Март, 2017

Кучкар
Яңа күтәрелешләр һәм яңа уңышлар ае. Кул кушырып ятмасагыз, күпкә ирешәчәксез. Шәхси тормышын үзгәртергә теләүчеләр өчен яхшы вакыт. Ай ахырында гениаль фикерләр туар, аларны хәтта язып барсагыз да була. 

Үгезбозау
Күбрәк ял итеп, көчегезне азрак сарыф итәргә тырышыгыз, туган көне алдыннан кешенең организмы зәгыйфь була. Бу айда зур эшләргә алынмагыз, яңаларын башламагыз. Кыйммәтле әйбер сатып алганда яки кәгазьләргә кул куйганда җентекләп өйрәнегез, алдану ихтималы зур.

Игезәкләр
Иҗади көчләрнең активлашкан чоры. Хәтта моңарчы бернинди сәләте беленмәгән кешеләрнең дә тирә-юньдәгеләрне шаккатыруы ихтимал. Мөһим эшләрне айның 10 сынына кадәр төгәлләргә тырышыгыз, югыйсә аның бик озакка сузылуы мөмкин. 

Кысла
Тормышыгызда үзгәрешләр булыр, абруегыз да, керемегез дә артыр. Хәтта күңелегездә йөрткән хыялыгызны да тормышка ашыра алырсыз. Тирә-юньдәгеләр, үзләре дә сизмәстән, сезгә ярдәм итәчәкләр. Белем алу, яңа эшкә өйрәнү өчен яхшы вакыт.

Арыслан
Уңышлы ай. Үзегезгә нәрсә кирәген яхшы беләсез, максатыгызга җиңел ирешерсез. Көтелмәгән керем керү ихтималы бар. Ай уртасында эшлекле тәкъдим булыр, алдыгызда яңа мөмкинлекләр ачылыр.

Сөмбелә
Күңелле мәшәкатьләр бөтереп алыр. Сәбәбе нинди генә булса да, алар  җаныгызга рәхәтлек бирәчәк. Айның икенче яртысында тормышыгызга яңалык кертердәй кеше белән очрашырсыз, тормышка карашыгыз үзгәрер.

Бизмән
Шатлык-сөенечләргә бай ай булыр. Яңа мөмкинлекләр ачылырга тора, уяу булыгыз. Моңарчы хыялыгызда гына йөрткән максатыгызга ирешү юлын күрерсез, файдасы тиярдәй кешеләр белән танышырсыз. 

Чаян
Көчле тәэссоратлар һәм кичерешләр вәгъдә итүче ай. Шәхси тормышыгызда уңай якка үзгәрешләр булыр, тотрыклы керем чыганагы барлыкка килер. Ел башында ук ниятләнгән эшләрегезне башкарып чыгарсыз.

Укчы
Яңа танышлыклар, яңа тәэсирләр ае. Җаныгыз иреккә омтыла, бераз күңелегезне күрү җаен да карарга тырышыгыз. Моңа кадәр «йокымсырап яткан» талантларыгыз ачылыр. Белем алу, яңа эшләргә өйрәнү өчен бик кулай чор. 

Кәҗәмөгез
Искиткеч мөмкинлекләр ае, алдыгыздагы һәр ишек ачык булачак. Кыюрак эш итсәгез, әллә нинди уңышларга ирешеп, үзегезнең нәрсәгә сәләтле булуыгызны күрсәтә алырсыз.  

Сукояр
Ай башы тыныч узса да, ай урталарына таба вакыйгалар ташкыны бөтереп алыр. Ерак арага сәфәр чыгу ихтималы зур. Эшегездә үзгәрешләр булып, югарырак вазыйфа тәкъдим итәргә мөмкиннәр. Финанс ягы тотрыклыланыр.

Балык
Беренче урында торган мөһим эшләрне барлап, көчегезне әлегә шуларга гына сарыф итегез. Вазыйфаларыгызга кермәгән эшләргә алынмагыз. Йолдызлар сезгә яхшы тәэсирләр, шатлыклы вакыйгалар вәгъдә итә.