Наршәраблы куырма

«Сөембикә»нең бүгенге кунагы — җырчы Дилә НИГЪМӘТУЛЛИНА. Мари Иленең Бәрәңге районында туып-үскән кыз мәктәптә укыганда ук «Ак җилкәннәр» ансамблендә җырлап йөрсә дә, икътисад белгечлеген сайлый. Әмма язмыш аны барыбер дә иҗат дөньясына кайтара. Тормышындагы зур борылыш уйламаганда гына була: бәрхет тавышлы чибәр кызны Казанга — «Ягымлы яз» конкурсына җибәрәләр... һәм ул анда беренче урынны яулый. Мари дәүләт университетының беренче курсын тәмамлаган Дилә, ике уйлап тормый, документларын алып Казанга юл тота. Бүген инде Дилә Нигъмәтуллина исемен ишетмәгән кеше юктыр. Талантлы җырчыбыз аш-суга да бик оста. «Мин беркайчан да тәм-томны кибеттән сатып алмыйм. Вакытым никадәр генә аз булмасын, барысын да үзем пешерәм. Әле менә кичә генә кызымның туган көне иде, бик тәмле торт пешердем», — дип каршы алды ул безне. Бүгенге мастер-класста танылган җырчыбыз анар соусында маринадланган бәрән ите пешерергә өйрәтәчәк. Бу соус бәрән итенә генә түгел, сыер, тавык итенә дә килешә.

 

Кирәк:

* 1 кг бәрән ите;
* 2 зур помидор;
* 4-5 тырнак сарымсак;
* 4 аш кашыгы анар (гранат) соусы (наршәраб);
* бәбрия (розмарин), кинза;
* 1 кузак ачы борыч;
* 1-2 уч анар төше;
* ярты бал кашыгы лимон суты;
* зәйтүн мае (көнбагыш мае да ярый);
т* әменчә тоз-борыч.
 

 

Эш барышы:

1. Бәрән итен зуррак кисәкләргә турап, табакка бушатабыз. Кабыгы әрчелгән помидорны изеп, ит янына салабыз. Шунда ук 3 аш кашыгы зәйтүн мае, изелгән сарымсак, тоз-борыч, 4 аш кашыгы наршәраб (азрак яки кимрәк тә була ала, кем ничек ярата бит) һәм лимон суты өстибез. Бәбрия белән кинзаны да турап салырга онытмыйбыз. Кинза белән саграк булыгыз: аның тәме көчле һәм ул кайсыбер кешегә ошап та бетми. Зәһәр борычны исә турамый гына салабыз.



 

2. Итне тәмләткечләр белән катнаштырып, бер төнгә суыткычка куябыз – яхшылап маринадлансын.



 


3. Хуш ис бөркеп торган итне үләннәрдән арындырып, үсемлек маенда кыздырабыз. Һәр ягы да кызаргач, калган маринадны өстибез. Үләннәрне алып ташласагыз да була, алар инде үз тәмен иткә биргән. Теләгән кеше үләннәрне дә сала ала, әмма кинза тәме бик нык сизеләчәк.


4. Капкач каплап, ит әзер булганчы томалап пешерәбез. Пешеп җитәрәк бер-ике уч анар төше сибәбез. Сүндерер алдыннан тагын бер тапкыр тозын тикшереп карау зыян итмәс, аз булса, өстәргә кирәк булыр. Берәр кашык наршәраб өстәргә мөмкин, ул иткә әчкелтем баллы – искиткеч тәм һәм каракучкылт матур төс бирә.


5. Итне яшелчә белән ашарга кирәк. Шуны истә тотып, тиз генә яшелчә-ләр пешереп алыйк. Кемгә нинди яшелчә ошый, шуны пешерсен, без исә ташкабак, баллы борыч, бәрәңге әзерлибез. Ташкабакны юып, юка гына итеп буйга теләбез, баллы борычны зуррак кисәкләргә буләбез, кабыгы чистартылган бәрәңгене тәгәрмәчләп турыйбыз да, барысын бергә кушып, тәменчә тоз һәм кара борыч өстибез.

 

6. Витаминнары югалмасын өчен аларны мичтә генә пешерәбез. Моның өчен коры табага фольга җәеп, яшелчәләрне бер кат итеп кенә тезәбез. Һәрберсенең өстенә яртышар бал кашыгы сары май салып чыгабыз. Сары май булмаса, атланмай салырга мөмкин. 180 градуслы кайнар мичтә алар 40 минут чамасы пешә.


7. Зур тәлинкә тирәли пешкән яшелчәләрне тезеп, уртага ит кисәкләрен куябыз. Ит өстенә анар орлыклары сибеп, аштәмләткеч үләннәр белән бизибез һәм кайнар килеш табынга чыгарабыз.



Наршәраб

Беренче ысул

Өлгергән анарны берничә җирдән тишкәләп, кул белән кысып сутын сыгабыз да бер сәгать буе талгын утта кайнатабыз. Сүндерергә 5 минут кала, кара борыч өстибез. Әзер соусны пыяла савытка агызып, суыткычта саклыйбыз.

 

Икенче ысул

Анар орлыкларын эмаль савытка салып, тукмак белән төябез һәм сүрән утка куеп, төшләре агарганчы пешерәбез. Аннары сутны иләк аша сөзеп, кибет каймагы кебек булганчы кайнатабыз. Төбе тиз көеп китүчән, гел болгатып торырга кирәк.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7241
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4484
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4924
    0
    37
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2956
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9677
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда