Алинә Заһитова – планетаның иң шәп фигуралы шуучысы!

Олимпия уеннарының 14 нче көне. Ярты Россия халкы, будильникларын иртәнге 4 кә куеп, таңнан ук телевизор каршына килеп утырды. 20 көндәшен артта калдырып, Пхёнчханда безнең кызлар бозда фигуралы шуу буенча үзара ярыша. Алинә Заһитова һәм Евгения Медведева.

…Ниһаять!.. Алинә Заһитова – Олимпия чемпионы! Фигуралы шуу буенча хатын-кызлар арасында 15 яшьлек Россия фигуралы шуучысы Алинә Заһитова беренче алтын медальне яулады!!! Бүген! 23 февральдә! Ул планетаның иң шәп фигуралы шуучысы! Котлыйм барыгызны да!

Ярыш нәтиҗәләрен: «Женяның – күз яшьләре, Алинәнең – җиңүе!» – дип язачаклар әле. Анысы – бераз соңрак. Ә мин үземчә, җанатар буларак тасвирларга тырышып карыйм. Күзәтүләремне дә, кичерешләремне дә…

Без бу көннәрдә редакциядә Олимпия уеннары дулкынында гына яшәдек бугай! Иртән килүгә үк үзебезнең спортчылар турында сөйләшеп алабыз. Эмоцияләр кайнап тора! Күзләр дә яшьләнә… Атаклы тренер Татьяна Тарасова әнә, «Алина… «Бомба»! диде! Вице-премьер Виталий Мутко өченчекөн генә: «Загитова катает без нервов, ей все по барабану. Это здорово!» – дип сокланды.

Алинә Заһитова бигрәк тә якын шул безгә! «Сөембикә»дә дә яздык аның турында (Гыйнвар санын карагыз!) Үзе яшь тә җитмәсә (бала гына бит әле!), өстәвенә – без аны үзебезнеке итеп кабул иттек инде! (Без инде аны, Ижауда үскән булса да, Актанышныкы да дияргә яратабыз. Әтисе Илназ Татар Әҗбие егете!)

Ә бүген… Менә ул – Алинә! Көндәшләреннән беренче булып ул чыга бозга. 22 нче номер. Кызыл костюмнан. «Дон Кихот» программасында! Матур, яшь, эчкерсез… Катлаулы сикерешләр… Алинәнең лутц, ритберггерлары…(Бу штрих яшь фигуристканы аерып тора, дип бәяләделәр спорт журналистлары). Һәр элемент, һәр хәрәкәт музыкаль акцентка туры килеп тора. Җанатарларның : «Алина! Молодец!», «Давай, давай!» дип көч биреп утырулары… Судьялар иң югары балл белән бәяли: 12,21! Дулкынланган Татьяна Тарасова әнә нәрсә ди: «Никто, никогда… Шикарно! Какой нужно иметь колоссальный запас, технический и физический, чтобы это исполнить! Браво! Браво! Браво!»

Икенче фигуристкабыз, 18 яшьлек Евгения Медведева – көмеш медаль яулый. «Анна Каренина» фильмы музыкасында шуып, икенче урынга чыга. Аны 12,16 балл белән бәялиләр. Чемпион кызлар – дуслар да, көндәшләр дә. Икесенең дә тренерлары – Этери Тутберидзе. Менә Женя, елап, Тутберидзега сыена. Аннары ул Татьяна Тарасова янына килә. Атаклы тренер аны кочаклап юата. Икесенең дә күзләрендә яшь…

Россиядә тимераякта фигуралы шуу буенча Федерация президенты Александр Горшков: «Женя миңа да кызганыч. Нишләмәк кирәк, беренче урын берәү генә. Кулымнан килсә, Медведевага 2 алтын медаль бирер идем», – дип, кызгануын белдерә.

Илья Авербух та, болельщик буларак Женя өчен җан атып утыруын яшерми. «Аның өчен борчылам. Аңа авыр икәнен беләм», – ди.

«Алинә Заһитова зур җиңүен, үзенең алтын медаль яулавын беренче мәлләрдә балалыгы белән аңлап та җиткермәде кебек», дип язалар.

Берничә сәгатьтән үзенең чыгышы турында ул менә ничек аңлата: «Моя программа далеко не блестящая. Я не сделала первый элемент,пришлось прицепить его в конце программы. Пока ничего не чувствую. Пока нет медали. Не люблю показывать эмоции. Но я очень рада!»

«Дулкынлануымны җиңә алдым. Тренерлар белән күп шөгыльләндем. Ялгышырга хакым юк икәнен ачык тойдым мин. Кулларым калтыраса да, гәүдәм тренировкаларда күп тапкырлар ясаган күнегүләремне кабатлады», – ди.



Журналист Алинә белән сөйләшә: «Әниеңне котладык. Әтиең телефонга килә алмады. Сөенчтән елый, диделәр…» – ди. Алинә телевизор экраннары аша әтисенә эндәшә: «Әти, елама! Тиздән кайтам!» Ул әтисен 23 февраль – Ватанны саклаучылар көне белән дә котлый…

Мәскәү мэры Сергей Собянин да кызларның җиңүен бәйрәм бүләге итеп кабул итә.

«23 февральгә нинди бүләк! Алинә Заһитовага һәм Евгения Медведевага рәхмәт!» – ди ул.

…Без дә сөенәбез. Бер-беребезне котлыйбыз. Бүгенге бәйрәм көнен тагын да ямьләде Алинә! Ишетәсезме?! Ул – алтын! Ул – боз королевасы! Бөтен дөнья Алинәне алкышлый!



Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (8)
Cимвол калды:
  • 27 июль 2021 - 02:34
    Без имени
    Молодец АЛИНА ! Татары, ВПЕРЕД!!!!
  • 27 июль 2021 - 02:34
    Без имени
    Это большой труд..и кропотливая работа..Заслужила умница..Браво..так держать...Дальше так держать...
  • 27 июль 2021 - 02:34
    Без имени
    Мин бик шатландым.анлатырлык тугел.Алинэ бэтен дэнъяга танытты татарнын данын.Гел генэ унышлар сина балакай!!! АЛЛА ярдэм бирсен.
  • 27 июль 2021 - 02:34
    Без имени
    Әфәрин Алинә. Матур үрнәген өчен, тәрбияле булганың өчен рәхмәт.
  • 27 июль 2021 - 02:34
    Без имени
    Балачачагын зур сынауларга алыштырган баланың җиңүләрен , без олылар күпсенмәсәк иде.
  • 27 июль 2021 - 02:34
    Без имени
    Афарин, Алина
  • 27 июль 2021 - 02:34
    Без имени
    Алинә балакай, искиткеч.Сокланам, горурланам, котлыйм...һәм, сөбханалла күзләр генә тимәсен дип телим. әтисенә, әнисенә зур рәхмәт. Әлбәттә тренерына. Талантын күреп үстерә белүчеләргә. Тагын бер мәртәбә-күзләр генә тимәсен.
  • 27 июль 2021 - 02:34
    Без имени
    Ботен татар доньясына бик зур булэк ясадын, Алинэ сенлем! Рэхмэт сина! Сэламэтлегенне сакла, бэхетле бул!
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8618
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8886
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8715
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4336
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан