Асылташ

Җәмилә апа, хат ташучы калдырып киткән телеграммага күз салгач, лып итеп урындыкка килеп утырганын сизми дә калды. Тәннәре эсселе-суыклы булып, маңгаена салкын тир бәреп чыкты. «Бәлки, дөрес аңламаганмындыр», – дип, ашыкмыйча, игътибар белән, тагын өч мәртәбә укып чыкты. Тик ничә тапкыр гына укымасын, «приеду через неделю с Драгоценным камнем» дигән юллар үзгәрмәде, киресенчә, асылташтай, тагын да ныграк ялтырап киткән кебек тоелды. Җәмилә апа, Себергә китеп эшли башлавына төгәл бер ел тулган уртанчы уллары Байрастан килеп төшкән телеграмманы кулында тоткан килеш, тагын күпме уелып утырган булыр иде, билгесез, әмма аны бу халәтеннән күршесе чыгарды.
 – Нәрсә, иртән-иртүк мәрткә киткән кеше кебек утырасың?
   – Әй, сөйләмә инде, Фәгыйлә түти, бүген икенче сменам булгач, бөтенләе белән онытылып киткәнмен.
   – Ниндидер ис чыккан дип әйтимме?..
Җәмилә шунда, плитәгә җылытырга куйган пылауны исенә төшереп, аш-су бүлмәсенә кереп китте. Көеп беткән ризыкны ишек алдына чыгарып куйганнан соң, ул күршесен күпме генә озатырга тырышмасын, барып чыкмады – Фәгыйләттәй, тиз генә «озатылырга» ашыкмады. Иртән-иртүк күршеләренә хат ташучынының болай гына килмәгәнен чамалап керде ул. Болай да, кош-кортлар белән булашып, соңга калды әле!
  – Фәнисә нишләп йөри?
  – Кайсы Фәнисә?
   – Кырык Фәнисә юк инде бездә, шул берәү генә – пучталон!
   – Ә-ә, аны әйтәсеңмени? Ни... ни... гәҗитләр китергән.
   – Тәүбә, әстәгъфирулла, син икәнсең дөнья кендеге! Башкаларга төштән соң гына тарата. 
Җәмилә, өстәлдә яткан телеграмманы сиздерми генә алып куярга уйлаган иде, түтекәй өлгеррәк булып чыкты.
  – Телеграмма түгелме соң? Әллә бер-бер хәл бармы? Йөзең дә акбур сөрткән кебек. Пы-ры-еду.... ды-ра-га-си-он... Тәүбә, тәүбә асылташлар белән кайтам дигән түгелме соң Байрас? 
   – Белмим, аңламадым үзем дә. Әллә хезмәт хакын асылташ-гәүһәр белән түли башлаганнар микән? Атасына укытырмын әле, төшке ашка кайткач, бәлки, ул беләдер.
   – И-и, монда аңласы бармыни инде. Себердән баеп кайткан кешеләр дөнҗасы белән. Шатлан, күршекәем, шатлан! Аллаһы теләсә, мине дә буш калдырмас әле! Күрше генә түгел, чыбык очы булса да туган тиешле бер ятим карчык!
 Ярты көн дигәндә, Байрасның баеп кайтуы турындагы хәбәр авылны җиде мәртәбә урап чыкты. Кемдер сөенде, кемдер көенде. Кемдер тиешле органнарга хәбәр итәргә кирәклеге турында уйланды.
Бер атнадан Байрас үтә дә чибәр кыз белән кайтып төште. Исеме кем дисезме? Гәүһәр! Элемтә бүлегендә татар хәрефләре белән язып булмагач, кәләшенең исемен урысчага тәрҗемә итеп язган булган икән. Менә сиңа, драгоценный камень! Менә сиңа, асылташ! Менә сиңа, Гәүһәр!
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 9 август 2022 - 23:11
    Без имени
    Кем нэрсэ язасы килэ шуны яза, без укыйбыз вахыт эрэм итеп
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4385
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12864
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2717
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10843
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13428
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда