​Бәрәңге тәкәсе

Иллә дә уңган инде бу Лилия. Татарстанның атказанган артисты, җырчы Лилия Муллагалиеваны әйтүебез.  Инстаграмдагы битенә матур-матур бәлешләрне, өчпочмакларны тезә генә. Әнә беркөнне мич тутырып бәрәңге тәкәләре пешергән. Шулкадәр тәмле күренәләр. Мондый уңган хуҗабикә «Сөембикә»нең «йолдызлы мастер-класс» проектында катнашырга тиеш, дидек тә, җыенып кунакка киттек үзләренә. Ялындырып тормады ул, берьюлы ике төрле ризык әзерләп күрсәтте.  Гап-гади ризыклардан бик тиз әзерләнә һәм гаҗәеп тәмле иде алар.


Кирәк:

* камыр өчен (2 зур табалык)
* 1 йомырка (камырга йомырканы күп салмасаң яхшырак, ди Лилия Муллагалиева үзе);
* 2 зур аш кашыгы белән 15 процентлы кибет каймагы;
* 3 аш кашыгы үсемлек мае;
* 150-200 г кайнаган салкын су;
* 1 аш кашыгы шикәр комы (азрак яки күбрәк тә салырга була, кем ничек ярата бит);
* 0,5 чәй кашыгы тоз;
* камырны үзле булганчы басарлык күләмдә он.
 
Эчлек өчен:
* 1,5-2 кг бәрәңге;
* 3 зур баш суган (күбрәк булса да зыяны юк);
* 1 тырнак сарымсак;
* 2-3 дәфнә (лавр) яфрагы;
* 1 чәй кашыгы әнис орлыгы (мәҗбүри түгел);
* тәменчә тоз һәм төелгән кара борыч.
 

Эш барышы:

Зуррак савытка йрмырканы сытып, каймак, су, үсемлек мае, тоз һәм шикәр комын салып, камыр басабыз. Камыр үзләнгәч, артык онламый гына озак итеп бассаң, яхшырак була дип өйрәтә җырчы. 


Әзер камыр бераз ял итәргә тиеш. Шулай тотсаң, ул ертылмый, үзле була. Үзебез исә шул арада эчлеген ясыйк.


Бәрәңге белән суганны әрчеп, вак шакмаклап турыйбыз. Тоз-борыч салабыз, әнис һәм вакланган дәфнә яфрагын кушабыз. Сарымсакны исә вак угычтан уабыз. Барысын бергә болгатабыз, бернинди дә май салмыйбыз.


Төс өчен вак угычтан уылган кишер яки ваклап туралган кабак кушып җибәрергә була.

Камырны куна тактасына бушатып, 80-100 граммлы кисәкләргә бүләбез. Һәр кисәкне уклау белән тәгәрәтеп җәябез. Бик кечкенә булмасын, диаметры 15 см чамасы булырга тиеш. «Безнең якта тагын да зуррак – аш тәлинкәсе чаклы итеп җәяләр», – ди Лилия Муллагалиева үзе.


Эчлекне жәлләми салабыз.



 Камырның ике читен күтәреп, ябыштырабыз, матур итеп бөрәбез.


Тәкәләрне (кайсы якта бөккән диләр, кайда – бөкре) төбе майлаган табага тезеп, мичкә тыгабыз. Мичне алдан ук 200 градуска кадәр кыздырабыз. 
Тәкәләр 20 минут чамасы пешә.


Алар пешкәндә күп итеп ак май эретеп куйыйк. Тәкәләрне мичтән алгач, үткен пычак белән буйга ярып, өстеннән мул итеп эретелгән ак май салабыз. Ашаганда аны кул белән рулет сыман төреп ашыйлар.
Кайнар тәкә янына баллы чәй бик килешә. 
Ашларыгыз тәмле булсын!


  
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (4)
Cимвол калды:
  • 27 апрель 2020 - 22:18
    Без имени
    Бездэ бэрэнге беккэне диеп атала. Вот тапканнар инде исем - тэкэ!☺
  • 30 июль 2021 - 01:43
    Без имени
    Бездэ бэрэнге беккэне дип атала
  • 30 июль 2021 - 01:43
    Без имени
    Мин дэ бик-бик яратам бэрэнге тэкэсен! Нэкъ менэ баллы сотле чэй белэн!
  • 30 июль 2021 - 01:43
    Без имени
    МИН ДЭ БИИИК ЯРАТАМ БЭРЭНГЕ ТЭКЭСЕН ИТ ИЛИ ФАРШ БЕЛЭН !!! МММММММММММММММ ТЭЭЭЭМЛЕЕЕЕ,,,,
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9042
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9113
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4849
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6074
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан