Димләделәр...

Тышта инде XXI гасыр. Интернет һәм нанотехнологияләр заманы. Әмма... Кияүгә чыкмаган хатын-кызлар турында фикер генә үзгәрми: ул һаман да сазаган кыз булып кала. 

Бүген бөтен хатын-кызга да көчле затлар табылып бетми шул. Ун кызга тугыз егет туры килә, дип җырлыйлармы әле? 
Бу мәсьәлә өлкән яшьтәге хатын-кызларны аеруча борчый, бигрәк тә әниләребезнең «ахирәтләренә» тынгылык бирми. Шуңа да ул кайгыртучан түтиләр, җан-фәрман тырышып, яучы хезмәтен үтәп йөри: тизрәк ярдәм кулы сузарга ашыга, әгәр дә мәгәр эш пешсә, гомер бакый аңа рәхмәт әйтеп кенә яшисе кала. 
Апакайларның кияүгә чыкмаган, әмма җиләк кебек өлгереп пешкән кызга лаеклы пар эзләү омтылышын чирәм җирләрне үзләштерү белән генә тиңләп буладыр, мөгаен. Бу кадәр дә көч, дәрт, энтузиазм каян килә аларга – монысы минем өчен әле дә табышмак булып кала. 
Менә ул лаеклы кияү егете, табылды бит! И-и-их! Ул еш кына таныш хатынның иптәш кызының улы булып чыга. «Баскан җирдән ут чыгара тор­ган» әнисе тәрбияләгән 40 яшьлек «малай». Кырык кына булсачы!.. 
Ярар, аллага тапшырдык! Бу очракта әти-әниләргә ялгызың гына яшәү­нең дә кыен түгеллеген аңлатырга тырышу – стенага борчак сибү белән бер. Аларча «хатын-кызның бәхете –
гаиләдә!» һәм вәссәлам. Артык сүз куертып маташасы юк. 

Хуш, сезнеңчә булсын! Бәхетле булып карыйм, дисең дә моңарчы бер тапкыр да күрмәгән кеше белән свиданиегә китәсең.
 Мәхәббәт һәм бәхет турындагы хыяллар кайчан да булса бер тормышка ашарга тиештер бит инде! Берьюлы әллә ничә төрле хис бөтереп ала: драйв, флирт, дулкынлану, маҗара көтү, ниһаять – Ул үзе!.. Романтика шул була түгелме соң инде?! 

Уртакул гына кафе. Сыра мичкәсе кадәр зур корсаклы, аңлаешсыз төс­тәге галстук таккан уртача яшьләр­дәге ир заты. Ярар, боларына бәйләнеп тормыйм, әмма телне тешләп торасы да килми. Күркә кебек кабарган бу «егет» үзен хатын-кызлар өчен менә дигән табыш дип тә исәпли әле. Үзен «фермер» дип шундый итеп таныштырды – бу сүз «АЛЛИГАРХ»тан да ким яңгырамады. Тынлык. Кемлеген ишетүгә үк аяк астына егылып, җирне үбә, гөнаһлы башыма ишелеп төшкән бәхет өчен Ходайга рәхмәтләр яудыра башлар дип көткәндер инде. Хе, көт, хәзер! Егылдым ди менә! Тормыш тәҗрибәм үземнеке дә борыныңа чиертерлек! Мин – Ренессанс рәссам­нарының полотноларын Италиянең үзенә барып күреп кайткан, балет премьераларына йөргән, Зур театрда опера тыңлаган, кайсы илгә барсам, шундагы халык телендә ипи-тозлык булса да сөйләшә алган укымышлы хатын-кыз – шушы тәкәб­бер ирнең булуына рәхмәт укый-укый, аның белән буш әңгәмәне ялгарга азапланып утырыйммы?! Мине бәхетле итәренә 100 процент инана бит әле ичмаса! Каян килә шундый үз-үзенә гашыйк тәкәббер ир-атлар?  

Киңәш: Әңгәмә өзелмәсен дисәгез һәм уңайсыз тынлыкта калырга теләмәсәгез, сорауларны күбрәк яудырыгыз, җавапларын игътибар белән тыңлаган кебек кыланыгыз. Ир-ат сезне кызыксындыра алдым дип тик уйласын шунда. Ул үзе турында сөйләү белән мавыгып китеп, сезнең асыл ниятләрегезнең нидә икәнен сизми дә калыр.
 
Кияү егете, ким дигәндә, үзен тормышның хуҗасы итеп сизә. Күп дигәндә – әйтеп торасы да килми. Ул миңа баштанаяк сөзеп карады да ашавыннан туктамыйча гына кем булуым белән кызыксынды. Ялганлап тормадым инде, җәмгыятьтә хатын-кызлар эмансипациясе кебек юк-бар һәм башка шуның ише эшләр белән шөгыльләнүем турында сөйләп бирдем. Кияү егетем чәйнәвеннән туктап калды. Ярый әле тончыкмады. 

Моннан соң да чәнечкеле сорауларым бетеп тормады. Мәсәлән, «сез Италиянең бөек скульпторлары эшл­ә­ренә ничек карыйсыз?» «Алар мәр­мәр сыннарга шулкадәр гармония һәм хисләр сала алган, сез моның белән килешәсезме?» «Беләсезме, миңа һәрвакыт экстраординар фикер йөртүче перспективалы ир-атлар ошый»... Мондый җөмләләрне йомшак, тыныч тавыш белән әйтергә кирәк. Ничек килеп чыкса, шулай да ярый инде. Моннан соң «егетебездән» җилләр исәчәк. Әгәр дә инде кыланмышларыгызны киң җилкәсе белән күтәреп, әңгәмәне үзегез куйган тонда дәвам иттерә алса, сезгә кирәкле кеше шул булыр. Ычкындыра күрмәгез: тизрәк ЗАГСка алып китегез. Югыйсә башкалар да йоклап ятмас.

Ә минем «свидание» барып чыкмады әле. Исем дә китми, әнинең дус кызлары җитәрлек... 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кайгыда да, шатлыкта да бергә без Мин иң бәхетле хатын идем. Яраткан ирем, кызыбыз туды. Әмма Аллаһы Тәгалә безгә сынау әзерләгән булган икән. Ирем түзәр микән дигән сорау белән башланды һәр көнем ул вакытта...
    16713
    3
    105
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    5490
    7
    57
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    4931
    3
    44
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3803
    0
    39
  • «Ә мәхәббәт гомерләрдән озын...» Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргавен кызы Асия белән Мәрьямне күрерсең... Аларга миннән сәлам әйт!»
    3498
    0
    37
Реклама
Реклама
Соңгы комментарийлар
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
    «Иреңне берәүгә дә бирмә!»
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
    «Иреңне берәүгә дә бирмә!»
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
    «Иреңне берәүгә дә бирмә!»
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
    «Иреңне берәүгә дә бирмә!»
  • 23 ноябрь 2022 - 18:41
    Без имени
    Хатыннар ирлэрне кичерерхэ тиешме!
    Мин хыянәт иттем... 
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда