Бәрәңгедән...



Һәртөрле бәрәңге ризыгын тәмле итеп пешерү өчен, беренче чиратта, бәрәңгенең сортын дөрес сайлау зарур. Чөнки:
- таралып пешә торган ярмалы бәрәңге чумар, боламыклы ашлар һәм бәрәңге боламыгы өчен кулай санала;
- ә салат, кыздырма, юка телемләп һәм кисәкләп туралган төрле гарнир һәм шулпалы куе ашлар өчен сусыл каты бәрәңге отышлы булачак.


Телеңне йотарлык 
Бәрәңге рагуы. Әрчелгән бәрәңгене урталай ярып тозлы суда пешерегез. Юылган кишер, сельде­рей һәм гөмбәне боҗралап, ә борычны тасмалап ту­рагыз.
Сөяксез тавык итен тар тасмалап турап, маргарин маенда кыздырыгыз һәм җылы урынга алып куегыз.
Табада калган майда яшелчәләр белән гөмбәне 10 минут томалап пешерегез. Шуңа пешкән бәрәңге, кыздырылган ит салыгыз да, өстенә тоз, борыч, ли­мон согы сибеп барысын бергә болгатыгыз. Рагуны тәлинкәгә бүлеп салгач, өстенә йогурт сибеп табынга куегыз.
Дүрт өлеш рагу өчен: 800 г бәрәңге, 2 кишер, 1 бәйләм сельдерей, 250 г шампиньон гөмбәсе, 1 баш суган, 2 бәйләм яшел суган, 4 кисәк сөяксез тавык ите, 1 лимон согы, 1 баллы борыч, 15 г маргарин, төелгән кара борыч, 250 г йогурт кирәк.


Туклыклы
Гөмбәле бәрәңге бәлеше.
Әрчелгән бәрәңгене юка итеп те­лемләп турагыз. Юылган гөмбәне 1 чәшке суга салып, су икеләтә ки­мегәнче пешерегез. Шуңа вак угычта уылган сарымсак белән сыр, чи йомырка, тугланган кай­мак, тоз һәм борыч салыгыз.
Аннары майланган тирән таба­га бәрәңге белән гөмбәле бола­мыкны аралаштырып, катламлап салыгыз. Иң өстә гөмбәле бола­мык булырга тиеш. Бәрәңге бәле­шен уртача кызулыктагы мичтә 60 минут пешерегез. Өлешләп ки­селгән бәлеш өстенә туралган яшел суган белән соус сибеп, та­бынга куегыз.
Бәлеш өчен: 100 г гөмбә, 800 г бәрәңге, 1 бәйләм яшел-тәмләткеч, 1 төш сарымсак, 6 чи йомырка, 120 г сыр, 200 г кай­мак, төелгән кара борыч, май кирәк.

Деликатес
Колбасалы бәрәңге пи­рожные. Иң элек бәрәңге боламыгы ясагыз. Шуңа йо­мырка сарысы, сөт, туглан­ган йомырка агы һәм тоз ку­шып болгатыгыз.
Барлыкка килгән бола­мыкны өч тигез кисәккә бүлегез. Икесенә томат пас­тасы, ә берсенә алдан әзерләнгән борчак боламы­гы кушып болгатыгыз. Шу- ларны майланган табага, коймак сыман бүлгәләп са­лып, 175 градус кызулыктагы мичтә 20 минут пешерегез.
Аннан соң какланган кол­баса, ветчина, сыр, помидорны вак итеп шакмаклап турагыз. Ә туралган яшел суганны майда җиңелчә генә кыздырып алыгыз. Барысын бергә болгатып эчлек ясагыз да, бәрәңге коймакла­рына тигезләп җәегез. Өстенә туралган петрушка, тоз һәм бо­рыч сибеп, 5 минут мичтә пешерегез.
Дүрт өлеш пирожный өчен: 3 чи йомырка, 1 кг бәрәңге, 250 г сөт, 30 г томат пастасы, 3 аш кашыгы борчак боламыгы, 2 помидор, 10 телем каклаган колбаса, 10 телем сыр, яшел су­ган, үсемлек мае, 2 телем ветчина кирәк.

Хуш исле
Борычлы бәрәңге кыздырмасы. Юка итеп телемләп туралган бәрәңгегә вак итеп шакмак­лап туралган башлы суган, тоз һәм борыч кушып болгатыгыз.
Баллы борычны урталай ярып орлыгын әрчегез дә, вак итеп шакмаклап турагыз. Цуккинины юка итеп кисәкләп турагыз.
Суганлы бәрәңгене майлы тирән табада кыздырыгыз. Алты минут узгач, борыч белән цукки­ни өстәп, тагын 10 минут утта тотыгыз.
Чи йомыркага тоз, борыч һәм хуш исле яшелтәмләткеч кушып туглагыз. Шуны яшелчә өстенә сибеп, капкачлы табада ике яклатып 6 минут кыздырыгыз.
Дүрт өлеш кыздырма өчен: 500 г бәрәңге, 1 кызыл, 1 сары баллы борыч, 2 баш суган, 6 аш кашыгы үсемлек мае, 4 йомырка, 2-3 цуккини, 1 чәй кашыгы хуш исле яшелтәмләткеч, тоз, төелгән кара борыч кирәк.

Дөгеле бәрәңге
Чистартып әрчелгән яшелчә белән бәрәңгене шакмаклап яисә кисәкләп турагыз. Ә дөгене яртылаш әзер булганчы тозлы суда 1 пешереп алыгыз. Майлы табага катлам-катлам итеп бәрәңге, яшелчә, дөге һәм яңадан бәрәңге белән яшелчә салыгыз. Һәр катламга тоз, борыч, май сибегез. Аннары барысы өстенә шулпа салып, мичтә I томалап пешерегез.
500 г бәрәңгегә 100 г дөге, 1 баш суган, 1 чәшке яшел борчак, ярты баш төсле кәбестә, 2 помидор, сельдерей, 100 г атланмай яисә маргарин, 3 чынаяк ит шулпасы, тоз, борыч кирәк.

Бәрәңге күмәчләре
Пешкән бәрәңгене кайнар килеш угычта уып боламык ясагыз. Шуңа май, тугланган йомырка, тоз һәм он кушып болгатыгыз. Барлыкка килгән камырдан озынча күмәчләр ясап, аларны онда, тугланган йомыркада һәм төелгән сохарида әвәләп кыздырыгыз. Бәрәңге күмәчен яшелчәләр белән табынга куегыз.
Камыр өчен: 1 кг бәрәңге, 2 йомырка, 30 г май, тоз, 200 г он кирәк. Ә күмәчне әвәләү өчен 50 г ак он, 2 йомырка, 15 г төелгән сохари, ә кыздыру өчен 200 г үсемлек мае кирәк.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 26 октябрь 2020 - 19:19
    Без имени
    Гомер бер генэ бирелгэн бит. Эз генэ дэ хормэт юк узенэ бу Айголнен. Шул кадэр авыр булды укырга. Ата анасыннан мин в шоке!!! Нэрсэ утергэннен котэлэрме кызларын? Уз тормышына узе хужа тугел кызларын бит эллэ кайчан тартып чыгарырга кирэк бу тэмугтан. Нинди ул яшэу ди кайнана да, аерылганнар бит. Теге ир кисэгеннэн, телэсэ кайчан кыйналып торыргамы?.
    Якла мине, язмышым
  • 27 октябрь 2020 - 07:37
    Без имени
    Ризыкны кирәк кадәр генә алсагыз айлар буе саклыйсы да булмый...
    Бу лайфакларны хәтта синең әниең дә белми!
  • 26 октябрь 2020 - 12:45
    Без имени
    Хатын кызнын ин зур ялгышы ул, бала тугач узе генэ карый башлый, атасы белми дип уйлый. Билгеле балага, узенэ якын китермэгэч ир кеше узен артык дип хис итэ. Ышана белергэ кирэк, аларга да бала каратырга кирэк эзрэк. Шул вакытта гына гайлэ нык була.
    Артист була белмәгәнмен
  • 26 октябрь 2020 - 09:59
    Без имени
    Аерылырга, кайнанасыннан китәргә кирәк Аңа(кайнанасына) , нинди булса да, үз улы кадерле. Айгөлгә, балаларының тынычлыгын, тазалыгын сакларга кирәк. Эни кешегә, нинди генә авырлык килсә дә, бөгелмәскә, егылса да торырга, бирешмәскә, балаларына үрнәк, терәк булып яшәргә мөһим. Ул, башка беркем гә, бер ни тиеш түгел. Үстереп җиткергәнче, балалары алдында гына җаваплы. Күктән таш яуса да, аларга тынычлап укырга, яшәргә мөмкинлек тудырырга, дөрес тәрбия биреп үстерергә тиеш. Мине бик гаҗәпләндерде, Айгөлнең әти-әнисенең,булышасы урында, түзәргә кушып, читтән күзәтүләре.
    Якла мине, язмышым
  • 26 октябрь 2020 - 14:11
    Без имени
    "Мунча ташы"нда Фикусия Кактусовна, Мәгмүр Айнымасов кебек исемнәр, то есть, кушаматлар тагалар бит әле геройларына, шуның шикеллерәк итеп Дулкыния дигән. Татарда гомердә дә Дулкыния дигән исем булмады, булмаячак та! Ясалма, бер ышандырмый язганнары, ния генә күттән уйлап, интегеп яза икән ул, аптырыйм. Писатель түгел, псатыл инде.
    Син һаман шул сандугач -3
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...