Икәүләшеп көтәбез!

Иң яхшы ир булу өчен ни кирәк? Салкын төнгә каршы сөйгәнеңә кибеттән әфлисун алып кайту да җитә.
Минем: «Тест уңай нәтиҗә күрсәтте», — дигәнем сюрприз булырга тиеш түгел, чөнки безнең бу адым алдан ук планлаштырылган иде. Әмма, менә бит, кем уйлаган, ирем тораташтай катты. Бер сүз әйтә алмады. Берничә минуттан соң гына: «Матур сүзләр әйтәсем килә — һич табалмыйм...» — дип куйды. Кочаклавы иң матуры булды. Бу мизгелдән без «йөкле гаилә»гә әверелдек. 

Элеккегә караганда, бүгенге булачак әтиләр үзләренең яңа статусына бик җитди карый икән. Моны мин курсларда да, Интернет-форумнардан да аңладым. Булачак әтиләр карындагы балаларының язмышында да мөһим роль уйнарга теләгәнен белдерә. Әмма ничек итеп? Күбесе моны белми. Бездән ярдәм кирәк. Ирем, үзе белепме, шул ук Интернеттан укыпмы, беренче көннән үк үзгәрде дә куйды. Ул әти булырга әзерләнә башлады. Беренче триместрда бик арый торганга әйләндем. Өйгә кайтам да диванга авам. Еш кына кичке ашны иремә үзенә әзерләргә туры килде. Моны ул уфтанмыйча, янына мине утыртып башкарды. Мин пешергән һәр ризыкны рәхмәт әйтеп ашады, бәйрәм итеп кабул итте – бу миңа көч өстәде! 

Йөкле хатын-кыз үзе дә... балага әверелә башлый көйсезләнә, ярсып китә, еламсырый... Ирем моның сәбәбе гормоннарда икәнен аңлады, кискен сүзләремә игътибар итмичә, кочаклап юатты гына. Әтиләр! Йөкле хатын-кыз белән бәхәсләшергә, аның дәрәҗәсенә «төшеп» чебеннән фил ясарга кирәкми! Сезнең алдыгызда – үз халәтеннән үзе дә курыккан, булачак тулгак­лар турында уйлап үзенә урын тапмаган кечкенә кыз бала. Сез хәзер аның өчен ир генә түгел, ата кеше дип тә әйтеп була. Сездән наз, игътибар, мәхәббәт кенә көтә ул. Әлбәттә, хатын-кыз да чынбарлыктан ерак китмәскә тиеш – убырлы карчыкка әверелеп, истерикалары белән якыннарын өркетү артык булыр.
Ирләр! Алдагы тугыз ай дәвамында баллы айда әйтелгән матур сүзләрдән дә матуррак сүзләр табарга тырышырга тиешсез. Ялгыш «Түгәрәгем!» дип кенә ычкындыра күрмәгез! Без үзгәргән тәнебездән хәзер болай да канәгать түгел, сезнең яратып кына әйтелгән сүзләр дә тискәре кабул ителергә мөмкин: «Әһә! Тазарганмын! Миннән көлә! Мин ошамыйм!» яисә: «Мин юан һәм ямьсез!» – дигән коточкыч уй мәңгегә башка кереп кунаклавы ихтимал. Сездән – комплиментлар һәм безне элеккедән дә гүзәлрәккә әверел­гән­леккә инандыру, бездән шуңа ышану һәм тынычлану. 
Гомумән, супер ир булыр өчен күп «тиешләр» үтәлсен. Исемлеген диварга элеп куйсагыз, уңайлырак булыр.
 
Супер ир тиеш:

* хатыны белән сөйләшергә. Күп итеп сөйләшергә! Темалар – бихисап: табиб нәрсә дип әйткән, анализлар нәтиҗәсе нинди, организмга ни җитми, нәрсә ашалган, ничә мәртәбә баш әйләнгән, бала селкенгәнме, селкенсә, ничек итеп, селкенмәсә – нигә икән һ.б.;
* кич саен хатын белән саф һавада йөрергә;
* өйдәге эшләрнең бер өлешен үз җилкәңгә алырга, һич югы ул эшләрне бергәләп башкарырга;
* кирәк вакытта аптекага чыгып йөгерергә;
* йөклелек, бала тәрбияләү турында китаплар укырга;
* хатынның ничәнче атнада булганын белеп торырга;
* бала әйберләрен алырга дип бергә кибеткә чыгарга һәм бу эштә чын кызыксыну белдерергә;
* акча эшләргә;
* курсларның бер генә дәресенә булса да барып кайтырга;
* бала тәрбияләү, үстерү турында фикер алышырга – бала кайда йоклаячак, кайсы спорт секциясенә йөриячәк (әлбәттә, сез уйлаганча булмаска да мөмкин, иң мөһиме, фикерегезне белдерү!);
* тозлы, майлыны ашатмаска. Хатын алдында да тәмләп ашамаска!
* аякка, билгә массаж ясарга;
* тулгак башланганда, хатынының өй буенча чабып, «соңгы эшләрен генә төгәлләвен» – үтүкләү, юу, себерүләрне туктатырга; 
* төнге йокыларны калдырып, елаган баланы бүлмә буйлап күтәреп йөртергә әзер булырга, бу турыда әйтеп хатынын тынычландырырга;
* эштән соң туп-туры өйгә кайтырга.
* бәби табу йортына ничек итеп баруыгызны алдан уйлап куярга.

Хәер, моның белән исемлек тәмамланмый... (Исемлектә буш урын калдырыгыз – хатыныгыз өстәп торыр.)

Бала табу вакыты килеп җиткәч, гаилә алдында тагын бер сорау килеп баса – баланы әтисе белән бергә табаргамы, әллә бу адымга бармаскамы? Чит илдә, мисал өчен АКШта, әти кешенең бала табу бүлмәсендә хатынына ярдәм итүе турында сүз дә бармый. Ул анда керә – шуның белән шул. Һич югы, әнисе яки дус кызы кертелә. Без әле моңа киләбез генә. Кайбер танышлар исә: «Ир-ат булганда табиб, акушерка үзләрен тупас тотмый, нәзакәтлек күрсәтә,  диләр. – Үз күзләре белән баласының тууын күргән әтиләр ул балага тагын да ныграк бәйлелектә була». Ә берсе: «Авыр халәттә, ямьсез кыяфәттә күргәннән соң ирем миңа байтак вакыт хатын-кызга карагандай карый алмады...» – диде.

Бу сорауны миңа да еш бирәләр: «Бергә табасызмы?» Юк. Иң элек, ир кеше мондый адымга барыр алдыннан хатыны белән бергә курсларга йөрергә тиеш – бала табу табигатен аңларга, нечкәлекләрен белергә кирәк. Бөтен өйрәнгәннәре башыннан очып беткән хатынына тулгак вакытында ничек дөрес сулыш алырга әйтеп торган ир генә файда китерә.

Ирләр, әзер булыгыз, бала тугач, әни кеше баштанаяк аның дөньясына чумачак. Тора-бара баласыз башкалар белән нәрсә турында һәм ничек итеп сөйләшергә кирәк икәнен онытыр, хәтта дөнья проб­лемаларыннан читләшер, яңалыклардан бөтенләй хәбәрдар булмас... Моңа юл куймагыз!

Хатыныгызның кызыксыз кешегә әверелмәве сездән дә тора – сәясәт, икътисад, экология, яңа чыккан китаплар, куелган спектакльләр турында сөйләшегез! 

«Тиеш-тиеш! Нигә мин генә тиеш!» – дип уфтанырга ашыкмагыз! Аңа карата булган мөнәсәбәтегезне ул мәңгегә хәтерендә калдырачак. Яратуыгызны, кайгыртучанлыгыгызны тойган хатыныгыз сезгә мең рәхмәтле булыр... Һәм, кем белә, бәлки төн уртасында әфлисун кирәк дип, кибеткә җибәрмәс – кызганып куяр?..

Фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кайгыда да, шатлыкта да бергә без Мин иң бәхетле хатын идем. Яраткан ирем, кызыбыз туды. Әмма Аллаһы Тәгалә безгә сынау әзерләгән булган икән. Ирем түзәр микән дигән сорау белән башланды һәр көнем ул вакытта...
    16711
    3
    105
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    5486
    7
    57
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    4931
    3
    44
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3803
    0
    39
  • «Ә мәхәббәт гомерләрдән озын...» Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргавен кызы Асия белән Мәрьямне күрерсең... Аларга миннән сәлам әйт!»
    3498
    0
    37
Реклама
Реклама
Соңгы комментарийлар
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
    «Иреңне берәүгә дә бирмә!»
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
    «Иреңне берәүгә дә бирмә!»
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
    «Иреңне берәүгә дә бирмә!»
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
    «Иреңне берәүгә дә бирмә!»
  • 23 ноябрь 2022 - 18:41
    Без имени
    Хатыннар ирлэрне кичерерхэ тиешме!
    Мин хыянәт иттем... 
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда