Илназ Баһ турында 13 факт

 

Илназ – Арча егете. Тулы фамилиясе – Баһавиев. Казан дәүләт педагогика университетының татар теле һәм әдәбияты факультетында укыган. Аспирантура тәмамлаган.

 

Баһ тәхәллүсен аңа университетының «Мизгел» халык театры җитәкчесе Марсель Җаббаров тага.

 

Илназ Баһ җырчы гына түгел, үзе дә җырлар авторы. Гармунда һәм курайда уйный. Хатыны Гүзәл Идрисова да җырчы. Аларның гаилә тарихы 2009 елдан башлана.

 

 

Илназ, җырчы булмаса, табиб яки эколог булыр иде. «Кечкенәдән Казансуда машина юганнарын күрсәм, барып, штраф сугасым килә иде».

 

Артист буларак, беренче «керемен» дүрт яшеннән ала башлый. «Гармунда уйнарга дүрт яшемнән өйрәндем. Әле үзем дә шул гармун кадәр генә идем. Балалар бакчасыннан кайтышлый, әни белән кибеткә керәбез. Анда инде «тамашачы» җыелып, мине көтеп тора. «Культура программасының» әҗере – бер кесә конфет!»

 

Хоббие – бильярд уйнау. Буш вакытлары чыкты исә, татар эстрадасының бер төркем егетләре белән җыйнаулашып шар сугалар. Тагын бер чире – балык тоту. Калкавычына күз текәп, ярты көн селкенми дә утыра ала.

 

Техниканы ярата. Гаражга барып, машинасының янган лампочкасын булса да алыштырып, «бетен басып» кайтырга ярата. Машинаны берүзе беренче тапкыр 14 яшендә йөрткән. Абыйсының өйләгә кайтып, бераз черем итеп алуын гына көткән дә, ачкычларны эләктереп чыгып тайган. Җитәкче кешенең машинасы булгач, юлда берәү дә туктатмаган, рәхәтләнеп «җилләнеп» кайткан.

 

Кодрәтеннән килсә, бездәге бөтен ел фасылын җәйгә әйләндерер иде. «Миңа җәй көне техник яктан рәхәт – машина көпчәген алыштырасы юк, машинаны җылытасы юк, аякка артсыз башмак эләсең дә, чыгасың да йөгерәсең».

 

«Җырлар күбрәк рульдә барганда ярала. Онытмас өчен, тиз генә диктофонны кабызам. Өйгә кайткач, ноталарга күчерәсе генә кала».

 

«Юк» дип әйтә белми. Моның кыенлыгын да күп татырга туры килгәли икән үзенә.

Юмарт әти. Улларына тәм-томны, бүләкләрне алып кына тора. «Балачагымда үземдә булмаган әйберләрне аларда булдырасым килә». Иң зур теләге – улларын, ә алар аның өчәү! – гармунда уйнарга өйрәтү. «Гармунчы егет беркайчан да төшеп калмый. Дуслар арасында да абруе була аның, кызлар арасында да. Берәр компаниядә гармун тартып җибәрәсең – шундук үз кешегә әйләнәсең дә куясың».

 

Әнисенә 8 Мартка беренче алган бүләген хәтерли әле. «Бездә күчтәнәчкә чәй бирешү гадәте бар. Күңелемә шул кереп калгандыр, кайда ничә тиен табам, шуларны җыеп бардым да, әниемә зу-ур тартмалы яхшы чәй алдым».

 

Берьюлы бик күп акча отса, өч улына да йорт салып куяр иде. Калганын сәяхәткә һәм ятим балаларга тотачак.

 

 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9469
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9604
    8
    79
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5280
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4075
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6477
    2
    30
Реклама
Соңгы комментарийлар
  • 31 июль 2021 - 14:13
    Без имени
    Аллаһыга сыенырга кирэк, догалар укырга, дога ярсыган йорэкне тынычландыра ул.
    Ничек онытырга?
  • 31 июль 2021 - 23:11
    Без имени
    3 тапкыр ташлаган нинди кинэш сезгэ. Бер нинди кинэш тэ сезгэ булышмый.
    Ничек онытырга?
  • 31 июль 2021 - 22:51
    Без имени
    Азрак гордость диган айбкр булырга тиеш сина аягын сорткан да сорткан бит и биграк исар булгансын бит.
    Ничек онытырга?
  • 1 август 2021 - 20:56
    Без имени
    Җуләр, нәрсә дип әйтим...
    Ничек онытырга?
  • 1 август 2021 - 21:15
    Без имени
    Ачу кила башлады инде, бер да узенне ихтирам итмисен икан.
    Ничек онытырга?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан