Акробатика һәм рок-н-ролл – бер түбә астында

Залны кызу темптагы рок-н-ролл музыкасы тутыра. Спортчылар шул дәртле көйгә синхрон бию хәрәкәтләре ясарга да, шпагатка утырырга да, тамашачыларга елмаюларын бүләк итәргә дә өлгерәләр. Кызлар күккә «оча», паркетка төшеп җиттеләр дигәндә генә аларны егетләрнең көчле куллары эләктереп ала. Кош каурые диярсең – хәрәкәтләре шулкадәр җиңел!
Спортчылар «очканда» урындык кырыена чытырдап ябышасың, бөтен тәндәге мускулларың соң чиккә җитеп тартыла, борчылудан уч төпләренә тир бөртекләре бәреп чыга. Кызлар әйбәт кенә егетләрнең кулына килеп төшкәч, җиңел сулап куясың. Акробатик рок-н-роллны башкача карап та булмый торгандыр.
 
Өч минутлык тамаша – ә никадәр адреналин! Казанда узган дөнья һәм Европа чемпионаты һәм беренчелегендә андый минутлар бик күп булды. Акробатик рок-н-ролл – чагыштырмача яңа спорт төре. Россиядә 1986 елдан үсеш ала башлаган. Бүген исә безнең ил командалары бу спорт төре буенча иң көчлеләрдән санала. Чемпионат та моны раслады: «Формейшн-кызлар» дисциплинасында – икенче һәм өченче (беренче урында – Венгрия), ә «Формейшн-микст» дисциплинасында беренче һәм икенче (өченче урында – Швейцария) урыннарны Россия командалары яулады.
 
Акробатик рок-н-роллны спорттан бигрәк бию төренә кертеп карау турында сүзләр күп булды. Тик гимнастика буенча 4 тапкыр Олимпия чемпионы Алексей Немов бу фикер белән килешми. «Мондый дәртле көйгә трюклар ясау – бер дә җиңел эш түгел, аңа озак һәм җитди итеп әзерләнергә кирәк. Гимнастикада күнегүләр 50 секундтан алып, бер минут та ун секундка кадәр дәвам итә. Ә монда күпкә озаграк. Бу физик әзерлексез башкара торган эш түгел, шуңа күрә һичшиксез спорт төренә керә», – дип белдерде ул.
 
Моңарчы күләгәдә кала биргән акробатик рок-н-ролл вак, ләкин ныклы адымнар белән яктыга чыга бара. Казанлылар да яратты аны – чемпионат һәм беренчелеккә «Басхет-холл»ны тутырып килгәннәр иде. Бөтенроссия акробатик рок-н-ролл федерациясе җитәкчесе Алексей Воробьев әйтүенчә, Казандагы Идел буе физик культура академиясендә әлеге спорт төре буенча махсус кафедра булдырырга да ниятлиләр икән. Димәк, киләчәктә рок-н-ролл көенә «очучы» спортчылар турында тагын да күбрәк ишетәсәкбез әле.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»