Әнкәйнең утыз өч гәрәбәсе. № 3.

("Минем беренче гомерем" әсәреннән)

Вакытында кайтырсыңмы?
Тастымал япкан табакны әнкәй өстәлгә куя. Кулны пешерә — мичкә тәгәрәткән бәрәңге анда. Бераз парланганын көтәбез — кабыгын әрчергә уңай була. Әткәй бәрәңгене учтан-учка сикертеп, өф-өф итеп өргәләп ала. Көле булмаса да өрә — кулны пешермәсен дип. Идәнгә чәчрәгән күмерне әнкәй дә шулай учта чөйгәләп мичкә ташлый: бишташ уйнагандай... Эрмекле-ярмалы бәрәңге ясмык күпертмәсе, сөт белән тәмле. Ашап-эчеп алгач, әткәй кулларын баш астына куеп сәкегә сузылып ята, үрелеп газета ала:
— Ашагач ук эшкә тотынсаң, ризык, ярлы корсагына эләктем, дияр. Кырын ятып алыйк — бай корсагында дип белсен!

Аннары торып мич башыннан киез итеген ала, әнкәй бәйләгән ак йон күлмәген кия, озын ак шарфын урый да, елмаеп кулларын артка суза. Беләм инде, әнкәй әзер, көндәгечә дуплы тунын киертәчәк. Әзрәк көттергән-ялындырган итә дә, якасын рәтләп, аркасыннан сыйпап-сыпырып куя:
— Вакытында кайтырсыңмы, сиңайтәм?
— Кайтырмын, сиңайтәм, кызлар тоткарламаса! — дип әткәй мут караган була, сары кәрәздәй чыпта белән тышланган ишекне ача. Әнкәй дә елмайган итә, әмма елмаюы ишеккә кысылгандай, моңсулана. Сер бирмәсә дә, өнәп бетерми шул кызлар дип шаяртканны. Тәрәзәдән карап озата да, эшләрен караштырып, әткәйгә дип башлаган бияләйне кулына ала.
— Ә нигә уң кулга өч бармаклы бусы?
— Уенга баргач, мылтык атарга.
— Миңа да шундыйны бәйләрсеңме?
— Син үскәндә мондые кирәкмәсен инде. Уеннан да җаным курка — уймак чыга күрмәсен, ходаем.

Борчыла да тынычлана, тәрәзәгә карап әйтеп куя:
— Атаңның иреннәре салкында да кып-кызыл. Егет чакта да шундый иде.
— Борычлап ашагангамы?
— Юк, үзе шундый. Кыз чагымда күзем тамырлы кулларына да төште — беленеп торган тамырларын ярата идем.
— Минем андый түгел. Ә үзең атаңа охшагансың, дисең?
— Үскәч, булыр, бәбкәм, ашыкма. Атаңда гына түгел икән тамырлы кул, бүтәнне күрмәгәнмен. Сөйкемле сөяк — сөйкемле тамыр булган.

Яшь вакытларын хәтерләп, инде ничәнче кат сөйли, бу аңа рәхәт, шул көннәргә кайткандай алсуланып, күзләрендә сөенеч яктыра. Кинәт сагая кала:
— Ходаем, бәхетебезне күп күрмәсен, — дип тели башлый. — Илләр-көннәр тыныч булып, тигез гомер итеп, балаларыбызның рәхәтен күрергә насыйп булсын иде, йа раббым!

Әнкәйнең ихлас теләк-ялварулары кабул булырына бик ышана идем. Алай булып чыкмады. Пар канат булып унөч ел гына яшәп калдылар. Әнкәй бәйләгән бияләйне биштәренә салып өйдән чыгып киткәндә дә әткәй, гадәтенчә, кулларын ике җиңгә әзер тотып басты, тик елмаюы сагышлы иде.

“Вакытында кайтырсыңмы, сиңайтәм?” “Кайтырмын, сиңайтәм... дошман тоткарламаса...”
Бу сүзләрне ишетмәдем, сүзләр мәңгелеккә өзелгән иде, күз яше белән йөрәккә йотылган иде. Исән канатыннан гомер буе сагыш булып сарку өчен йотылган иде.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15803
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6084
    3
    50
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5981
    4
    49
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8217
    0
    36
Реклама
Соңгы комментарийлар
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
  • 4 февраль 2023 - 13:40
    Без имени
    Бик гыйбрэтле язмыш, шулай тузеп яшэдек
    Сабырлык чиге 5    
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр