«Земский докторлар»

Ике атналык отпускыбызны авылда икәү генә үткәрәбез дип сеңлем Рита белән алдан ук планлаштырып куйдык. Гаиләдән, балалардан башка гына. Әйтерсең, балалыкка кайтабыз! Әйтерсең, әти белән әни көтеп тора!.. Югыйсә беләбез бит инде ялгыз өйгә кайтып керәсебезне. Йөрелмәгәч, ишегалдын үлән басып киткәнен дә... Сирәк кайтылгач, бәрәңге бакчасын чүп күмеп киткәнен дә... (Анда әле кабак, кишер, чөгендер, суган да утырткан булдык!) 

Ә хыял әллә кайларга оча!.. Урманга гөмбәгә барырбыз. Аккошлар кайта торган Баян күлләре тирәсеннән урарбыз. Яркәйгә барып кайтырбыз. Актанышка төшәрбез. Үзебезнең бакчадагы колонка суыннан чәй кайнатырбыз. Әни кебек яңгыр суларын җыеп керләр юып эләрбез. Каен себеркесен пешереп мунчада чабынырбыз... 

...И ямьле соң безнең ишегалды! Розалар, маргариткалар, бәрхет чәчәкләр каршы ала. Баш әйләнерлек саф һава... Бәрәңге бакчасына тоташкан Сөн култыгы сәламли... Без кайтканны көтеп кенә торган кебек, Маратларның җирән песие кереп җитә, сырпаланып ашарга сорый. Сыр кисәген теләр-теләмәс кенә капкан арада соры песи күренә. Ырылдашып, территория бүлешеп алалар. Кич керпебез ауга чыгар... 

Күршебез Луиза хәл-әхвәл сорашырга керә. «Тизрәк кайтыгыз! Чияләр пеште! Сезне көтәләр!» – дип язып, көньяк бакчаларындагы кебек койма аша урамга ук сыгылып төшкән кызыл-кучкыл чияләребезне фотога төшереп җибәреп, ымсындырып куйган иде инде ул. 

– И кыярның күплеге быел! Кая куярга белгән юк. Ашагыз әле. Тозлап куйсагыз да була, – дип, Луиза бер табак кыярны баскычка куя. 

...Шушы көннәрдә Югары оч Разияттәйнең юбилее булган икән – 90 яшь тулган! Министр Разиясы дип йөртәләр үзен. Ире мәрхүм Миркасыйм абый Министр кушаматлы булгач соң! (Ул кушамат балаларына да күчте – министр балалары дип кенә җибәрәләр аларны. Ә авылда Миркасыймнар берничә иде, һәрберсенең үз кушаматы...) Разия апаның каз маенда пешкән тәбикмәкләре, шомырт вареньелары телеңне йотарлык була иде. Шул балачак хатирәләренә төренеп, котларга йөгердек. Ярып, ярмалы яшь бәрәңге пешергәннәр!.. Үзләре оеткан катык – өстәлдә... Разияттәй – оныгының улын сөя... Ниндидер тынычлык, муллык, рәхәтлек бөркелә ул өйдә. Көтү кайтыр алдыннан гына үзебезгә кайттык. Чия җыярга чыктык. Артыбыздан бастырып ук диярлек кызы Әлфия – министр Әлфиясе сәпиттә килеп җитте. «Әнкәй ачулана, күчтәнәч тә биреп җибәрмәдек, ди...» – дип сөйләнә-сөйләнә, олы пакетын бушата башлады. Йә Хода! Ниләр генә юк! Кәбестә, кишер, суган, бәрәңге, йомырка... Тагын кыяр!.. 

...Ә без чия җыябыз һаман. «Әлфия, алып кит, зинһар! Бәлки, иртәгә чия җыярга килерсең?» 

...Икенче көнне Түбән очтан – Ахун очыннан ук – Рузалия апа килеп җиткән. 

– Кайткансыз икән. Күренмисез дә... Ипи салдым. Чәйгә килеп китегез. Чәчәкләремне дә күрерсез, – ди. Өстәлгә мәтрүшкә, бөтнек, чабыр үләннәрен тезеп сала, ташкабагын чыгара. Һәм...тагын кыярлар!.. 

Ай күп тә булган быел чия! Чиләкләп җыябыз. Кибеткә песокка йөгерәбез. Чия вареньесы өчен банкалар җитми башлады инде. Сәлимә апаларның чиясе юк бугай. Чакырырга кирәк аны! Үзебез аны көткән арада тагын чия җыярга чыгабыз. Әһә! Капка төбенә бер сәпит туктады... Сәлимә апаның бейсболкасы күренде! Төянгән, тутырынган. 

– Үзебезнең тавык. Аш пешереп ашагыз әле, яме, – ди. Монысы – чәй эчәргә балан бәлеше. Кызлар, мондый озын кыярларны күргәнегез бар идеме? Тәмле алар!.. 

 Кыяр сүзен ишетүгә, пырх итеп көлеп җибәрәбез. «Без земский докторлардан ким түгел! Ашарга китереп, сыйлап кына торалар монда!» – ди Рита. Ә мин үзебезне аштан-ашка йөрүче абыстайларга тиңлим. Көн саен берәрсе кунакка чакырып торгач ни! 

Компот ябаргамы, варенье кайнатыргамы, морозильникта катырыргамы? Чиянең файдасы турында сөйләшә-сөйләшә чиләкне тутырабыз. 

Ул арада Луиза керә. 

– Уф, өмә ясадык, тавыкларны урнаштырып кына бетерәсе калды. Бер-икесен сезнең суыткычка кертсәм... Урын булыр бит? Ә монысы сезгә бәләкәй генә күчтәнәч... Авыл тавыгының тәме бөтенләй башка бит аның! – ди ул. 

Аны чия җыярга кыстап тормыйбыз: бакчалары тулы чия! 

Машинасы белән Ританың сабакташы Рафис килеп туктады. Шул, күрше министр Рафисы инде. Агыйделдән балык тотып кайткан. Борын очыгыз кычыткандыр, дип табан балыклары кертә. «Балык чистарткач, чия җыярга киләм», – ди, рәхмәт яугыры! 

...Инде холодильниклар да тулды чия банкалары белән. Чия җыярга теләүчеләр дә бетте. Китәр көннәр дә якынлашты. Ә чияләр һаман сыгылып утыра... Урманнан урап кайтуга, баскычта – чиләк астында тагын сюрприз көтә иде: кемдер банка белән авыл каймагы калдырып киткән!.. Кем икәнен дә белмәдек тәки – иртүк китәсе идек. 

Безнең авыл халкы шундый инде ул: күчтәнәч кертергә, үзендә булганнан авыз иттерергә, кунакка чакырырга ярата. Уенын-чынын кушып әйтсәк тә, авылга берничә көнгә генә кайтканда да «земский доктор» рәтендә йөрибез шулай. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    8789
    1
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    6354
    3
    55
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4780
    1
    48
  • SOS! Җанымны коткарыгыз! Бу язма – Бөек Ватан сугышы фронтларының алгы сызыгында көн саен үлем белән очрашып та исән-сау әйләнеп кайткан, ләкин гаиләдә икенче сугышка, ир тарафыннан җәбер-золымга эләгеп, дөньядан вакытсыз китеп барган хатын-кыз язмышы турында...
    5175
    1
    40
Реклама
Соңгы комментарийлар
  • 17 май 2021 - 10:17
    Без имени
    Авыр кайгыгызны уртаклашам Илсия усканем. Сезнен барыгызга да Аллах тагалэ сабырлык бирсен.
    Илсөя Бәдретдинова авыр кайгы кичерә
  • 17 май 2021 - 11:08
    Без имени
    Ускэнем, романтиканы уз семьянда да ясарга була. Иренэ карата рахмэтле булырга ойрэн. Узенэ карата кызыксындыру чаралары уйлап тап. Ял кеннэрендэ семья белэн бергэлэп паркка бару,урманга чыгу. Табигаттэ бик матур урыннар бар бит.Балалар да шат булыр,ирен дэ ,узен дэ.Кичен гади булса да матур итеп стэл эзерлэп, шэм яндырып, тыныч музыка куеп,матур итеп киенеп ирен белэн матур кичлэр ясагыз.Иренэ ни телэгэненне кайбер вакытта булса да анлатырга кирэк,такдим итэргэ. Кешенен кадерен бар вакытта белергэ кирэк.Ирегез дэ, узегез дэ ихтирамга лаек кешелэр бит сез. Ихтирамга лаек кешелэр яратуга да лаек.Сез хатын кыз да ,эни кеше дэ. Бер дигэн матур гаилэ.Бер берегезне куандырып матур итеп яшэу чарасын уйлагыз ускэнем.
    Хисләремне ничек йөгәнлим? 
  • 17 май 2021 - 13:42
    Без имени
    Минем кызым да шулай яшәде. 6 елдан соң бала белән ире кышкы салкында куып чыгарды. Соңыннан бик кайтарасы килде җибәрмәдем. Кабат кияүгә чыкты. Бусы кояшым дип кенә тора .3 кызлары бар хәзер.Ә теге ире өйләнсә дә бер хатын белән дә тора алмады. Кызыгыз бәхетен табар. Чир китә гадәт китми ул. Кире кайта күрмәсен.
    Дөньям җимерек 
  • 17 май 2021 - 15:09
    Без имени
    Их, кешегә киңәш бирүе җайлы да ул.... Притчасы да бик акыллы. Ә менә башка төшсә, акыллы сүз киңәшне үтәве кыен шул
    Син кем: кишер, йомырка яки кәһвә?
  • 17 май 2021 - 15:14
    Без имени
    Гаилэ тормышы таркалуда,хэрбер гыйбрэтне курсэткэндэ,рэхэт яшэгэн хатыннарыбыз хавалана,мактана."Ирлэрне ир иткэн дэ,хур иткэн дэ хатын.Койгэ килми торган ир булмый,акыл белэн ,койлэп яшэргэ кирэк",дип акыл сатарга ярата.Сезгэ Аллахе Тэгалэ тарафыннан бирелгэн язмыш булэген узегезнен тэрбия дип уйлыйсыз,сез акыллы булгач,тормыш майлаган кебек бара,дип хаваланасыз.Юк,мен тапкыр юк!!!Сезнен ирегезне бала вакыттан ук,акыллы эти-эни ,узлэре урнэгендэ дорес итеп тэрбиялэгэннэр.Бу сезнен заслуга тугел,кайната-кайнанагызга рэхмэт укып яшэгез,алар заслугасы,алар тэрбиясе.Сезгэ отышлы лотерея билеты элэккэн,авызыгызны йомыгыз.Менэ сез шушы язмадагы иргэ барыгыз да,акыл белэн,зирэклек белэн кеше ясагыз,шул вакытта,мин сезнен дорес кеше булып,матур сузлэр сойлэп утыруыгызга бэя бирер идем.
    Дөньям җимерек 
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»