«Бәйрәм хөрмәтенә 20 сентябрьдә көндезге сәгать 3 тә Г. Камал театры каршындагы мәйданда бәйрәм концерты була. Анда Казанның иҗат коллективлары белән беррәттән «Волга-Волга» төркеме, җырчы Мөнир Рахмаев, «Зинаида Шнипельсон» кавер-группасы чыгыш ясаячак», – дип белдерде бүген «Татар-информ» мәгълүмат агентлыгында узган матбугат конференциясендә «Мы... это мир!» концертының башкаручы директоры Андрей Петухов. Бәйрәм чаралары бер концерт белән генә төгәлләнми. Бәйрәмне оештыручылар актив, кызыксынучан кешеләргә фотокросста катнашырга да тәкъдим итә. Моның өчен ВКонтакте челтәрендәге «Фотокросс «Объективные люди» төркеменә кереп, андагы сылтама буенча теркәлергә кирәк. Катнашучылар өчен бернинди дә чикләүләр юк. Барлык мәгълъматны «Фотокросс «Объективные люди» төркемендә табарга була. Нәтиҗәләр 20 сентябрь көнне ясала.
Болардан тыш «Fun-24» күңел ачу комплексы да үз мәйданчыгын тәкъдим итә. Монда өстәл футболы һәм өстәл хоккеенда көч сынашырга мөмкин, башка кызыклы чаралар да булачак.
«Җир шарында халыкара тынычлык һәм татулык көненә багышлап 18-21 сентябрь көннәрендә «Идел» яшьләр үзәгендә «Без – бер ил, без – бер халык» дип аталган яшьләр форумы да уза. Яшләр арасында экстремизм һәм терроризмны кисәтүгә багышланган бу форумда Россиянең төрле төбәкләреннән килгән 80 кеше катнашачак», – дип белдерде «Мы... это мир!» республика яшьләр программасы координаторы Яна Сирюкова.
Следите за самым важным и интересным в Telegram-каналеТатмедиа
Комментарий юк