«Лира мырлым»


– Бигрәк озак йөрдең, кызым, салун дигәннәрендә. Кайтканыңны тыным белән тартып алырдай булып көтеп утырам», – дип каршы алды Нурияне Фәрхияттәй.
– И әни, ике сәгать озакмыни, хәзерге хатын-кызлар ярты көннәрен матурлык салонында уздыралар.
– Башкаларда эшем юк, кызым, хет куна калсыннар, тик менә син салунда көязләнеп утырган арада, кияүдән колак кактык бугай!
Нурия әнисенең сүзләрен бик игътибарга алмыйча, ишек төбендәге көзгедә чәчләрен төзәткәли-төзәткәли: «Ничек инде колак кактык? Ул кибеткә барам дигән иде, шунда киткәндер», – дип кенә җаваплады.
Атна-ун көнгә калага кунакка килгән карчык, кызының ул әйткән хәбәргә артык ушы китмәгәненә, пошыргаланып алды. Әйтергәме, юкмы дигәндәй, 85 яшьлек күз карашы белән кызын тагын бер айкап алды.
– Китте, ди, кибеткә… Үз колакларым белән ишетеп тордым телефоннан сөйләшкәнен, ирең сөяркә тапкан! – дип, аяз көнне яшен суктырды.
– Әни, ни сөйлисең, гомергә булмаганны…Алтмышны куганда каян килеп чыксын, ди, ул?..
Бака бакылдап, телчән такылдап туймас дигәндәй, әнисе үзенекен такылдады.
– Син ишекне ябып чыгып киткәнеңә ярты сәгать тә узмады, кияүнең телефоны шылтырады. Миннән шикләнеп тә тормый, кызым, ачыктан-ачык итеп әйтте сөйләшкән кешесенә, Ришат дип дәштеме соң?..
Нурия, тагын ни ишетер инде бу колакларым дигән кыяфәттә, әнисенә текәлде.
Фәрхияттәй, фатирда башка беркем булмаса да, пышылдауга күчте: «Лира песием янына барасым бар», – диде, балам, Фәнәвил кияү теге шылтыраткан бәндәгә.
«Ванна бүлмәсендәге кранны алыштырырга кирәк, кибеткә барып кран аласым бар», – дип, алдашып чыгып киткән буламыни инде? Менә сиңа мә, картайганда тыртайган!» Нурия, кичә генә ярәшкән кыз кебек, кызара башлаганын битен күпме генә әнисеннән яшерергә тырышса да, булдыра алмады.
– Лира песием дип әйттеме? – дип сорады ул, кабатлап.
– Әйе, нәкъ шулай инде, гөнаһ шомлыгы! Лира исемле хатынга ияләшкән булып чыга түгелме? Җитмәсә, песием дип тә өстәп җибәрә бит әле, имансыз! Юк, кызым, песием димәде, мырлым диде бугай… Әйе, Лира мырлым диде.
Әниле-кызлы, кинәт кенә килеп чыккан мәсьәләне ничек итеп чишү юлларын эзләп торганда, зур гына төргәк күтәреп, Фәнәвил үзе кайтып керде.
Нуриянең йөзенә чыккан аптыраулы карашын ул, әлбәттә, игътибарсыз калдырмады.
– Ни булды, хатын? Ни ылтара, ни пылтара – калган ике уртада кебек басып торасың?
– Мин бер дигән басып торам әле, менә син кайда йөрисең? – диде Нурия, иренә салкын караш ташлап.
– Кайда йөрим? Әйттем бит, кран аласы бар дип, «Леруа Мерлен»га бардым. Ришат кордаш мунчага да чакырган иде, шушы кран аркасында баш тартырга туры килде.
Иренең шулай диюенә, фатирдагы бәллүр савытларны зеңләтеп, Нурия көлеп җибәрде. Фәрхияттәй генә: «Ояты качкан икән кияүнең, хатынына да Лира мырлысына барганын ачыктан-ачык сөйләп тора… Тегесе, тиле кеше кебек, авызын ера», – дип, һаман да бернәрсә аңламыйча, басып тора иде...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (4)
Cимвол калды:
  • 2 август 2021 - 09:37
    Без имени
    Карт эби тугел, яшьрэклэр дэ эйтэ дорес эйтеп бетерэ алмый бу кибетнен исемен. Йортка ишеклэр ясатырга заказ бирдек, менеджер белэн энгэмэдэн озек: " у нас все комплектующие из "Лурия Мурло". Гэжэп тугел. Менеджер да шулай дип кенэ жибэргэч,эби "мырлым" дип эйтер дэ эйтеп инде.
  • 2 август 2021 - 09:37
    Без имени
    Их, Эбиии... Элдэ эле киявен тиз кайткан- эгэр дэ мунчага барган булса харап буласы иде...Бик эйбэт бу хикэянен морале- Эбилэргэ анлап бетермэгэн нэрсэлэргэ кысылмый гына кунак булырга...
  • 2 август 2021 - 09:37
    Без имени
    Бик дорес язылган,, эниляр хяр вакыт сакта алар......
  • 2 август 2021 - 09:37
    Без имени
    Люция ханымнын, иж,аты кун.елне яктырта . нур сибэ , шигыйрьме . хикэяме . Бик матур язылган . Шулай , тормыш иткэндэ . ялгыш кына булса да , берэр корт авырттырып тешлэргэ тиеш бит инде ул . Бал корты да . тэмле бал бирсэ дэ . тешли хэм агуын биреп узе юкка чыга . тэндэ шеш кала . Бу тормыш та шулай . Люция ханым , Сезгэ ун,ышлар телим !!!
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9466
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9599
    8
    78
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5280
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4072
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6476
    2
    30
Реклама
Соңгы комментарийлар
  • 31 июль 2021 - 14:13
    Без имени
    Аллаһыга сыенырга кирэк, догалар укырга, дога ярсыган йорэкне тынычландыра ул.
    Ничек онытырга?
  • 31 июль 2021 - 23:11
    Без имени
    3 тапкыр ташлаган нинди кинэш сезгэ. Бер нинди кинэш тэ сезгэ булышмый.
    Ничек онытырга?
  • 31 июль 2021 - 22:51
    Без имени
    Азрак гордость диган айбкр булырга тиеш сина аягын сорткан да сорткан бит и биграк исар булгансын бит.
    Ничек онытырга?
  • 1 август 2021 - 20:56
    Без имени
    Җуләр, нәрсә дип әйтим...
    Ничек онытырга?
  • 1 август 2021 - 21:15
    Без имени
    Ачу кила башлады инде, бер да узенне ихтирам итмисен икан.
    Ничек онытырга?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан