" программасын тормышка ашыру буенча Казан иң яхшысы булмаса да, ил буенча лидерлар рәтендә.

Продюсер сүзләренечә, Вуйчичның теге яки бу шәһәрдә булу программасы алдан планлаштырыла, әмма Никның теләгенә карап алыштырыла да ала. "Казанда без Никны чәкчәк белән сыйлап, Кремльне күрсәтергә телибез. Ул хисле кеше, хәзерге мизгелдә нәрсәне теләвен, ә нәрсәне теләмәвен әйтеп бирә. Шәхсән мин үзем Никка бу шәһәрнең бөтен матурлыгын күрсәтергә теләр идем" , - диде. 

16 яшьлек Казан пианисты, кулсыз туган Алексей Романов Вуйчичның концертында чыгыш ясаячак. "Ник мине алга таба нидер эшләргә, башкаларга булышырга этәрә. Әлегә концертта нәрсә башкарачагымны белмим. Италия композициясен уйнарным дип уйлыйм", - дип аңлатты ул. Казан пианисты Вуйчич белән Андрей Малаховның "Пусть говорят" программасында очрашкан. Шунда Ник Алексейга Казандагы тамашасында уйнатырга ышандырган.                        
сылтама

Следите за самым важным и интересным в Telegram-каналеТатмедиа

Комментарий юк

Хәзер укыйлар