Тумаган килеш балама урын юк

               
(Телефоннан Роза исемле ханым сөйләгән тарих)


  Минем дә үз хәлемне сөйләп үтәсем килә.  Ирем белән өйләнешүебезгә алтынчы ел китте. Моңа кадәр балага уза алмадым. Минем туганнар да, иремнекеләр дә: «Кайчан балагыз була инде?» – дип кызыксынып, төпченеп тордылар. Әйтерсең  балага узу бездән генә тора. Аллаhы Тәгалә бирмәсә, нинди генә табибларда дәваланма, барыбер уза алмыйсың.  Әлбәттә, ирем дә, мин дә тикшеренү уздык.  Бала булмауның сәбәбен генә әйтә алмадылар.
 Менә быел уйламаганда-көтмәгәндә балага узып куйганмын! Ирем дә, әти-әниләрем дә бик шатланды. УЗИ малай күрсәтте. Бала тууга әзерләнә башладык. Фатир арендалап торсак та, яңа обойлар сатып алып ябыштырдык. Бала тумас борын, яңа әйберләр алырга ярамый, диләр. Мин хорафатларга ышанмыйм. Бала коляскасын да, киемнәрне дә алып куйдык.
 Ирем хезмәт хакын яхшы алып эшләсә дә, ипотека белән бәйләнәсебез килмәде. Аның каравы, рәхәтләнеп чит илләргә йөрибез,  икебездә дә чит ил машинасы. Алайга китсә, минем әти-әни дә, кайнана-кайната да аерым фатирларда яши. Алар бит гомерлеккә килмәгән. Фатирлары безгә каласы.
  Бала туарга да бер айлап вакыт калып бара.  Кичә хәлемне белергә әнием килде. Икәүләшеп чәй эчкәндә: «Балагызны кайда пропискага кертәсез?» – дип сорап куйды. Дөресен әйткәндә, бу сорау тугыз ай буе башыма килеп тә карамаган иде әле. Мин әни белән әти яшәгән фатирда пропискада, ирем – үз әти-әниләрендә. «Кычытмаган җирне кашып йөрмә әле, әни. Сездә булыр пропискасы»,  – дидем.
 Шул сүзләрдән соң әнине корт чактымыни! Чәбәләнә-чәбәләнә үзенекен тукый: «Безгә пропискага кертергә уйлама да! Бала ясаган атасы бар аның! Без атаң белән пенсиягә чыккач, квартираны сатып, авылда йорт салырга уйлыйбыз. Бала белән квартираны сату авыр булачак, кертмибез баланы пропискага!» – ди. Әлбәттә, бу сүзләрдән соң кәефем кырылды. Минем бит әле апам да бар. Ләкин тормышлары әйбәт, ире фатирында яши. Минем баламның төп фатирда пропискада булуында каршы килмәсләр иде.
  Ирем эштән кайткач хәлне сөйләп бирдем. Ул мине тынычландырырга ашыкты. «Тапкансың борчылыр нәрсә, минем әниләрдә пропискада булыр!» – ди.
  Кайната-кайнаналарым бик хәлле кешеләр. Шәhәр үзәгендә, шәп яңа йортта, өч бүлмәле фатирда яшиләр. Күңелдәге шом юкка чыкты. Болай булса, кайгырасы юк, дип үземне юаттым. Ә беркөн кайнана хәл белергә кереп чыккан иде, теге җанга тынгы бирмәгән теманы да кузгаттык.
 Туачак балабызны пропискага кертергә ниятләвебезне ишеткәч, кайнанам чәчрәп чыкмасынмы! «Нишләп без аны пропискага кертергә тиеш? Розаның әниләре менә дигән фатирда яши. Аерылсагыз, судта йөрисебез юк!» – дип,  каршы килде кайнана.
 Закон буенча, без әби-бабайларның рөхсәтеннән башка да баланы пропискага кертә алабыз. Ләкин аларның шундый мәнәсәбәте мине бик нык рәнҗетте. Инде бер атна әнинең дә, кайнананың да шалтыратуларына җавап бирмим. Минем хәлдә калганнар бармы?  Киңәшләрегезне көтеп калам.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (4)
Cимвол калды:
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
  • 22 сентябрь 2021 - 09:50
    Без имени
    Уз квартирагызны булдырыгыз. Аналарыгызга салынып ятмагыз. Менә сезгә киңәш
  • 22 сентябрь 2021 - 06:58
    Без имени
    Менә сиңа мә... Нигә әзрәк бала турында кайгыртмыйсыз? Сьемный квартирада шул гөмер яшәгәнче ипотека аласы иде дә, рәхәтләнеп торасы иде, әти әнинең үлгәнен көтеп утырганчы. Машина бит ул ел узган саен-бәясе кими, ә квартираның наоборот ел саен бәяме арта гвна тора.
  • 21 сентябрь 2021 - 18:35
    Без имени
    ...телсез калдым. Көтеп алынган оныкка урын юк ((( Хәлегездән килә бит, үзегезгә фатир алыгыз.Арендага акча түләгәнче, ипотекага түлибез, ди, хәзер яшьләр.
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1905
    26
    209
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5741
    2
    81
Реклама
Соңгы комментарийлар
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
  • 20 октябрь 2021 - 07:38
    Без имени
    Менэ шул инде ул,гонахларын очен бу доньяда ук жэзасын алу,балан да,гаилэн дэ юк.Картлыгында берузен каласын.Бу зина кылу дип атала,Раббым,узен сакла балаларыбызны,оныкларыбызны шундый гонахтан!!!
    Көтеп яшәү
  • 20 октябрь 2021 - 08:42
    Без имени
    Аллааа, бигрэк эчтэлекле хикэя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан