Мәтрүшкәле чәй, татлы җир җиләгеннән ясалган кайнатма... Менә шундый җәй тәме, балачак тәме булган туңдырма ашап караганыгыз бармы? Әйе, әйе, мәтрүшкәле туңдырма! Аның һәр кашыгында – безнең туган җир тәме. Татар акценты белән туңдырма җитештерүче Айгөл ханым НУРИСЛАМОВА бу эшен бөтен җанын-тәнен биреп башкара. Туңдырма безне болай да балачакка алып кайта. Ә мәтрүшкәле, җиләкле туңдырма хәтта аның тәмен искә төшерергә дә ярдәм итә.
