Туган якка...

Туган якка


Туган якка күңел генә түгел,
Тезелешеп кайта кошлар да.. 
Гүзәл синең табигатең,
Җәйләрең дә, үзгә кышлар да.

Кошлар кебек кайтыр идем
Туган якка, җәй көнендә
Җиләк пешкән аланнарга,
Гел ашкынса йөрәгем.

Истән чыкмый, күз алдымда
Урманнарың, киң болыннар,
Елгаларың, күлләрең -
Сокланырлык, күз яме..

Җырчылармы, шагыйрьләрме,
Синдә туган һәр сәләт!
Туган ягым, синнән генә
Алам күңелемә ләззәт..

_____________________________

 

Кошлар

Кошлар кайта туган якка,
Кошлар кайта талпынып.
Кошлар кебек туган якка
Кайтыр идем ашкынып.

Кошлар кайта, каурый-каурый
Канатларын салмак кагып,
Кошлар кебек күңелем дә
Кайтыр иде талпынып.

Кошлар кебек оча күңел,
Кошлар кебек ярсынып,
Язмышлары – үзе сәфәр,
Килсә иде берәр хәбәр.

Кош канаты каурый-каурый,
Кошлар оча талпынып..
Кошлар кебек туган якны
Кайтам һәрчак сагынып.
 

_______________________________


Бәхет телим

“Бәхетлеме син?” дип сорасалар,
Бәхетсез дип әйтү мөмкин түгел.
Бәхет өчен туа һәрбер кеше,
Бәхет көтеп яши һәрбер күңел.

Бәхет – янда сине аңлар кеше булса,
Бәхет – туганнарың таянычы булса.
Бәхет – сынауларда сабыр булсаң,
Aвыр чакта яннарыңда дуслар калса..

Бәхет – кылсаң һәрчак изге гамәл,
Бәхет тели белегез сез, тели алган кадәр,
Күпсенмәгез башкаларның бәхетенә,
Тансык була сиңа килгән бәхет кенә!

Бәхет өчен күңелләргә бер нур кирәк,
Бәхет эзләп газаплана күпме йөрәк..
Җирдә яшәү – үзе бер зур бәхет булса,
Бәхет телим гомерлеккә сезгә, дуслар!

 

____________________________________

Кайчан гына..

Кайчан гына сине очратырмын,
Кайчан килер икән җиргә яз..
Кайчан гына серле елмаюың
Бирер икән йөрәгемә наз.

Күзләреңә генә карап түгел,
Күңелеңне килә күрәсем.
Насыйп ярым белән гомеремне
Бергә генә килә үтәсем.

Көтәр идем, көтәр ярым булса,
Тик ялгызым үтә көннәрем.
Яраталмыйм кемдер кебек
Байлык өчен түгеп яшьләрем.

Гадилеккә генә кызыгам,
Сөя белмим артык чибәрне.
Сөя белмим кемдер кебек
Алтын, көмеш кенә кигәнне.

Күпләр әйтер "җүләр" син дип,
Саф күңелле бәлки җүләрдер.
Гыйшык хәлен күргәннәр дә
Җүләрләнгән диеп көләдер.

 

__________________________________

Тормыш

Нинди генә авырлыклар килмәс,
Тик авырга алма шул чакта.
Елмаерга кирәк бөгелсәң дә,
Янсаң да син дөрләп учакта..

Исең китмәсен һичбернәрсәгә,
Көчле була бел төрле хәлләрдә.
Йөрәгеңә якын алма кемдер сүзен,
Аллаһ сүзе генә дөрес сүздер.

Һәр адымың саен егылсаң да,
Көчең җыеп һәрчак торып бас!
Көчлеләр дә көчсез кала беркөн,
Бер егылган бүтән егылмас.

Тормыш ямен күреп яши бел син,
Үзең өчен генә җирдә яшәмә.
Сокландырып яшәү кирәк,
"Үз эчеңә" бер дә бикләнмә!

 

_____________________________________


Аерылу газабы

Аерылу газабын җырлардамы көйләргә,
Күңелдәге серләрне җилләргәме сөйләргә.
Күңелләрнең кылына хисләрең ник кагыла,
Аерылу сагышы күңелемә агыла.

Күңелемә тынгы бирми синсез яну-көюләр,
Кадерләмәсәң үзең, сүнә икән сөюләр..
Ачы газап утында кала алмыйм ялгызым,
Кабына да сүнә күктә якты янган йолдызым.

Аерылу газабы күңелләргә кермәсен,
Ачы җилләр урап узсын, кайгы-хәсрәт килмәсен.
Түзәр йөрәк сынауларга, сыналса да җилләрдә,
Җилкәннәр күк сыгылмам, көч табармын җиңәргә.

Кошлар кебек канат кагып китәрсеңме икән син,
Күңелемә газап салып китәрсеңме икән син.
Аккошлар күк талпынып ашкынамын иреккә,
Хыялларым илтерме синең арттан киңлеккә.

________________________________________

 

Түземлек

Кеше бәхетенә кеше керми,
Алданса да сүзгә карашып,
Кайгы белән бәхет чиратлаша,
Исә җилләр кайчак адашып.

Тоеладыр читтән караганга
Тормышыңның төссез көннәре
Ай нурлары тулган хыял сыман,
Үсмәсә дә күңел гөлләре.

Хыял диеп яшәп булса әгәр
Күңелеңне һәрчак күтәреп,
Көтәр идемме соң күрмәгәнне
Кемдер иңнәренә“терәлеп”.

Кайчагында аптырыйм ла сезгә,
Килә кайчак “үксеп” көләсем,
Никләр икән кеше язмышына
Хәлен белми килеп керәсез..

Кеше бәхетенә күпсеним ник,
Үземнеке бары җитәрлек.
Түгеләсе кайнар яшьләрем
Җепкә үреп кире сүтәрлек.

Күрдегезме көчле кешеләрнең
Күзләрендә тирән уйларын..
Күрдегезме көчле кешеләрнең
Күңелендә сүнгән утларын.

Аңлыйсыздыр кеше кайгысын да
Тик үзегез күреп белсәгез.
Кирәк түгел кемнәрдәндер көлү,
Көлегез тик сынауларны үтеп,
Үзегез бик күпкә түзсәгез!

_____________________________________

Көтәсеңдер

Көткән чакта килми бернәрсә,
Килә җәйләр бары көттереп.
Карлар ява үз вакыты белән,
Көтә күрмә нидер яшь түгеп.

Көтәсеңдер, аңлыйм, насыйп ярны,
Көтәсеңдер солдат кайтканын.
Көтәсеңдер бәхет килгәнен,
Хыялларың чыңга ашканын.

Тик көткәндә яумый яңгырлар,
Көтеп арган ашыканны аңлар..
Көтеп кенә килми шул көзләр,
Көтә нигә күңел җылы сүзләр?.

Көтәсеңдер бәлки син дә
Чынга ашмас татлы төшеңне.
Тик көткәнчегә кадәр
Үзгәртеп кара син үзеңне.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6020
    7
    61
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5407
    3
    47
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3970
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2639
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8763
    6
    34
Реклама
Реклама
Соңгы комментарийлар
  • 25 ноябрь 2022 - 14:10
    Без имени
    Әссәләмүгаләйкүм. Үзебезнең татарлар арасында шушындый яшьләр булуына куандым һәм горурландым. Аллаһы Тәгалә теләсә без яшибез, татар теле дә бетми, иншаллаһ.
    Татар самурае
  • 25 ноябрь 2022 - 16:42
    Без имени
    Бу энине мин уйлар идем ике йэрекле булган диеп хазэрге яшьлер уз балаларында калдырып чыгалар эниене Алла хатегале озын гомер бирсен балаларынын жылы сузлерен ишетэп яшерге язсын
    ​Иң кадерле кеше!
  • 25 ноябрь 2022 - 10:55
    Без имени
    Монын кебек ирлэр аздыр ул. Бэхетегез озын гомерле булсын
    Кайгыда да, шатлыкта да бергә без
  • 25 ноябрь 2022 - 10:45
    Без имени
    Кеше бэхетенэ урелмэсеннэр иде, семьясыз ирлэр беткэн микэнни? Язмышлардан узмыш юк шул
    ​Ачы көнбагыш
  • 26 ноябрь 2022 - 22:55
    Без имени
    Дөп-дөрес сүзләр!
    Исламда хатын-кыз хокуклары нык саклана
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда