«Ат көне»нә килегез!

1 октябрьдә барыгызны да Арча районы Яңа Кырлай авылында узачак бәйрәмгә – «Ат көне»нә – Россия Чемпионатына чакырабыз. Юртаклар 40 һәм 80 чакрымга чабачак. Приз фонды ни җитте генә түгел: 40 чакрымга чапканнарга – 400 мең, 80 чакрым өчен – 500 мең. Иң кызыгы, шулай да, авыл атларына иярсез-нисез генә атланып чапкан авыл егетләре ярышы булырдыр, мөгаен. Алар өчен «Авыл егете» дигән махсус номинация дә булдырганнар. Анысының приз фонды 100 мең сум. Тагын әле «Иң җитез илтүче» һәм «Иң матур дирбия» иясе булу өчен дә ярышачаклар. Боларының да приз фондлары йөзәр мең сум.

Яллары җилдә кытай ефәгедәй тузгып, гәүдәсе кояш нурында елкылдаган, мөлдерәмә күзле, озын керфекле, назлы кызлардай, вак-вак кына, кәрт-кәрт кенә атлап баручы нәселле чабышкыларга карап хозурланасыгыз килсә, 1 октябрьдә йоклап ятмагыз. Чөнки атлар чабыш юлына сәгать 9да ук чыгачак, гәрчә чара үзе тантаналы төстә сәгать 10 гына башлана.

Бу көнне «Татар» токымлы атлар белән дә таныштырачаклар. Таныштыру дип, яңа чыгарган токым түгел икән инде ул үзе, ләкин бу атлар инде бик аз калып бара. Татарстанда, мәсәлән, алар нибарысы 100 баш кына, ди.

Казаннан Кырлайга кадәр ара әллә ни ерак түгел – булса, 90 чакрымлаптыр. Чемпионат бик матур җирдә, урман буенда узачак. Ярышларда катнашырга инде бөтен Россия буйлап 51 кеше гариза язган, катнашучылар, бәлки, күбрәк тә булыр, гаризалар әле иртәгә кадәр кабул ителә. Кунак атларны һәм аларның хуҗаларын Кырлайдагы «Сервис-Агро» ширкәте сыендыра. Ә инде чабыш карарга килгән тамашачыларга җырлы-биюле тамашалар, тәм-том белән сыйлану, утырып ял итү урыннары булачак.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2178
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5942
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан