​Бер кияүгә ике кәләш


(хикәя) 
 
“Фыранцуз” яулыгын бәйрәмчә иңнәренә төшереп бәйләгән, кешелеккә кия торган вак бизәкле сатин күлмәген кигән Сәхибәттәйнең эшлекле кыяфәттә капкаларыннан килеп кергәнен тәрәзәдән күреп калган Мәрзия кулындагы чәшкесен төшереп җибәрә язды: “Кит лә... булмас ла...” Өстәл артында, самавыр ышыгында яңа килгән гәзитне җентекләп укып утырган ире Хәсән, башын күтәреп, хатынына карады: “Нәрсә булмас ла?” Мәрзия ни дә булса аңлатканчы, Сәхибәттәй ишектән кереп килә иде инде. Хатынының гадәттән тыш гаҗәпләнүенең сәбәбен Хәсән шунда гына аңлап алды. Яучы корткасы даны чыккан Сәхибәттәй кызлы йортка юкка гына керми иде... 
− Исәннәрмесеееез, хәлләрегез ничеееек? – гөрли-гөрли сузды Сахибә карчык ишектән керә-керешкә. 
Хуҗабикә, йөзен булдыралганча ачык итәргә тырышып, авызында калган берничә теш төбен күрсәтеп, рәхәтләнеп елмайды: 
− И Ходаем, рәхмәт яугыры. Сәхибәттәй, безнең ишекне дә ачарга вакыт җиткән икән сиңа. Изге сәгатьтә булсын инде килүең. Әйдә, рәхим итеп, түрдән уз. 
Кунак карчык кырында өтәләнеп йөргән хатыны янына, ир-егет дәрәҗәсен артык төшермәскә тырышып булса да, хуҗа кеше дә кушылды: 
− Исәнлектә, саулыктамы, Сәхибәттәй? Әйдә, утыр әле менә монда. Әйдә, уз. 
Кергән уңайга кулларын күтәреп, дога укып алгач, бераз дөнья хәбәрләрен барлагач, самавыр яңартып, булганы белән тәмләп чәй эчеп алгач, Сәхибәттәй төп вазыйфасына күчте: 
− Миңлемәрзия сеңлем, Хәсәнҗан энем, килүемнең сәбәбе шунда. Ишетүемчә, сезнең буйга җиткән, бүген тормышка бирерлек кызыгыз бар. Менә шул кызыгызны Ташлы авылыннан Малик малае Газим сората бит әле. Егетебез асылдан да асыл. Ни диярсез икән?  
Күңеленнән генә җавабы күптән әзер булса да, Мәрзия, ризабыз, ике куллап ризабыз, риза булмаган кая ул, дип тизрәк кычкыруны әрсезлек санап, тәртип өчен генә булса да карашына сорау иңдергән булып, гаилә башлыгына төбәлде. “Син ни уйлыйсың?” − янәсе.  
Ата кешенең дә җавабы Сәхибәттәй ишектә күренү белән зиһенендә туган, авызыннан ычкынып китәргә тора иде инде. Шулай да ул йөзенә уйланган төс керткән булды, шатлыгыннан авызы ерылып китәргә торса да, карашына булдыра алганча җитдилек салды. Бер тын дәшмичә, үзеннән күзләрен алмаган хатыннарны көттергән булды һәм сөенгәнен яшерергә тырышып: 
− Сәхибәттәй, без ни... риза инде, үзләре бер-берсен ошатканнар, үзләре килешкәннәр икән, ризабыз − дип сабыр гына җаваплады.  
Эшнең тиз генә уңай чыгуына, еллар буена чарланган яучылык тәҗрибәсен бу юлы кулланырга туры килмәгәнгә, ягъни тарткалашып-бәхәсләшеп артык көч салырга туры килмәгәнгә Сәхибәттәй дә бик канәгать иде. Еракта эшләгән кияү буласы егетнең отпускасы тиздән бетәсе икән. Тиз арада никах укытырга, аннан хәләл җефетен үзе белән алып китәргә исәбе бар икән. Бәхетле ата-ана балаларның теләгенә каршы бара алмадылар, әлбәттә. Фәлән-фәлән көндә, кияү егетенең йортында мулла вазыйфасын үткәргән Сибгатне чакыртып, никах укытырга булдылар. Егетне күрмичә, туй турында әлегә сүз кузгатмаска булдылар.  
Сәхибәттәйне озаткач, әти белән әни кеше шатлыкларын яшерергә кирәк санамады. Сөенмәслекмени? Инде олыгаеп барган карт кызлары Минзиләгә дә кияү чыкты! Артыннан куып килгән сеңлесе Зөбәйдә, әлегәчә тормышка чыкмаган апасыннан узып кияүгә чыгуны килешми санап, күптән инде пошаманга калды. “Әйдә, чык берәрсенә, югыйсә мине тоткарлыйсың. Тиздән укуым да бетә. Синең аркада мин картаям, − дип, Минзилә белән сүзгә килгәне дә бар иде. Яшьрәк чагында Минзиләнең дә артыннан йөргән егетләр булмады түгел. Тик әллә кемгә охшап, бераз һавалырак холыкның иясе Минзилә авыл егетенә чыгарга теләмәде, ә шәһәрдән аны эзләп килүче булмады. Егерме тугыз яшен тутырган кыз соңгы арада шактый гына юанаеп та киткәч, аның чынга ашмас хыяллары сүрелә башлады. Инде ул кем соратса, шуңа чыгарга риза иде. Бүген эштән кайтуына әти-әнисе кияү егете “әзерләп” куйгач, ул берсүзсез риза булды. Егетне моңа хәтле күргәне булмавына да ул борчылмады. Күрер әле, күреп туяр гомере буена. Яучы җибәргән икән, димәк, кияү буласы кеше аны үзе күргән. Ошаткан. Шул җитмимени? Менә, сеңлесенең борынына чиртсен әле! Кайчан чыгасың инде тормышка, дип күпме канын суырды. Шәһәрдә укып йөргән сеңлесе апасының тиз арада кияү тапканын белеп шак катсын әле! Шушы яшенә җитеп, ир чыкмаган исемен күтәрүдән дә җиләде инде Минзилә. Авыл телчәннәренең авызы да ябылыр. Соратканда чыгып калырга кирәк... 
 
Сөйләшенгән көнне Хәсән белән Мәрзия, никах тәртибе буенча үз якларыннан берничә туганнарын алып, җигүле арбаның түренә киенгән-ясанган Минзиләне кукрайтып утыртып, Ташлыга юнәлделәр. Басу юлы буенча унике чакрымны узганчы сәгатьтән артык вакыт узды. Алар авыл очындагы өченче йортка барып кергәндә, ишегалдында мондый тантаналы көндә генә була торган җанлылык сизелә, бәйрәмчә киенгән хатын-кызлар ишектән бер керә, бер чыга, шунда җыелышып торган берничә ир ни турындадыр күңелле генә гәп кора иделәр.  
 
Кунакларны бик җылы каршыладылар һәм түрдән урын бирделәр. Кияү егете Газим барысы белән дә кул биреп, бик ачык күреште. Булачак кәләш шул арада, Газимга яшертен караш ташлап, бәя бирергә дә өлгерде: “Ничава гына алай...” Шулай да кызны кияү егетенең үз янына килеп утырмавы бераз гаҗәпләндерде. Газим, хуҗа буларак, кунакларны каршылыйдыр дип, Минзилә үзен тынычландырырга тырышты. Әйе, Газим, ишектән күз алмыйча, кемнедер көтә иде. Менә чакырылган кунаклар да килеп бетте. Бик тә зур эш башкаргандай, ризалыгын яшермәгән яучы карчык Сәхибәттәй күптән түр башына кунаклады. Иң азактан бик рәсми төс белән мулла абзый да үз урынына кереп утырды. Тиешле догасын укыгач, ул хуҗалар белән пышылдашып алды. Газим һаман өстәл артына утырмады. Бераз уңайсызлык сизгән Хәсән белән Мәрзиягә көтеп утырудан башка чара калмады. Мулла абзый вакытны юкка уздырмады, халык җыелудан файдаланып, вәгазь сөйли башлады. Минзилә, борчыла башлавын йөзенә чыгармаска тырышып, кунаклар арасында йөргән Газимгә карап елмайган булды. Вакыт никтер кирәгеннән артык сузылды. Хуҗалар кемнедер көттеләр.  
 
Берникадәр вакыттан кияү егете тышка йөгереп чыгып китте һәм... җитәкләп, бәйрәмчә киенгән Зөбәйдәне алып керде... Шунда гына Мәрзия белән Хәсән ничек исәрләрчә ялгышканнарын төшенделәр. Яучы карчык Зөбәйдәне соратып килгән бит аларга... Ә олы кызларын кияүгә бирергә хыялланган ике исәрбаш ир белән хатын Минзиләне сората дип аңладылар... Ташлыда йөргән егетем бар, дип, Зөбәйдәнең сер итеп кенә әйткәне шунда гына Мәрзиянең исенә килде. Йә Аллам! Алар бит Минзиләне кәләш итеп алып килделәр! Кеше белсә ни әйтер?! Кияү белсә ни уйлар? Картайган кызыгызны миңа такмакчы буласызмы, диярме? Оят! Мәрзия белән Хәсән җир тишегенә кереп китәрдәй булып, бер-берсенә караштылар. Тик кунакларда да, Газимдә дә, хуҗаларда да алар кайгысы юк иде. Беркем берни аңламады. Минзилә дә ничек алданганын аңлап алган иде инде. Ул, елардай булып, бәхетле елмайган кияү белән кәләштән күзләрен алмады. Менә тиле! Бер күрмәгән-белмәгән егет яучы җибәрәме соң инде?! Бу бит элекке заман түгел... Шулай да ул үзен тиз арада кулга алды. Урыныннан торып, сеңлесе янына барды да, аны кочаклап: “Котлыйм, сеңлем. Бәхетле булыгыз”, − дип, сеңлесенең чәчләреннән сыйпады. Аны-моны сизенмәгән Зөбәйдә, һәрвакыттагыча ачык елмаеп, апасын кочты: “Рәхмәт, Минзилә апакаем”.  
Ниһаять, кияү белән чын кәләш үз урыннарына утыргач, никахны башлап җибәрделәр.  
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4198
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12527
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2598
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13110
    4
    72
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10305
    12
    72
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда