Җәйгә тәпи басабыз

(парча) 

   Дүрт яшьлек оныгымның «Нәнәй, әнә сары чәчкәләр арасында бал кортлары утыра. Яннарыннан гына бөҗәкләр дә чаба, шундый җитез үзләре», – дип, кулларын болгый-болгый,  җәйнең инде якынлашып бетүен исбатлавы олыгая барган саен күп нәрсәгә битарафрак булган җанымны уятып җибәрде. «Чынлап та, кызым, кайчан уянганнар соң? Кичә генә берәү дә болай йөгерми иде ич», – дидем, аның ачкан яңалыгына мин дә сөенеп. Бермәл аларны күзәтеп тордык. Менә бит, язны төгәлләп, җәйгә басабыз, түгелме? Оныгымның һәрбер җан иясе уянуын күрә белүенә мин дә шатланам. Рәхмәт төшкере,  Ходай тарафыннан тирән акыл гына бирелмәгән балама. Хисле булачак ул, киләчәктә үз тойгыларын аңлата беләчәк, яңадан-яңа ачышлар ясый алачак, димәк! 

   Ары атлыйбыз. Урамда минем белән җитәкләшеп йөрергә бик тә ярата кызым. Мондый йөрүләрнең үз яме, үз сере бар кебек. Нәни генә куллары белән кулымны чытырдатып кыса да, ныклы адымнар белән алга атлый. Янында  бу тормышның мең авырлыкларын җиңәргә көч бирүче иң-иң якын кешеләренең берсе атлавын яхшы белә шул ул! Кызганыч, берничә елдан соң, бик теләсәң дә, минем белән җитәкләшеп йөрмәячәк. Ә әлегә, әйдә, атлый бир дәү әнисе! Күз алмаң белән бергә язның-җәйнең һәр үзгәрешенә куан. Күрми соңга кала күрмә берүк! Шул вакыт: 

– Каеннарны кара әле, нәнәй, колакларына алка элгәннәр! – димәсенме кызым. 

 Чынлап та, шигъри күңелле булырга охшый түгелме үзе? Әнә бит купшы каеннарны миннән дә тизрәк күреп алды! Алкалары менә-менә ачылырга торалар. 

...Бу  «сәяхәт»тән соң мин көн дә бер ачыш ясарга гадәтләндем. Урамга да чыгып торасы юк. Балконым туп-туры каршыдагы тауга карый. Кул сузымы гына җирдә төсле. Якты көннең ничә сәгате эчендә әллә ничә үзгәреш күрәм. Үләне дә көн түгел, сәгате-минуты белән биеккә күтәрелә төсле. Агачлар да яшелләнгәннән-яшелләнә бара. Ә өй каршымдагы каеннарның, оныгым әйтмешли, алкалары ике-өч көн эчендә ачылдылар да, яфраклары башта кечкенә булып борын төрттеләр, аннан акрынлап зурайдылар. Төсе әлегә күзнең явын алырдай яшел дә түгел,  соры-яшел. Агачның ак кәүсә җирлегендә гаҗәеп бер рәсем хасил булган. Табигать ясаган иң-иң дөрес һәм иң-иң гүзәл рәсем бу! Аны шулай итеп бер генә рәссам да ясый алмаячак! 

   Тагын бер көн үттеме-юкмы, шомыртлар ап-ак булып чәчкә атты. Яннарыннан үтеп китә алмыйсың, башларны әйләндерерлек хуш ис тараталар. Иң-иң кыйммәтле хушбуйлар исе  дә шомыртның үз исенә тиңләшә алмас. Алмагачлар, чияләр дә ак-алсу төскә керде. Ни гаҗәп: быел алар чәчәк атканда гадәттәгечә салкыннар булып тормады. Хәерлегә генә була күрсен берүк! Көннәр бик тә җылынып, эсселәнеп китте хәтта. Ачык зәңгәр һавада каурый сыман җиңел болытлар күренгәли. Аларга утырып җиһан буйлап сәяхәткә чыгып китсәң иде дә бит! Оныгым белән икәүләп. Бик тә сөенер иде ул!   

   Уйлап куйдым: шушы кадәр матур мизгелдә урманга бармый ничек түзеп торырга соң? Радио, газеталардан бер туктамый талпаннар турында кисәтеп торалар. Чага торган еланнардан да яздан ук куркыныч яный икән.  Без кечкенә чакларда булмадымы икәнни соң алар? Май буе урман, таулардан әллә ничә кат урап кайта торган идек. Кузгалак, юа, күкебаш, татар, рус какылары, балтырган кебек үләннәрне тәмләми калмый идек! Ә чәчәкләр!.. Алардан һәм ямь-яшел каен яфракларыннан үрелгән такыялар кими үткән язлар да булмагандыр... 

   Кызганыч, матурлык шул килеш гасырлардан гасырларга күчсә дә, гореф-гадәтләр үзгәрә,  яшәү рәвеше башка юнәлеш ала. Ләкин һәр ел фасылының үзенә генә хас гүзәллеген күрү – үзебездән тора. Яшь булсак та, өлкәнәя барсак та... 

Әлфия ШӘЙХЛИСЛАМОВА. Туймазы районы, Кандра авылы. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11278
    5
    141
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6909
    1
    91
  • 7885
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8941
    1
    49
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...