Коелыплар төште ике канат...

Нәҗибә САФИНА: Чорыбызның  ике олуг шагыйре, куш тирәктә пар былбыл булып сайраган ике дус — Мөдәррис Әгъләм һәм Зөлфәт вафатыннан соң.


Мөдәррис Әгъләмгә

Ә таң атты…
Бүген таңда уяндыңмы, әйтче, —
Син күрдеңме кара болытларны?
Таң кызлары шәмнәр тотып йөрде,
Караңгылык йотты ул нурларны.

Әй, болганды болыт ачуыннан,
Күктә котырынып ташкын ташты.
Ташкыннарны өзеп-өзеп алып,
Көз җилләре җиргә карлар атты.

Ә таң атты. Атмый каламыни!
Атты, әмма алсуланмый гына.
Кояш карап торды шул хәлләргә
Мәгърур гына, ачуланмый гына.

Һәм көн туды. Кара сыннар — кара,
Аклары — ак, сорылары — соры.
Таңны аттырмаслык хәлләр белән
Тагы күзгә килеп керде чоры.

Бүген таңда уянмадың, бәгърем?! —
Әллә күрми калдың син шуларны?
Җиргә ятып эчте көз җилләре
Күз яшьләре диеп шул суларны.

Яңа таңда кабереңә килдем…
«Тыныч йокла, бәгърем», — дигән идем,
Үз хәлемне үзем генә белдем…
 


* * *

Ашкындың, —
Дөнья ташкынын
Җаның аша үткәрдең.
Хәсрәтләрне син елмаеп,
Иңнәреңә күтәрдең…

Күтәрдең, күрегез диеп,
Игелекле затларны, —
Яшен кеби яшьнәп узган
Изге бөек чакларны…

Яшьлек, мәхәббәт,
Яр дидең, —
Болар өчен коллык юк.
Яндырам дип шашып килгән
Афәт-утка юллык юк.

Яшьлек, мәхәббәт,
Яр китми, —
Алар шигырьгә иңә.
Үлем юк шагыйрь сүзенә,
Ул сүз үлемне җиңә.

Һәм…
Гасырлар аша кабат
Кабына шагыйрь җаны.
Шагыйрьле гасырлар бөек —
Күтәрә тарих данын.



Зөлфәткә

Сандугач тамак кырган мәл

Таңда торып шигырь яз син, дустым,
Таң нурлары сеңәр фигылеңә.
Таң туганда гына була торган
Илаһилык сеңәр шигыреңә.

Яфраклар да селкенмәслек тынлык.
Уянуы сары сандугачның.
Тамак кырып тәүге өн салуы
Керфек сирпеп канат кагынгачтын,
Ирешер дә килеп синең җанга,
Илаһи гамь тулыр синең аңга,

Җаның кушылып җырлар сандугачка,
Күз нурларың сибелер алсу таңга.
Көнче кошлар көлеп җибәрерләр:
«Шул да буламыни җыру?» — диеп,
Сандугач бит сары һәм кечкенә,
Без зур, матур, чырру-чырру», — диеп.

«Иң сөйкемле тавыш миндә!» — диеп,
Бар көченә аваз салыр карга.
Егылып төшә язып очып китәр,
Бу тирәктә кара мәче барга.

Җил әлегә, барыбер, эшкә чыкмас,
Таң нурлары яфрак саен кунар.
Яфрак асларында дер калтырап,
Яңа туган чебен-черки туңар.

Яфрак җепләренә чык җыелыр,
Энҗе булып ялтырарлар тәмам.
Алар да бер әйтер калтыранып:
«Их, каласы иде… тамам, тамам…»

Сандугачны куар чибәр кошлар,
Комачаулама, дип, безнең хорга.
Куылабызмыни бу дөньядан
җырлый белмәгәнгә, урын тарга?

Таңда торып шигырь укы, дустым,
Сине тыңлар затлар тын торырлар.
Сандугач ул хорны боза, диеп,
Көнче кошлар гына котырырлар.

Керфек очларыңа чык җыелыр.
Энҗе булып ялтырарлар тәмам.
«Яшисе лә! — диеп сыгылырсың, —
Гомер бетеп бара, җиргә тамам…»

Таң туганчы тор син, җырчы дустым! —
Төн кошлары юкка уһылдамый.
Барлый алар җырчы сандугачны:
«Уянганмы шагыйрь, һушындамы?»
 

* * * 

Дустың китте, —
Сыңар канат белән
Очалмаган коштай талпындың.
Син дә киттең, —
Белмәдеңме шуны — 
Син бит, шагыйрь,
милләт иңендәге
бер канаты идең халкыңның…

Йөрәгеңне синең
Былбыл чакты.
Еланны да хәтта сайраттың.
Былбыллы да, зәһәр еланлы да
Шушы җирне ничек яраттың!

Каләмеңнән фәкать сөю тамды.
Каләмеңнән тамды гүзәллек.
Сабырлыклар телим милләтемә 
Синең китүеңә түзәрлек.


* * * 

Китте,
Коелыплар төште
Милләт иңендәге 
                ике канат.
Яра урыннары 
              тора канап…

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кайгыда да, шатлыкта да бергә без Мин иң бәхетле хатын идем. Яраткан ирем, кызыбыз туды. Әмма Аллаһы Тәгалә безгә сынау әзерләгән булган икән. Ирем түзәр микән дигән сорау белән башланды һәр көнем ул вакытта...
    16706
    3
    105
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    5480
    7
    57
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    4925
    3
    44
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3802
    0
    39
  • «Ә мәхәббәт гомерләрдән озын...» Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргавен кызы Асия белән Мәрьямне күрерсең... Аларга миннән сәлам әйт!»
    3498
    0
    37
Реклама
Реклама
Соңгы комментарийлар
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
    «Иреңне берәүгә дә бирмә!»
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
    «Иреңне берәүгә дә бирмә!»
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
    «Иреңне берәүгә дә бирмә!»
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
    «Иреңне берәүгә дә бирмә!»
  • 23 ноябрь 2022 - 18:41
    Без имени
    Хатыннар ирлэрне кичерерхэ тиешме!
    Мин хыянәт иттем... 
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда