Бизәкләр теле

Борынгыдан – мәҗүсилектән башлап, кеше шартлы билге-символлардан гади бизәкләр иҗат иткән.

горизонталь сызык – җир яссылыгы;

дулкынлы сызык – су;

түгәрәк, квадрат, ромб кояш һәм айны аңлаткан.

Күп кенә нәкыш үрнәкләре, алар белән бизәлгән әйберләр кешене саклаучы амулет дип кабул ителгән. Мисал өчен, артыш, гөлҗимеш, миләш – бәхет үсемлекләре булып саналган. Хәтта бүгенге көндә дә кайберәүләр аларның чәчәк-ботакларын талисман итеп янда йөртәләр.

Гөлчәчәк – матурлык һәм мәхәббәт символы.

Лалә чәчәге – яңарыш билгесе.

Кашкарый (астра) – күп таҗлы булуы сәбәпледер, озын гомер чәчәге булып санала.

Нәкышләрдә киселгән анар җимеше дә очрый – муллык, уңыш билгесе.

Безнең көннәргә Идел буе болгарлары заманнарыннан чәчәк бәйләме мотивы – кыр куагы («тормыш агачы») сурәтләре килеп җитте – тормыш чыганагы символы ул.

Кош, каурый, кызыл төс төрки халыкларда элек-электән кояш, яктылык символы булып торган.

Следите за самым важным и интересным в Telegram-каналеТатмедиа