Парым минем әле хыял

«Саклар идең, яклар идең син дә!», -
Дисез миңа, үз парым булса.
Әйе, шулай: яклар, саклар идем -
Кирәк чакта иңнәрен куйса.
Чын хәзинәм итер идем аны,
Тик ятларны кыерсытмыйча.
Гаиләнең хисен беркайчан да,
Эш хәлләре белән кушмыйча.
Ул тургаем булыр иде иртән,
Кояш булыр иде язмышта.
Үз көчемә генә таянмыйчан,
Яшәр идем аның янында.
Аңа диеп шигырь языр идем,
Дуслар салыр иде җырларга.
Тик әлегә, әйе тик әлегә,
Хыялларым минем җырларда.

Фото: https://pixabay.com

Следите за самым важным и интересным в Telegram-каналеТатмедиа