Алия Мостафина Россия чемпионатында ник катнашмады?

5 март көнне Казандагы Гимнастика үзәгендә спорт гимнастикасы буенча Россия чемпионаты төгәлләнде. Милләттәшебез, ике тапкыр Олимпия чемпионы булган Алия Мостафина ярышның быелгысын тамашачы эскәмиясеннән генә күзәтте.


Берәр җәрәхәт алганмы әллә, дип куркырга кирәкми: Алия һәр хатын-кыз көтеп ала торган чорны кичерә. Бәби көтә ул. Бу яңалыкны журналистларга беренче булып спортчының әтисе – танылган көрәшче Фәрхәт Мостафин җиткергән иде. Алия үзе исә авырлы икәнен хәзергәчә яшерә килде. Ире, танылган бобслейчы Алексей Зайцев та үзләренең әти-әни булырга җыенулары хакында шәрехләмә бирергә ашыкмады. Тик Казанда узган чемпионатта исә тамашачылар Фәрхәт әфәнденең сүзләре дөрес икәнлеген үз күзләре белән күрә алды. Гимнаст кыз үзе дә декрет ялында булуын әйтте.

Ялда булса да, чемпионатны калдырмаган ул. Кунак буларак булса да катнашыйм дигән. «Мин бөтен кеше өчен дә җан аттым. Үзем белән бергә Олимпиадада чыгыш ясаган кызлар өчен – бигрәк тә», – дип белдерде ул ярыш соңында.



Үзенең дә ярышта катнашасы килмәдеме икән соң? Алия Мостафинага шушы сорауны бирдек. «Юк, әлегә андый теләк тумады, – дип елмайды ул. – Булганына канәгать мин. Карьерамда пауза ясасам да, һаман да спорт дөньясында кайнаша алуым белән бәхетлемен». Чемпионатның ябылу тантанасыннан соң, теләге булган һәркем Алия Мостафина һәм быелгы чемпионат җиңүчеләре белән фотога төшә, алардан автограф ала алды.

Казанда узган чемпионат 26 сентябрьдән 9 октябрьгә кадәр Канадада узачак дөнья чемпионатына һәм 15 апрельдән 23енә кадәр Румыниядә үтәчәк Европа чемпионатына сайлап алуның беренче этабына юллама бирә торган турнир иде.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7407
    2
    51
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    8169
    0
    38
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4297
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2236
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    2914
    1
    31
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда