Һиндстан серләре

2017 елның 5 сентябрендә Василий Аксенов йортында рәссам Виктория Егорованың шәхси күргәзмәсе ачылды.

Атаклы рәссам Мадияр Хаҗиевның шәкерте Виктория исемен моннан берничә ел элек еш телгә ала башладылар. Кыска гына вакыт эчендә ул билгеле авторга әйләнде, республика, Бөтенроссия, халыкара конкурсларда катнашып, картиналары җиңү яулады. Викториянең эшләре Германия, Финляндия, Франция, Англия, Россия музейларында һәм шәхси коллекцияләрендә саклана.

Рәссамның үз стиле бар, анда остазы Мадияр Хаҗиев төсмерләрен дә танып була. Әмма Виктория үз юлын тапкан, ул һаман камиллеккә омтыла.
Викториянең Һиндстаны – ул фәлсәфә, рух дөньясы. Картиналарында тасвирланган кешеләр, ничә яшьтә, кайсы җенестән булуларына карамастан, тирән акыл ияләре булып күренәләр. Аның нечкә, нәфис, үтә күренмәле аквареленнән Шәрыкның хуш исләре аңкып тора, изге Ганг елгасының тәэсир көче сизелә, халыкның авыр көнкүреше шәйләнә.
Виктория сәнгатьнең төрле өлкәләрендә эшли: ландшафт дизайны, флористика, монументаль дивар рәсемнәре. Һәм һәркайсында сынлы сәнгатьтәге тәҗрибәсе, күнекмәләре булыша: композиция төзегәндә дә, төсләр ритмында да, аларның контрастында һәм гармониясендә дә... 

Татарстанның яшь рәссамының эшләре, башка яшәеш билгесе, Һиндстанны яңача ачу, аңа үзенчә якын килү рәвешендә, заманның динамик чынбарлыгын баеталар. Матур, ачык төсләре белән күз явын алып, әлеге картиналар җанны иркәли, рәхәт бер халәткә кертеп, тынычландыра.

Виктория әсәрләренең экспозициясе рәссамның киңкырлы талант икәнен ача. Акварель, майлы буяулар белән язылган картиналар күргәзмәне яктыртып, бизәп тора.

Күргәзмәгә рәхим итегез!
Адресы: Казан, К. Маркс урамы, 55/31 нче йорт.
Белешмәләр өчен телефон: +7 (238-62-32)       

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8199
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2487
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4793
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3902
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4362
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда