Хатын-кызлар – сәхнә түрендә

Бүген башкалабыз Казанга республикабызның төрле районнарыннан һәр яктан да уңган хатын-кызлар җыелды. Гаиләдә – сөекле тормыш иптәше, назлы әни, иҗтимагый тормышта – актив катнашучы, эш урыннарында башкаларга үрнәк булган гүзәл затлар 8 март бәйрәме якынлашкан көннәрдә җылы котлау сүзләрен кабул итте.

Матур традиция буенча язның сөекле һәм сөйкемле бәйрәме - Халыкара хатын-кызлар көне уңаеннан «Ел хатын-кызы», «Ел ир-аты: хатын-кыз карашы» бәйгесенә нәтиҗә ясала. Нәзәкатьле затларның кабатлап булмый торган мөмкинлекләрен күрсәтүче һәм замана хатын-кызы образын ачучы бу конкурс республикабызда быел 18 тапкыр уздырылган. Бу юлы игълан ителгән 10 номинациягә 400дән артык гариза алынган. Алабуга, Алексеевски, Азнакай, Лаеш, Түбән Кама, Чаллы, Яшел Үзән һәм Казанда узган зона этапларында катнашучыларының 84е җиңүче дип табылган. Шуларның 15е республикакүләм бәйгенең җиңүчесе булды.

Беренчеләрдән булып сәхнә түренә иң өлкәннәр күтәрелде. Быелгы язның иң төп вакыйгасы – Бөек Җиңүнең 70 еллыгы уңаеннан «Өлкән буын героинясы» номинациясендә әлеге сугышны кичеп, исән-имин туган якларына әйләнеп кайта алган, шулай ук тылда Җиңүне якынайткан хатын-кызлар бүләкләнде.
Казаннан София Порсева – сугышта радист булган. Курск дугасындагы хәрби хәрәкәттә катнашкан. 1941 елның 18 июнендә чыгарылыш кичәсендә биегән кызчык, 20сендә үзенең имтиханнарсыз Казан дәүләт университетына кабул ителүенә шатлана. Ә инде 22 июньдә радистлар курсларына язылып үз теләге белән фронтка китә.

Лениногорскидан Вера Вуколованың балачагын сугыш урлый. Аның хәтерендә 900 блокада көне, әнисе үлеме, соңгы ипи валчыгы тәме, балалар белән тулы эшелон һәм аны зур җылылык белән кабул иткән кечкенә генә татар авылы кешеләре турындагы истәлекләре гомерлеккә уелып калган.

Балтач районыннан Мөбәширә Сафина авылның бар ирләре фронтка алынгач, урман кисәргә, окоп казырга йөри, тракторчы булып эшли. Җелеккә төшә торган авыр хезмәт тә аңа хатын-кызларның иң гүзәл сыйфатларын саклап калырга комучауламаган. Фронтовик Гомәр Сафин белән алар биш бала тәрбияләп үстерәләр.

Өлкән буын вәкилләреннән соң котлау сүзләрен бер-бер артлы «Хатын-кыз – мәдәни һәм рухи чыганак», «Минем язмыш – минем һөнәрем», «Хатын-кыз – лидер», «Хатын-кыз – галим», «Хатын-кыз – ана», «Эшлекле ханым», «Хатын-кыз – ел үрнәге» номинацияләрендә җиңүчеләр кабул итте. «Ел ир-аты: хатын-кыз карашы» номинациясендә Россия Фәннәр Академиясе академигы Ренат Акчурин билгеләп үтелде. «Ир-ат-лидер» дип «Булочно-кондитерский комбинат» генераль директоры Булат Котдусов табылды, ә «Ир-ат - мәрхәмәтле йөрәк» номинациясе җиңүчесе «La Primavera» оркестры җитәкчесе һәм баш дирижеры Рөстәм Абәзов булды.

Котлау сүзләрен Татарстан Премьер-министры Илдар Халиков ирештерде. «Сәхнәдәге хатын-кызлар да, залда утыручы гүзәл затлар да – республикабызда иң яхшылары, алар моны үз хезмәтләре, тормышлары, иҗади уңышлары белән раслый», - дип ул Татарстан Президенты Рөстәм Миңнехановның да тәбрикләү сүзләрен җиткерде.

Лауреатларга мактаулы дипломнар һәм химаячеләрдән кыйммәтле бүләкләр тапшырылды. Шулай ук барлык хатын-кызларга да чәчәкләр бирделәр. Конкурс җиңүчеләрен бүләкләү җырлы-биюле чыгышлар белән үрелеп барды.


Фотолар: Солтан Исхаков

Чара  турында тулырак итеп, «Сөембикә» журналының март санында укый аласыз.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6948
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4359
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2849
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9431
    6
    35
  • Сыналган мәхәббәт бәхете Язмыштан котылып булмый, язмышыңа язылган булса, тешеңне сындырып керер, диләр. Вәсиләгә Газие белән бәхетле булырга язган булган инде. Урау юллар, яңа гаилә аша узып булса да. 
    3689
    0
    30
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда