Балык шулпалары

БАЛЫК ШУЛПАСЫ.
Иң элек алабуга, юртыш, комкорсак, ташбаш кебек вак балыкларны яхшылап чистартыгыз. Аларны сулы кәстрүлгә салып, таралып бетмәслек итеп, салмак кына утта пешерегез. Ул арада зур балыкны да әрчеп куегыз.
Вак балыклар пешкәннән соң, шулпаны сөзеп алыгыз һәм бер баш суган белән эре балыкны салып яңадан кайнатыгыз. Анысы пешкәч, вак балыкларны кәстрүлгә бушатып, бер лимон суы сыгып салыгыз. Аннары барысын бергә кабат кайнатып чыгарыгыз.
БАЛЫК БАШЛАРЫННАН ПЕШЕРЕЛГӘН АШ.
Яхшылап юылган балык башларын кичтән суга салып калдырыгыз.
Әчегән кәбестә белән туралган башлы суганны көнбагыш маенда кыздырып алыгыз. Аннан соң балык башларын кәбестә катнашмасы белән бергә сулы чуенга салып утка утыртыгыз. Кайнап чыгып бераз тоткач, бер кашык он салып болгатыгыз да, лавр яфрагы, борыч, кыздырылган суган өстәп мичкә утыртыгыз.
КҮЛ ЧАБАГЫ АШЫ.
Суы саркытылган әчегән кәбестәне-суган белән бергә сулы чуенга салып мичкә утыртыгыз. Ашарга бер сәгать кала, чуенга чистартып туралган күл чабагы, майга буталган бер кашык он, 2-3 лавр яфрагы, борыч, кыздырылган суган өстәп кабаттан җылы мичкә куегыз. Ташып китмәсен өчен карап торырга онытмагыз.
БАЛЫКТАН ӘЗЕРЛӘНГӘН ИКЕНЧЕ АШ.
Чистартып юылган судак белән җәен балыгын өлешләп кискәләгез. Тоз сипкәч, икешәр кат итеп (судак, җәен) бер-берсенә шырпы белән беркетегез дә, майлы табага тезеп мичкә куегыз. Пешеп җитәр алдыннан өстенә соус сибегез. Әзер балыкны пешкән бәрәңге һәм лимон кисәге белән табынга куегыз.
КАЙМАКТА ТОМАЛАП ПЕШЕРЕЛГӘН ТАБАН БАЛЫГЫ.
Башы һәм койрыгы киселгән балыкны чистартып тозлагыз. Аннан соң он сибеп ике ягын да Табада кыздырыгыз.
Кәстрүлгә салып өстенә бераз су, 1-2 данә канәфер, бер чеметем төелгән мөшкәт чикләвеге, 2 борчак хуш исле борыч салып сүрән утта 20 минут парландырып пешерегез.
Әзер булыр алдыннан, каймак сибеп,, кабаттан җылытып алыгыз.
Соус белән укроп сибеп балыкны табынга куегыз.
КЫЗДЫРЫЛГАН ҖӘЕН БАЛЫГЫ.
Балыкның сөяксез җирен турап тозлагыз. Онда әвәләгәннән соң, алтынсу төскә кергәнче майлы табада ике яклатып кыздырыгыз.
Аннары тәлинкәләргә салыгыз да, яшел тәмләткечләр, матурлап киселгән кишер, суган белән бизәгез. Әзер балыкны бәрәңге һәм яшелчә салаты белән табынга куегыз.
Иң элек алабуга, юртыш, комкорсак, ташбаш кебек вак балыкларны яхшылап чистартыгыз. Аларны сулы кәстрүлгә салып, таралып бетмәслек итеп, салмак кына утта пешерегез. Ул арада зур балыкны да әрчеп куегыз.
Вак балыклар пешкәннән соң, шулпаны сөзеп алыгыз һәм бер баш суган белән эре балыкны салып яңадан кайнатыгыз. Анысы пешкәч, вак балыкларны кәстрүлгә бушатып, бер лимон суы сыгып салыгыз. Аннары барысын бергә кабат кайнатып чыгарыгыз.
БАЛЫК БАШЛАРЫННАН ПЕШЕРЕЛГӘН АШ.
Яхшылап юылган балык башларын кичтән суга салып калдырыгыз.
Әчегән кәбестә белән туралган башлы суганны көнбагыш маенда кыздырып алыгыз. Аннан соң балык башларын кәбестә катнашмасы белән бергә сулы чуенга салып утка утыртыгыз. Кайнап чыгып бераз тоткач, бер кашык он салып болгатыгыз да, лавр яфрагы, борыч, кыздырылган суган өстәп мичкә утыртыгыз.
КҮЛ ЧАБАГЫ АШЫ.
Суы саркытылган әчегән кәбестәне-суган белән бергә сулы чуенга салып мичкә утыртыгыз. Ашарга бер сәгать кала, чуенга чистартып туралган күл чабагы, майга буталган бер кашык он, 2-3 лавр яфрагы, борыч, кыздырылган суган өстәп кабаттан җылы мичкә куегыз. Ташып китмәсен өчен карап торырга онытмагыз.
БАЛЫКТАН ӘЗЕРЛӘНГӘН ИКЕНЧЕ АШ.
Чистартып юылган судак белән җәен балыгын өлешләп кискәләгез. Тоз сипкәч, икешәр кат итеп (судак, җәен) бер-берсенә шырпы белән беркетегез дә, майлы табага тезеп мичкә куегыз. Пешеп җитәр алдыннан өстенә соус сибегез. Әзер балыкны пешкән бәрәңге һәм лимон кисәге белән табынга куегыз.
КАЙМАКТА ТОМАЛАП ПЕШЕРЕЛГӘН ТАБАН БАЛЫГЫ.
Башы һәм койрыгы киселгән балыкны чистартып тозлагыз. Аннан соң он сибеп ике ягын да Табада кыздырыгыз.
Кәстрүлгә салып өстенә бераз су, 1-2 данә канәфер, бер чеметем төелгән мөшкәт чикләвеге, 2 борчак хуш исле борыч салып сүрән утта 20 минут парландырып пешерегез.
Әзер булыр алдыннан, каймак сибеп,, кабаттан җылытып алыгыз.
Соус белән укроп сибеп балыкны табынга куегыз.
КЫЗДЫРЫЛГАН ҖӘЕН БАЛЫГЫ.
Балыкның сөяксез җирен турап тозлагыз. Онда әвәләгәннән соң, алтынсу төскә кергәнче майлы табада ике яклатып кыздырыгыз.
Аннары тәлинкәләргә салыгыз да, яшел тәмләткечләр, матурлап киселгән кишер, суган белән бизәгез. Әзер балыкны бәрәңге һәм яшелчә салаты белән табынга куегыз.
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа.
-
Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
-
Алсу тәрәзә Хикәя
-
Сабырлык чиге 2 Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
-
Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
Соңгы комментарийлар
-
7 февраль 2023 - 10:21Без имениБик зур рэхмэт сезгэ, эйбэтлэп анлаткансыз. Хэзер сезнен рецепт буенча камыр куям эле.Төче камыр рецепты
-
7 февраль 2023 - 06:25Без имениКарыйсы килэ башлады инде. Бу эсэрне укыганым бар иде.Бала бишеге тибрәнүендә – чиркәү чаңы
-
3 февраль 2023 - 09:19Без имениРушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!Үләнче
-
4 февраль 2023 - 13:37Без имениГомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшикСабырлык чиге 5
-
3 февраль 2023 - 09:42Без имениИе ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде«Йөремсәк» хатын
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.