Чакыру өстән

Әти-әниемне кочар идем!!!

Вакыт, оныттырма узганны,
Сулыш алганда тукталып.
Селкеп төшер еллар тузанын
Таралсын кайгы югалып...

Очар идем океаннар аша...
Акчарлаклар белән узышып
Очар идем мин уйларым аша...
Хыялларым белән мавыгып
Әти-әнине кочсам очрашып!!!

Китәр идем, юллар чакырса...
Хыялым тарта еракка...
Йөрәгем, җаным да омтылса...
Кояш янына, офыкка...

Очар идем океаннар аша...
Акчарлаклар белән узышып
Очар идем мин уйларым аша...
Хыялларым белән мавыгып
Әти-әнине кочсам очрашып!!!

Кеше гөмере , кылдан нәзек,
Җилләрем исә күңелдә...
Дымландырып күзне чык кебек..
Сагыш чыкларым гөлләрдә.
26.08.2017

 

Чакыру өстән

Минем ахры табигатем
Гел көрәшү, гел җиңү...
Төшенү, күнегү-гадәтем
Гөлләрдән бәхет чигү...

Юлларымны бертуктаусыз
Yтеп килермен очына..
Көзем яфрак коя туктаусыз..
Өскә карап җан очына...

hәр кешенең айрым юлыдыр
Өстән җәелеп куелган..
hава, ай да көтеп туймыйдыр..
Йолдыз чакырып атыла...

Изгелек алмаш явызларга
Бирер явыз юл яхшыга!
Якты нур сибелер юлларга
Барсы да өстән явыла..

Йөрәгем җанымда талпына,
Яшәү мөһимлеген аңлап...
Өстән билге сизеп атлыга,
Яшәргә бик, бераз соңлап...
26.03.2017

 

Төнге эфир

Рухым-илһамым син, шигъриятем,
Тыңлаганда төнемдә эфир.
Төнге күк, татлы тынлык мизгелем,
Пешердем бик куе чәй-чефир.

Уттай яктыра йолдызлар, hава,
Йортлар йоклый- ташлар урманы.
Төнге моңга чумып уйлар чаба,
Шигърияткә, урап хыялны.

Рифмалар сөю сорый үрергә,
Зарым юк, тик калтырый хисләр.
Күзләр тели сине ишетергә,
Лирикам эзли сиңа сүзләр.

hәр юлым, җанда тетрәү-ыңгыраш,
Узган көн дулкыны, ташкыны.
Зарыгтырма төн, йокым аралаш,
Сафландыр, салкын чәй йотымы.

Шигырьләремдә үзем эчкерсез,
Булсада хыялым үзсүзле.
Төн җирлегендә ник ишетмисез,
Алдамас төннәрем шигырьле.

Юк-барлы гөмер көне уза тиз,
...Яңгырар тагын төнге эфир.
Чәй-чефир- чакма таш, нишлим синсез,
Төнге дөньяма күз текәлер...
26.08.2017

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...