Һәрнәрсәдә гамебез бар!


Дөньяда яшим дип яшәгән һәр хатын-кыз бала үстерергә, җир шарының киләчәген ышанычлырак итәргә, терәген ныгытырга омтыла. Белмим, бу Ходай тарафыннан хатын-кызның табигатенә салынадырмы, әллә тормыш дигәнең үзе өйрәтәдерме — ул кадәресенә акылым ирешми, әмма Ана дигән затның бу дөньяда һәрнәрсәдә гаме бар.
Бик борынгы заманнарда, әле төрки бабаларыбыз күчмә кабиләләр булып көн иткәндә, кабилә башлыклары — ир-атлар табыш, мал бүлгәндә бәхәсләшеп, сугышып киткәндә аналар кан коюны булдырмас өчен башларындагы ак яулыкларын йолкып алып мәйдан уртасына — бер-берсен өзгәләргә әзер торган ирләрнең аяк астына ташлаганнар. Гайрәтләнгән сугыш чукмарлары аналарның ак яулыгына кан тамызырга җөрьәт итмәгән. Әнә шулай ана йөрәге кабиләне көчсезләнүдән, башкаларга корбан булудан саклаган, нәселне дәвам иткән.
Безнең заман, борынгы бабаларыбызныкына караганда, мең мәртәбә хәтәррәк. Зиһене томаланган шовинистларны, көфер идеалларга җан саткан фанатларны, акылсыз “акыллыларны”, бәгырьсез дөнья хуҗаларын акылларына китерү өчен ак яулыклар гына җитми бүген. Аналар кан тамган яралы бәгырьләрен учлап корал ясаучылар, сугыш чыгаручылар белән сөйләшә, кайнар башлар төзегән сәясәткә кереп китеп хаклык эзли, гакыллы юл күрсәтергә тырыша. Акыл машиналары кеше зиһенен узып киткән чорда яшәп тә ничәмә-ничә сугыш күрдек бит. Шул сугышлардан кояшны каплаган кара төтенне куып тарату да безгәме? Сугышта гаскәрнең чамасыз кырылуына кайгырып килгән яраннарын Петр патша кайчандыр: “Борчылмагыз, хатыннарның корсагы зур, балаларны күп табарлар”, — дип, кире борган. Акылсыз патшалар ялгышын гомер-гомергә аналар мәхәббәте, аналар бырлыгы төзәтә килә. Төзәлмәслек яраларны ямаучылар да үзебез бит. Ләхетләрне кочып елап та, шәһит киткәннәр рухына догалар кылып та арыдык бит инде. Гомерләр үтеп китәр ул. Бәгырьләр бөтен булу кирәк. Җир йөзенә күбрәк тормыш тудырып калырга, мәхәббәтебез белән бүлешергә иде. Шунсыз дөнья сансыз булыр бит, шунсыз дөнья ямьсез булыр...
Нәзирә ГАНИЕВА.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6322
    1
    45
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7288
    0
    34
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3893
    0
    31
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1966
    0
    28
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2100
    0
    18
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда