Нишләргә, ярату көтеп яшәргәме, әллә...

Кайчан да булса редакциягә хат язып, киңәш сорармын дип уйлаганым юк иде. Тормыш булгач, «беркайчан эшләмәм» дигән эшләрне дә эшләргә туры килә икән. Мине дөрес аңларсыз дип өметләнәм. 
Мин бала көткәнемне Камил белән аерылышкач кына аңладым. Аерылышкач дип, без рәсми рәвештә язылышмаган да идек анысы. Бергә торуыбыз ярты елдан артмады: аның мин күзаллаган кеше түгел икәнен аңларга шул вакыт җитте. Шунда ук араны өзәргә ашыктым. 
Уртак танышлар бала көтүемне аңа да җиткергәннәр – минем бу хакта Камилгә әйтергә уемда да юк иде. Ул шул көнне үк яныма килеп тә җитте. Тагын: «Әйдә, өйләнешәбез! Чык миңа кияүгә!»   – диде. Моңа кадәр дә бер тапкыр тәкъдим ясаган иде инде ул. Мин тагын баш тарттым. Ул исә: «Йә өйләнешәбез, йә мин сине дә, туачак баланы да бар дип тә белмәячәкмен!» – дип ультиматум куйды. Мин икенчесен сайладым... Әти белән әни бу адымымны берничек тә аңларга теләмәде: «Камилнең сиңа нәрсәсе ярамый? Менә дигән чибәр егет. Аннан бит балага әти дә кирәк», – диделәр. Әйе, кирәк, беләм. Тик мин яратмаган кешегә кияүгә чыга алмый идем шул... Дүрт балам булыр, үз йортыбыз белән яшәрбез, өй янында алмагач бакчасы үстерербез, ул язын ап-ак чәчәккә күмелер, ә көзен бөтен өебездән алма исе генә килер дип хыяллана идем. Нишләтәсең, чынга ашмады. 
Дөресен әйтәм, баланы ялгызым гына үстерү мине, әлбәттә, куркытты. Акча ягы түгел, моңа кадәр әйбәт хезмәт хакы алып эшләдем: бераз җыйган акчам бар иде – ул декреттан чыкканчы чынлап та җитте. Аннары әти белән әнинең бердәнбер кызы мин, алар барыбер ташламаячагына да ышандым.  Тик бала өчен җаваплылык бар бит, кайбер мәсьәләләрне хәл иткәндә кемнәндер киңәш сорыйсы килә. Әйтик, нинди балалар бакчасына бирергә аны? Нинди түгәрәкләргә йөртергә? Ул бер сәбәпсез көйсезләнгәндә үзеңне ничек тотарга? Әни кеше балага карата барыбер йомшаграк була – артык иркәләп җибәрмәгәнеңне кайдан белергә?  Ялгыз үстерү дигәннән. Үзем кебек яшь әниләр белән аралашканда бер нәрсәне аңладым: чынлыкта алар да балаларын нәкъ минем кебек ялгыз үстерәләр инде. Сөйләшкәннәрен тыңлап йөрим – бала карашкан  ирләр арада бик сирәк. Күбесе: «Кайта да, интернетта утыра, безнең барлыкны белми дә», – дип зарланалар. Миннән аермалы буларак, алар ирләренә ашарга пешерә дә, аларның артыннан юа-җыя – шул гына. 
Кызымны имезгән вакытта ир-ат турындагы уйлар башыма да кермәде. Минем өчен алар гүя бөтенләй юк иде. Ә бер елдан соң дөньяда бала гына түгел, үзем дә барлыгым исемә төште. Мин бит әле әни генә түгел, хатын-кыз да... 
Айрат белән без балалар поликлиникасында врачка чират торганда таныштык. Ул да кызы белән килгән иде. Ничектер сөйләшеп киттек. Торган урыннарыбыз да бер тирәдә икән. Икенче очрашуда ул хатынының аларны ташлап башка берәүгә киткәнен сөйләде. Беренче мәхәббәтен очраткан да, хисләре кабат кабынган. Инде ул гаиләсендә дә баласы бар икән. «Кызыбызны алып китәргә бик атлыгып тормады. Күрәсең, яңа иренең мөнәсәбәтен сизәргә өлгергән булгандыр. Минем дә баланы аларга бирәсем килмәде. Хәзер тормышыбыз җайланды инде. Әнисен кызым бөтенләй хәтерләми. Алар хәзер башка шәһәрдә торалар – яшь баласы булгач, элеккеге хатыным гел килеп йөри алмый. Килергә бик тырышмый да шикелле», – дип сөйләде ул. 
Безнең балалар да бик дуслаштылар. Айрат та кызымны якын итә. Әмма сүз дә юк, ул барыбер үзенекен күбрәк ярата. Еш кына дүртәү бергә каядыр баргалыйбыз. Әти белән әни дә, дус-ишләр дә: «Айратны кулыңнан ычкындырма, кызыңа бит әти кирәк», – диләр.  
Кирәк тә бит... Әмма мин өзелеп яраткан кешемә генә кияүгә чыгармын дип хыялланган идем. Ә Айратны менә шулай яратам дип әйтә алмыйм. Дөрес, ул якын миңа, кадерле бер кешегә әйләнеп килә. Тик ярату бит ул башка төрле була дип беләм... 
Айратның миңа чын-чынлап тәкъдим ясаганы юк әле. Сүз арасында үзе дә сизмичә: «Бергә тора башлагач...» – дип еш әйткәли анысы. Мин ул сүзләрне, гадәттә, ишетмәмешкә салышам. 
Соңгы көннәрдә күңелемә бер уй тынгы бирми. Ул: «Өйләнешик» – дисә, «мин моңа әзер түгел» дияргә әзерләнгән идем. Хәзер менә икеләнәм. Мин, чынлап та, үзем турында гына уйлап, кызымны әтисез калдырам түгелме? Бала хакына ризалашырга туры килерме икәнни? Аның кызы да миңа бик нык ияләште бит,  анысын да уйламыйча булмый. Кызыма ияреп инде берничә тапкыр: «Әни!» – дип тә дәште.
Барысын да сөйләп чыктым шикелле. Чынлап та, нишләргә икән миңа? Бәлки киңәш бирә алырсыз?
Гөлназ.
Казан. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (4)
Cимвол калды:
  • 18 гыйнвар 2022 - 21:04
    Без имени
    Ничек яхшы ирдән хатын китмәсен, бу киткән хатын нормаль хатын була аламыни, үз баласын бар дип тә белми. Ничек кенә китә әйбәт ирдән хатыннар, ирдән иргә сикереп йөри, мәхәббәт дия, дия...
  • 10 гыйнвар 2022 - 09:41
    Без имени
    Гөлназ, һавадагы торнаны көтәргә кирәкмәс, дияр идем мин. Әйбәт кеше булса, кушылырга кирәк. Баш әйләндергеч мәхәббәт белән өйләнешкән кешеләр барысы да бәхетле микән соң?..
  • 10 гыйнвар 2022 - 09:26
    Без имени
    Гумерең заяға үтәсәк,ҡыҙың үҫеп,үҙенең тормошо,ялгыҙ йәшәүҙәре бик ауыр олоғайғас та
  • 10 гыйнвар 2022 - 08:51
    Без имени
    Мин Бер нэрсэне генэ анламыйм,яратмаган кеше астына ничек ятып була икэн,ул балага этисе барыбер якын була,чит кеше,чит кеше инде.Берэу дэ гомер буе яратышып яшэми,улеп гашыйк булып кавышканнар бигрэк тэ,тора-тора нык гаилэ барлыкка килэ.Баланны яратканда,эгэр мин баламнын атасын очратмаган булсам,бу балам булмаса иде бит дип уйларга кирэк.Эгэр тормыш алып барырга яраксыз кеше булса инде(эчсэ,сугышса)ул вакытта икенче мэсьэлэ.Сез очраткан кешене хатыны ник ташлаган,эйбэт ирдэн хатыннар китми бит.Сезгэ, тормыш итэ башлагач,шундый уйлар килмэсме?
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7362
    0
    78
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    6763
    2
    68
  • Ялгыз торна Коллективта биш кеше, шуларның икесе генә шәһәрдә туып үскән.  Шунсы кызык – коллективта эшләүчеләрнең берсенең дә шәхси тормышы барып чыкмаган: икесе аерылган, ялгыз бала үстерәләр, өчесе бер тапкыр да кияүгә чыгып карамаган кызлар. Җәмилә арада иң олысы...
    3961
    1
    50
  • Кайту Безне ташлап киткән иремнең сөяркәсе шалтыратты...
    5746
    2
    38
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3064
    1
    35
Реклама
Соңгы комментарийлар
  • 21 май 2022 - 08:38
    Без имени
    Бәхетегеҙҙе ебәрмәге ҙ, ҡыҙығыҙ күнер, аңлар һуңлап булһала
    Кызларым каршы булса да, кияүгә чыгаргамы?
  • 21 май 2022 - 08:38
    Без имени
    Йорэгем суга башлады укый башлау бн, мин энием лечение алган да бергэ болницада ятам.. Оендэ ашарына юк шуна ияреп йори ул дие кешелэргэ.. Узе мине инде 2 ел танымый..
    «Әнине картлар йортына урнаштырырга телим!»
  • 22 май 2022 - 16:37
    Без имени
    5 оланын булганчы 1 усырак ирен булсын дилэр картлык турында уйлагыз да сезне анлыйм мин ерэгегезне тонлагыз
    Кызларым каршы булса да, кияүгә чыгаргамы?
  • 22 май 2022 - 10:16
    Без имени
    Ирегезнен урыны ожмахта булсын🙏🏻 Ана тугрылык саклап, ярты гомер яшэгэнсез, сынар канат белэн балалар устереп, аларны олы тормыш юлына бастыргансыз, инде узегез очен яши башлар вакыт, ханым! Бэхетле, яратулы картлык насыйп булсын Сезгэ, чын кунелемнэн телим🙏🏻 Олыгайган конегездэ ялгыз калмавыгызга ирегезнен рухы да шат булыр дип уйлыйм! Бэхетегезне кулдан ычкындырмагыз!
    Кызларым каршы булса да, кияүгә чыгаргамы?
  • 22 май 2022 - 10:24
    Без имени
    Кызлар, матур язасыз, элбэттэ. Но ир-егетлэрне дэ анлагыз. Ул бит сезне, кемнэндер калганны алган, ойлэнгэн. Сезгэ обязательно кемнэндер бала ясатып, кияугэ чыгарга кирэк идеме? Эле гаеплисез, ташлап, аерылып киткэн? Баланы ташлаган? Хурлангандыр, бэлки. Ботен кеше бертосле тугел. Хатын-кыз шулай, торле ир-егетлэр белэн йоклап йорергэ тиеш тугел, бу инде проститутка кебек була бит. Тэртибегезне яхшыртыгыз. Ничек оялмыйча егетне гаеплэргэ? Ботен егетлэр дэ бозау булмыйлар, арасында кэттэ , горур ирлэр дэ очрый, бик аз гына булса да...
    Илдар Беренче
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда