Җырым бар...

Җырым бар...
Бу гөлләрне сиңа бүләк итәм,

Искә төшсен җәйге болыннар...

Һәр кешенең нәни йөрәгендә

Олы мәхәббәткә урын бар...

Күңелемдә сиңа багышланган,

Сиңа гына дигән җырым бар...

Айсылуга

– Синең исемеңнең баш хәрефе

Эйфель башнясына охшаган...

– Ышанам...

 

– Синең исемеңнең баш хәрефен

Әйтеп Америка ачканнар...

– Ачкан бар...

 

– Андромеда синең өчен яна,

Күктәге Ай балкый тик сиңа.

Зур дәрьяның дәрьялары булган

Горур, шаулы Атлантик сиңа...

– Ник миңа?..

 

– Алмагачлар: «Син!» –

дип чәчәк ата,

Аккошлар да сине эзлиләр.

Ак күңелле батыр ак егетләр

«Аһ!» димичә бер дә түзмиләр...

– Күзлиләр?!

 

– Дөньядагы бөтен кыйтгалар да*

Синең исем белән башлана.

Кай тарафка уем юнәлсә дә,

Синең исем күзгә ташлана...

– Ташлама...

 

 

Сагыну җыры

Утлы сөю хисләремне

Көмеш җептәй сапладым.

Ак болытка хатлар яздым,

Акты-китте хатларым.


Кояш нурларына төреп,

Сиңа сәлам җибәрдем.

Ул офыкка батты-китте,

Йөзгә төнге җил бәрде.

 

Ай нурына каләм манып,

Сиңа шигырь юлладым.

Аем гына качты-китте,

Таң атарга – бер адым.


...Җил артыннан хат юлладым,

Очты-китте хатларым...

Иң-иң кайнар хисләремне

Күрешүгә сакладым...

 

Әйдә, мин көтүче булам...

Әйдә, мин көтүче булам,

Китәбез тауга карап.

Елмаеп көн каршыларсың,

Җилдә чәчеңне тарап.

 

Иртә таңнан мин көтүдә,

Син учакта калырсың.

Тирмәбезнең тирәләрен

Үз кулыңа алырсың.

 

Кич җиткәндә мин кайтырмын

Хуш исле учагыңа.

Ә син килеп сарылырсың

Кайнар киң кочагыма.

 

Мин сине сөеп туялмам,

Назлармын, иркәләрмен...

Эх, синең көдрә чәчләрең,

Чәчтәге тәңкәләрең...

 

...Күпме янсаң, тартышсаң да,

Булмый тормышка ярап...

Әйдә, мин көтүче булам,

Китәбез тауга карап...

 

 

Туй көнендә

Син минем бәхетем – мәңгелек,

Син ышан: сөюем мәңге нык.

Мин чабам яныңа... юк, очам –

Күзләрең бәхетле һәм уйчан.

 

Ыргылам һаваданмы? Судан?..

Бу җиргә син миңа дип туган.

Син мәңге минеке, минеке!

Без икәү күкнеке? Җирнеке?..

 

Барыбер анысы, бәхетем...

Мин сине сөюдән аһ иттем.

Мәхәббәт йөрәгем түрендә,

Син һәм мин ак бәхет үрендә.

 

Хыяллар сафтан саф, ак кына,

Елмаеп, шатланыр чак кына.

Сөенеч яшьләре күзеңдә,

Ак бәхет син бүген үзең дә!..

 

* * *

Ләйсән яңгыр тамчылары

Тәрәзләрне үбәләрме?

Яңгыратып түбәләрне

Яңгыр ява, яңгыр коя.

Җылы имән куышында

Без икебез корган оя...

 

Улым

Улым уйный. Мөлдерәпләр карыйм.

Әйтә алмый торам сүземне.

Улымда мин күргән кебек булам

Балачакны, нәни үземне.

 

Бишектәге бишкә төрләнә, ди,

Һәр көн саен ачам яңалык. –

Бүген миңа улым күзе белән

Дәү әнием көлеп карады.

 

Үзгәрешләр булып кына тора,

Бик тә якын җаннар арасы. –

Күңелемне сискәндереп куйды

Әниемнең уйчан карашы.

 

Дәү әтием сынап карый кебек,

Әтиемме миңа күз ача...

Улым йөзе белән балкып алды

Нәселдәге туган-тумача.

 

Улым булып әби, бабасы да,

Әнисе дә миңа күз сала.

Буыннарны, нәселләрне бәйли,

Якынайта икән ул бала.

 

Күңелемнең гөле – бала, диләр,

Күзнең нуры, бәгырь җимеше.

Ике җанны киләчәккә илткән

Йөз аклыгы, йөрәк тибеше!

 


Мин сине сагындым

Мин сине сагындым

Шулкадәр.

Бик озын һәм ерак

Юл кадәр.

 

Мин сине сагындым,

Белсәңче.

Бу төндә төшемә

Керсәңче.

 

Мин сине сагындым.

Син дәме?

Бар уең, күңелең

Миндәме?

 

Мин сине сагындым...

Мин тоям –

Син калган тарафка

Ак айдан

Нур коям...

 

* * *

Көн үтә, көн бара, көн чаба –

Вакытны тыярга чама юк.

Һәр мизгел, һәр минут, һәр сәгать

Мәхәббәт утында янаек.

 

Бер тамчы гомергә сыйсын ул

Бәхете, сөюе, шатлыгы.

Күңелгә керсен дә урнашсын

Дөньяның сафлыгы, аклыгы.

 

Кадерлем, матурым, җимешем,

Сөюне тыярга чама юк.

Кулларны кулларга куйыйк та,

Бәхетнең без үзен табаек!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7412
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4518
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    5270
    0
    40
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    3004
    4
    37
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9832
    7
    35
Реклама
Соңгы комментарийлар
  • 2 декабрь 2022 - 11:24
    Без имени
    Көнләшү гөмерлек чир ул.Көнчел кешенең фантазияседә бик бай.Үзе уйлап чыгарган уйдырмаларына ышанып хатын-кыздан көнләшеп яшиләр алар.Минем баштан үтте инде,әледә үтә.Инде яшедә бара бит.
    Үтмә, гомер, заяга!
  • 2 декабрь 2022 - 13:15
    Без имени
    Шулай кылына башлаганнар иде..мин просто алар Килер алдыннан ойдэн баламны ала идем Дэ чыгып ыза идем .. берседэ каршы очрадылар ..типо не знакомые люди уздымда киттем дэшмэдемдэ
    Иремнең туганнары...
  • 2 декабрь 2022 - 19:55
    Без имени
    Елый елый укыдым әби белән бабай өчен шатландым гел шулай кешеләр бер берсен тапсыннар иде
    Әти өйләнә
  • 2 декабрь 2022 - 22:58
    Без имени
    Мин тормыш кургэн кеше буларак язам.Мондый хэллэрне мин дэ курдем. Кайнанам 5 ел безнен 1 булмэле малосемейкада яшэде безнен белэн. Узебез 4эу(2 бала), ул килэ кыш чыгарга, авылда ягарга утыны юк,газ кермэгэн. Октябрь аенда килэ, апрель азагында кайтып китэ. 60 яше дэ тулмаган"карчык". Кызы да шэхэрдэ 2 булмэле кв.да яши, юк,менэ бездэ ятарга кирэк малай белэн киленне саклап. Хэзер узем дэ шаккатам, ничек тузгэнмендер. Менэ безне энилэр сабыр итегез, тузегез дип устерделэр, аларга каршы бара алмадык. Хэзер булсамы? Малае белэн икесен авылга жибэрер идем, бергэлэп яшэгез дип. Эле энилэренен хэлен белергэ кияулэр,кызлар килэ шунда. Туз дип язган кешелэргэ эйтэсем килэ:узегез яшэп карадыгызмы шулай,туздегезме? Аны эйтуе жинел туз дип. Менэ шул тузгэнгэ курэ, пенсиягэ чыкмас борын чирдэн баш чыкмый. Тузмэ ,сенелем,иренэ ультиматум куй, я туганнарын,я мин диген.Я алар килеп керугэ чыгып кит. 1-2 тапкыр койлэп карасын ,аннан белер.Узе ук не рад будет, урысча эйткэндэ.
    Иремнең туганнары...
  • 2 декабрь 2022 - 22:12
    Без имени
    Эйе. Доньялар узгэрде. Эти-эни дип улеп торган буын картаеп бара. Картайгач ,балалар карар эле , дигэн омет юк дэрэжэсендэ. Барыбыз да ,авырып озак ятарга язмасын, дип телибез аллаха тэгалэдэн. Э балаларнын шундый булып усулэрендэ жэмгыятьне генэ гаеплэп калдыру дорес микэн? Бэлки менэ узебез гаепледер. Аларга булсын, алар интекмэсен диеп устеру узе ук дорес тугел бит. Хезмэт тэрбиясе юк, эхлак тэрбиясе дигэн тошенчэ, гомумэн дэ, онытылды. Уйланырлык хэллэр бу...
    Без бернәрсә тиеш түгел
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда