Өметегез сүнмәсен яки «Баласызлык» диагнозы турында

Моннан ике ел элек табиб шәхси медицина карточкама минем өчен коточкыч сүзләр язып куйган иде: «Бесплодие». «Син балага уза алмыйсың» - дигән бу карар хатын-кыз өчен нинди мәгънәгә ия булуын үзе шуның аркылы үтүчеләр генә аңлыйдыр. Мин ул вакытта бер генә сорау бирдем: «Ни өчен мин?» Кайсы җирем китек соң минем? Азып-тузып йөргәнем юк, кечкенәдән диндә. Авыр күтәргәнем, зыянлы эштә эшләгәнем юк. Әнием бер-бер артлы ике бала тапкан, әти ягыннан әбием өчне, әни ягыннан әбием - алтыны! Ә табиб миңа син берне дә таба алмыйсың ди?!.

...Кияүгә чыккач мин дә, тизрәк бәбигә узу, бала сөю турында хыяллана башладым. Ярты елдан соң - менә сөенеч! Кунакларым килмәде! Тестта - ике таяк! И сөендек, и сөендек инде! Әмма 8 атна дигәндә эчем нык авырта башлады, кан китте. Узида бала үсеш алуын туктаткан диделәр. Алга таба - хастаханә, «выскабливание», дәвалану... Шулай итеп, беренче бәбигә узуым уңышсыз төгәлләнде. Мондый хәл хәзер 70% хатын-кызда күзәтелә икән. Еш кына беренче көмән йә төшә, йә үсеш алуын туктата. Табигый сайланыш процессы, дип аңлаттылар. Арты хәерле булса, 3-6 айдан яңадан балага узып, сау-сәламәт бала табалар. Минем очракта арты бик хәерле булмады.
«Выскабливание» ясаганнан соң аналыкка инфекция эләккән. Нәтиҗәдә, миңа аналык ялкынсынуы диагнозы куелды. Тагын хастаханә, дәвалану...

Болай булмас дип, түләүле табибка бардым. Ул минем дәваланып бетмәгән ялкынсынуга тагын бер кочак диагноз өстәде, кыйммәтле тикшеренүләр үткәрттерде, дарулар язды. Ул табибка бер ел чамасы йөрдем. Эшкә йөргән кебек. Барган саен тагын нидер өстәп кайтара, әле балага уза алмыйсың, иртәрәк ди. Ярты елдан соң әкренләп сүзне ЭКО темасына бора башлады. «Син әле яшь. Тизрәк мөмкинлекне файдаланып калырга кирәк!» - ди. Бер елдан соң инде миңа «баласызлык» диагнозы куйды. Шул диагноз буенча дәвалый башлады...

Чираттагы бер баруда табиб мине тагын ниндидер тикшеренү узарга икенче бер клиникага җибәрде. Клиникадагы медсестра минем кәгазьләрне карады да: «Сезне Фәлән Фәләновна җибәрдеме әллә?» - диде. Миннән уңай җавап ишеткәч, елмайды да: «Сез хәзер күренергә тиешле табиб аның дусты, ул үзенең пациентларын гел безгә җибәрә. Кыйммәтле тикшеренү бит. Сезгә чыннан да кирәк микән ул?» - диде. Бу кызның сүзләре айнытып җибәргәндәй булды. Димәк, мин система колына әйләнгәнмен. Хәзер мине дәваларлар, дәваларлар да, ахыр чиктә ЭКОга җибәрерләр.

Шуңа да хатын-кыз проблемалары белән интеккән ханымнарга беренче киңәшем - түләүле табиблар, клиникалар белән мавыкмагыз! Алар күп очракта акча суыру, аннан ЭКО кебек кыйммәтле процедурага үгетләү белән шөгыльләнәләр. Иң яхшысы - үзең ышана алырдай табиб табу. Ул түләүле клиникада да эшләргә мөмкин. Әмма аның үзеңә ярдәм итәчәгенә ышанырлык табиб булуы кирәк. Шуңа күрә, дуслар, танышлар аша эш итәргә тырышыгыз. Бу очракта табиб сезнең өчен җаваплык тоячак. Клиникага «урамнан» килеп кермәгез. Яхшы табиб түләүсез дә булырга мөмкин. Мин үзем андый белгечне хатын-кызлар консультациясендә таптым. Миңа калса, тәҗрибәле, кешелекле, табиб исеменә тап төшермәгән андый белгечләр һәр консультациядә дә эшли. Аларны табарга гына кирәк. 

Яңа гинекологым мине игътибар белән тыңлады да, вакыт сузуым өчен шелтәләп куйды. Түләүле клиникада җыелган бер папка анализларны, дәвалау схемаларын карап чыкты һәм миңа бөтенләй икенче төрле юнәлештә эш итәргә кушты. Төп басым дарулардан соң көчсезләнгән иммунитетны ныгытуга ясалырга тиеш иде. Кишер, чөгендер, бәрәңге, сельдерей согы, әрекмән тамыры төнәтмәсе, дару үләннәре, кара тмин мае, хильба төнәтмәсе, билгеле нокталардан кан агызу (хиҗама) - болар барысы да организмны кире тормышка кайтара башлады. Башта күрем циклы рәткә керде, аннан узи зур гына булган миоманың юкка чыгуын күрсәтте, аналык ялкынсынуы кимеде. Күңелдәге төшенкелек кимеп, өмет уянды.

«Баласызлык» диагнозы куелган ханымнарга төп киңәш - беркайчан да өметне өзмәскә кирәк. Аллаһы Тәгалә насыйп иткән булса, һичшиксез бәби сөярсез! Туасы җан барыбер туа ул, ә туасы булмаса, нинди генә яхшы табиб та саклап кала алмый. Иң мөһиме - төшенкелеккә бирелмәскә! Үзем өчен авыр вакытларда янымда ирем булды. Аның ярдәме, терәге зур иде. Ул булмаса, мин үзем генә җиңеп чыга алмас идем, бирешкән булыр идем...

Аллага шөкер, без бүген Азамат исемле батыр малай үстерәбез! Көтеп алынган бәби көтү процессы җиңел булды дип әйтә алмыйм. Берничә тапкыр саклануда ятарга туры килде, анализлар ахырга кадәр начар булды. Бу очракта бәби көтүче хатын-кызга үзен кулда тотарга өйрәнергә кирәк. Мин үзем өчен билгеле бер алгоритм булдырдым: салкын акыл белән эш итәргә кирәк. Кайбер очракта ниндидер дару капканчы икенче белгеч белән киңәшеп алу кирәк, икенче очракта - анализны кабаттан тапшырып карарга була. Ашыгып, үзеңә дә, балага да зыян салуың бар. Туачак бала өчен төп җаваплы кеше ул - син! Моны аңлап эш итү файдага гына булачак. 

...Минем ана исеменә ирешүем менә шундый маҗаралар аша булды. Аның җиңел генә бирелмәве декрет ялының, бала үстерүнең һәр мизгеленнән тәм табарга, кадерен белергә ярдәм итә. Әлегә бәбигә уза алмыйча интегеп йөрүче хатын-кызларга бу уйга ябышып ятмаска киңәш итәр идем. Кемгәдер ана булу бәхете беренче елда ук килә, кемгәдер гаилә тормышының өченче, икенче берәүләргә бишенче елында. Унбиш елдан соң гына әти-әни булган парны да беләм. Шуңа күрә, Ана булу турындагы өметне беркайчан да сүндермәгез!

фото: http://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7083
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4430
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2896
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9534
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4594
    0
    33
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда