Испан кабагы белəн пешерелгəн манты

Беркайчан да кабаклы мантыдан авыз итмəгəн кеше аның никадəр тəмле булуын белми əле! Ирем кабак яратмый минем, шуңа да беренче тапкыр кабаклы мантый пешергəч, мин аңа күзлəрен йомып торырга куштым. Хəзер без мантыйны фəкать кабак белəн генə əзерлибез. Испан кабагы – бик тəмле, сусыл, төсе дə матур – ачык əфлисун төсендə. Суган күп икəн дип тə курыкмагыз, чөнки кабак белəн суган мантыйны сусыл, хуш исле һəм йомшак итə. Камыры көрпəле оннан басылганга күрə, мантый тəмлерəк, һəм иң мөһиме, диетик була. Камырга бераз көрпəле он кушу аның төсен бозмый, киресенчə, матур саргылт төс бирə.
 

Кирəк:

(камыр өчен)
* икенче сортлы бодай оны – 1 стакан;
* югары сортлы бодай оны – 2-3 стакан;
* тавык йомыркасы (безнеке ваграк) –3 данə;
* су – 250 мл;
* тоз – 1/2 чəй кашыгы;
* шикəр комы – 1/2 чəй кашыгы;
* үсемлек мае – 4 аш кашыгы.
 

Эчлек:

* испан кабагы – 300 г;
* тарткан сыер ите (фарш) – 300 г;
* башлы суган – 5 данə;
* сарымсак – 3-5 тырнак;
* төелгəн борыч – 1/2 чəй кашыгы;
* эре бөртекле тоз – 1 чəй кашыгы;
* бизəр өчен петрушка яфрагы.

1. Иң элек камыр басып куябыз, чөнки ул бераз тын алырга тиеш.

Бер савытка су, үземлек мае, тоз, шикəр салабыз, йомырка сытабыз.
Ике төрле онны бергə кушып, азлап-азлап кына савыттагы сыеклыкка салабыз.
Камырны кул белəн үзлəнгəнче басабыз. Ул йомшак булырга тиеш. Басып бетергəннəн соң, камырны целлофан капка тыгып, бер читкə куеп торабыз.

2. Кабакны төшлəреннəн аралап, эрерəк кисəклəргə бүлгəлибез һəм сарымсак белəн икесен бергə блендерда ваклыйбыз. Блендер булмаса, вак итеп турыйбыз.



3. Суганны да блендер белəн ваклатабыз.


4. Зур савытка тарткан итне, суган, кабак һəм сарымсакны салып, төелгəн борыч, тоз сибеп, болгатабыз.

5. Камырны 3-4 мм калынлыгында итеп зур җəемгə җəйгəннəн соң, 8 сантиметр чамасы зурлыгындагы шакмакларга кисəбез Һəр шакмак уртасына 2 аш кашыгы эчлек салабыз.


6. Камырның кара-каршы почмакларын бер-берсенə китереп ябыштырабыз. Уртасында ачыклыклар булган шакмак килеп чыкты.


7. Шушы шакмакның почмакларын да ябыштырып куябыз.
 


8. Пар казанының аскы өлешенə су салып, кайнатып чыгарабыз.

9. Казанның рəшəткəлəрен салкын атланмай белəн майлап чыгабыз. Пешкəн вакытта мантыйлар бер-берсенə ябышмасын өчен, бу бик мөһим.


10. Рəшəткəлəрне казанга урнаштырып, уртадагы ачыклыкка дəфнə яфрагы куябыз. Мантыйлар пешкəндə ул искиткеч хуш ис таратачак.

Мантыйлар 30-40 минут пешə.

Əзер мантыйларны кетчуп яки катык, йогырт белəн табынга чыгарабыз. Өстеннəн петрушка, укроп, суган кыягы белəн бизибез.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 24 сентябрь 2021 - 14:54
    Без имени
    бик. матур. хикея. ошады. ахыры да. яхшы. тэмамланды. рэхмэт
    Тормышымны үзгәрткән борылыш
  • 24 сентябрь 2021 - 09:19
    Без имени
    Бу хәлләр ир-ат тарафыннан азгынлык кына. Әгәр дә үзегезнең хатыныгызга да шундый ук игътибарлы булсагыз, хатыныгызны бер кемгә дә алыштырмас идегез
    Авырлы хатынны ташлап китү – ир эшеме?
  • 23 сентябрь 2021 - 18:10
    Без имени
    Монда әйтелгән фикерләр белән килешәм. Соңгысы гына күңелгә ятмый. Кияүгә ни өчен чыгалар, белмәдеңмени? Сине көчләп бирмәгәннәр бит!!! Малаең үз әтисе белән үсәргә тиеш, балаңны яратсаң...Җитәр, уйнап алгансың!!!
    Ирем булмаса, бәхетле яшәр идем...
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан