​Ана капиталын социаль ипотека программасында кулланып булырмы?

 

Парламенттагы «Мәрхәмәт-Милосердие» хатын-кыз депутатлары  берләшмәсе чираттагы утырышында соңгы вакытта татарстанлылардан килгән мөрәҗәгатьләрдәге төп проблемаларны күтәрде. Эшкә урнашу, торак мәсьәләсе, күп балалы гаиләләргә биргән җир кишәрлекләрендә нигез тергезү...  

Утырышка килгән  Хезмәт, халыкны эш белән тәэмин итү һәм социаль яклау министры урынбасары  Наталья Бутаева  республикада хатын-кызларының социаль хәле белән таныштырды.  Хәзер Татарстанда  2 млн. хатын-кыз яши. Бу – барлык халыкның 54% дигән сүз. Эшләүче гүзәл затларның уртача яше – 40 яшь. Хатын-кызлар арасында эшсезләр 3% тәшкил итә. Шул ук вакытта 40 меңгә якын вакансия бар.  «Нигездә, эшче һөнәрләр кирәк», – ди бу җәһәттән Наталья Бутаева. Министр урынбасары сүзләренә  караганда,  гүзәл затлар  эшне уртача дүрт ай эзли. Аларга ярдәм йөзеннән,  республикада  яңа һөнәр үзләштерү буенча укыту программасы гамәлгә ашырыла. Әлеге программага ихтыяҗ бар, бигрәк тә  бала карау ялындагы  әниләр арасында.  Парикмахер, маникюр ясаучы, туризм менеджеры кебек һөнәрләр буенча уку  популяр икән. Социаль сәясәт  комитеты  рәисе урынбасары  Татьяна Воропаева, ялгыз бала үстерүче  хатын-кызларны эшкә урнаштырганда өстенлек биреләме, дип сорады. Министр урынбасары  эшсезләр арасында андый бүленеш булмаганын әйтте. Депутат хатын-кызлар бу җәһәттән ризасызлыкларын белдерде. Кирәк булса, әлеге мәсьәлә буенча канун инициативасы белән чыгарга әзер булуларын белдерделәр.  Моннан кала,  «Мәрхәмәт-Милосердие» берләшмәсе башлыгы Татьяна Ларионова  министр урынбасары чыгышында пенсия яшенә кергән хатын-кызлар  хакында мәгълүмат ишетмәвен әйтте. Нәкъ әлеге  категориядәге гүзәл затларның социаль хәле  җир белән күк арасында эленеп кала.    

Депутат хатын-кызлар, социаль ипотека программасы буенча алган торак хакын  ана капиталы акчасы белән каплауны  туктату турындагы хәбәрне  аяз күктәге яшен  белән чагыштырды.  Бу җәһәттән  вазгыятьне аңлату өчен  ТР Президенты каршындагы  «Дәүләт торак фонды»ның  башкарма директоры урынбасары  Булат Гыйльмановны чакырганнар. Аның аңлатуынча, федераль канунга үзгәрешләр кертелгәннән соң, «Дәүләт торак фонды» акча займы бирә алмый. Ул өстәмә дәүләт ярдәме бирә торган учреждениеләр исемлегеннән төшеп калган. Булат Гыйльманов, хәзер  ана капиталын  куллану буенча яңа механизм эшләнүен әйтте, тик бу хакта җентекләп аңлата алмады. Шулай да  июнь аена әлеге проблеманың хәл ителәчәген әйтте.  

 Билгеле булганча,  республикада күп балалы гаиләләргә  җир кишәрлеге бирелә. Тик анда  төзелеш массалы төстә түгел.  Республика буенча барлыгы 30 меңнән артык җир кишәрлеге бирелүенә карамастан, бары тик  3 мең йорт төзелеше генә алып барыла. Чөнки әлеге җирләрдә (бигрәк тә Казанда)  инженер инфраструктуралары юк дәрәҗәсендә.  Ә моның өчен  35 миллард сум акча тәлап ителә икән. «Җиде ел  гамәлгә ашырылган программаның асылы югалды», – дип белдерде Татьяна Ларионова, чөнки күп балалы гаиләләргә җир кишәрлекләре  яшәү шартларын яхшырту өчен бирелә. Депутат хатын-кызлар  әлеге мәсьәләне якын арада Дәүләт Советы  утырышларында күтәрәчәк.  

 

  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7739
    1
    100
  • 8397
    2
    56
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9435
    1
    54
Реклама
Соңгы комментарийлар
  • 28 сентябрь 2020 - 05:31
    Без имени
    Дэвамы ачылмый.
    «Китмә!»
  • 28 сентябрь 2020 - 05:49
    Без имени
    Бик тә авыр тормышта яшисез.Мин үзем дә шундыйрак хәлдә яшим. Чит гаиләдә баласы гына юк, дип беләм... Ә бәлки бардыр ... Чөнки беркайчан да, акча алып кайтып бирмәде. Иртә таңнан чыгып китә , төнлә генә кайтып, артын куеп ята... Ник яшәдем микән? Башта әнине утка саласы килмәде. Балалар кечкенә иде. Шулай, мин дә көне-төне еладым, яшиселәр килми иде... Һаман шулай этле-мәчеле яшәп ятабыз.... Төзәлә торган яра түгел... Бик үкенәм, яшьтән аерылышмаганга....
    Гаилә җимерүче
  • 28 сентябрь 2020 - 07:59
    Без имени
    Нинди мэхэббэткэ ышаныч югалган монда? Ул булмаган. Гомер буе йоргэн ир, белмэмешкэ салынган хатын.
    Гаилә җимерүче
  • 28 сентябрь 2020 - 08:29
    Без имени
    Бу очракта, хатын кызга тормыш иту авыр булган, укенеч шуннан гына кебек. Хыянэт бит ул, бер булган икэн, гел кабатланып торачак. Андый очракта изелеп яшэудэн мэгьнэ юк. Ышаныч беткэч тэ яшэу бик авыр, ике арада шул маржа тора кебек. Ирнен эйткэн бер сузенэ дэ ышанып булмый. Димэк аралашудан мэгьнэ юк.
    «Иреңне берәүгә дә бирмә!»
  • 28 сентябрь 2020 - 08:29
    Без имени
    Гаилэгез таркалмаган очракта да, жае килгэн саен искэртеп, эйтеп торачак, лишние переживаниялэр сина кирэкме, уз башына, э ирдэ сина эйтелмэгэн ничэ секрет, уйлар кара эле?
    Аналыгыңны алганнарын иреңә әйтергәме, юкмы?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...